ენტეროპათიური აკროდერმატიტი
ენტეროპათიური აკროდერმატიტი (ბავშვებში) – ავტოსომურ-რეცესიული დაავადება, რომელიც გამოწვეულია ნაწლავში შეწოვის დარღვევით; ბავშვებში ვლინდება შემატებითი საკვების დანიშვნისას.
❖ საქონელი ბავშვებისათვის გამოწერით
- სათამაშოები და საჩუქრები ბავშვებისათვის
- ტანსაცმელი და ფეხსაცმელები ბავშვებისათვის
- ბავშვის მოვლის საშუალებები
- საიტები ბავშვების შესახებ
ეტიოლოგია, პათოგენეზი
დაავადებას საფუძვლად უდევს თუთიის ნაკლებობა, რაც გამოწვეულია საკვებთან თუთიის არასაკმარისი მიღებით ან ნაწლავში მისი შეწოვის დარღვევით.
თუთიის დეფიციტი აქვეითებს მრავალი ფერმენტის აქტიურობას და იწვევს ნივთიერებათა ცვლის მოშლას, განსაკუთრებით კი ნახშირწყლებისა და ცილების.
კლინიკური სურათი
დამახასათებელია ვეზიკულური, პუსტულოზური, ბულოზური დერმატიტის განვითარება კიდურების დისტალურ ნაწილებზე, ასევე სხეულის ბუნებრივი ხვრელების ირგვლივ; ხშირია ალოპეცია, წარბებისა და წამწამების დაცვენა, ლორწოვანი გარსების სოკოვანი დაზიანება, დარღვევები კუჭ-ნაწლავის ტრაქტის მხრივ (ფაღარათი, სტეატორეა).
დროთა განმავლობაში ვითარდება ჰიპოტროფია, მეორადი ჩირქოვანი ინფექცია; ბავშვები ჩამორჩებიან ზრდაში.
დიაგნოზი
დასტურდება სისხლში თუთიის დაბალი შემცველობის დადგენით. დიფერენციალური დიაგნოზი ტარდება ნაწლავის შეწოვის დარღვევის სინდრომთან, დერმატიტთან.
მკურნალობა
ინიშნება შესაბამისი მკურნალობა; პროგნოზი ადრე დაწყებული მკურნალობის დროს კეთილსაიმედოა.
პროფილაქტიკა – კვების წესების დაცვა ბავშვის ასაკთან შესაბამისობით. პედიატრიული დაავადებები
პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.