ტრიქოფიტია

ტრიქოფიტია trichophytosis

არჩილ შენგელიალალი დათეშიძე

ტრიქოფიტია კანისა და მისი დამანატების (თმები, ფრჩხილები) დაავადებაა; გამომწვევია Trichophyton – ის გვარის სოკოები. განასხვავებენ ზედაპირულ, ღრმა, დაჩირქებად ტრიქოფიტიებს. ზედაპირული ტრიქოფიტიების დასნებოვნების წყაროს წარმოადგენენ დაავადებული ადამიანები. დასნებოვნება ხდება ავადმყოფთან უშუალო კონტაქტის შედეგად, უხშირესად ოჯახის, დახურული საბავშვო დაწესებულებების პირობებში. ღრმა ტრიქოფიტიის დასნებოვნების წყაროებია დაავადებული ცხოველები, მათთან უშუალო ან მათი ბეწვით დაბინძურებული საგნებთან კონტაქტი. ტრიქოფიტიის პათოგენეზში მნიშვნელოვანი როლი ენიჭება კანის ტრამვებს, მის სინოტივეს, ორგანიზმის დამცველობითი ძალების დარღვევებს.  

ტრიქოფიტია სიმპტომები გლუვი კანის ზედაპირული ტრიქოფიტია – მრგვალი ან ოვალური ფორმის, წვრილი ანთებითი, ჩვეულებრივ ერთეული ლაქები პერიფერიული ბალიშებით, რომლებზეც წარმოიქმნება ქერქებად გამშრალი ბუშტუკები; ლაქების ცენტრში ვლინდება აქერცვლა. ქავილი ჩვეულებრივ არ აღინიშნება.

ტრიქოფიტია თავის თმიანი ნაწილის, წვერების, ულვაშების ზედაპირული ტრიქოფიტია – მრგვალი ფორმის, პატარა ზომის აქერცლილი კერები არამკვეთრი საზღვრებით, თმების დაზიანების კერაში გაიშვიათებულია, ზოგიერთი მათგანი მოტეხილია კანიდან 1 – 2 მმ სიმაღლეზე. მოზრდილთა ქრონიკული ტრიქოფიტიის დროს ვლინდება არათანაბარი მოხაზულობის და არამკვეთრი საზღვრების, აქერცვლადი, მოლურჯო ფერის მრავლობითი კერები, რომლებიც განიცდიან შერწყმისადმი ტენდენციას. დამახასიათებელია სიმეტრიული ლოკალიზაცია (წვივების, წინამხრებზე, დუნდულოებზე). თავზე აქერცვლა მოგვაგონებს სებორეას.

ტრიქოფიტია ფრჩხილების ტრიქოფიტიის დროს, ისინი ხდებიან მკრთალი ელფერის, დახორკლილნი, ნაცრისფერ – რუხი შეფერილობის, შესქელებულნი, ადვილად განიცდიან ქერქებად გარდაქმნას.

ტრიქოფიტია ღრმა ჩირქოვანი ტრიქოფიტიის დროს – კანის მკვეთრი ჰიპერემია, ინფილტრაცია, კერებში ფოლიკულური პუსტულების გაჩენა. დაზიანების კერები არიან მრგვალი ფორმის, სიმსივნური შესახედაობის, მუქი წითელი ფერის, რომლებიც დაფრულნი არიან ქერქებით, ზეწოლისას ფოლიკულებიდან გამოიყოფა ჩირქი. არც თუ იშვიათია მტკივნეულობა, რეგიონალური ლიმფური კვანძების გადიდება, ტემპერატურის მომატება, მეორადი ალერგიული გამონაყარი – ტრიქოფიტიდები. პროფილაქტიკა დაფუძნებულია ავადმყოფების დისპანსერულ მომსახურებაზე: ოჯახის წევრების განმეორებითი გამოკვლევები, დეზინფექციები მიკოზის კერებში, ტრიქოფიტიებით დაავადებული ცხოველების გამოვლენა, დერატიზაცია.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

კანისა და ვენერიული დაავადებები