ბადურის აშრევება

ბადურის აშრევება ablatio retinae

მკვეთრი მოძრაობების, ფიზიკური დაძაბულობების, თვალის გაჭყლეტისას დეგენერაციულად შეცვლილ ბადურაში შესაძლებელია წარმოიქმნას დეფქტები, რომლის გავლითაც სუბრეტინულ სივრცეში აღწევს სითხე მინისებური სხეულიდან >>>>

არჩილ შენგელიალალი დათეშიძე

განასხვავებენ ბადურის პირველად და მეორად აშრევებას, რომელიც ვითარდება ტრავმების, ანთებითი პროცესების, თვალის სიმსივნეების დროს. ბადურის პირველადი აშრევება წარმოადგენს ახლომხედველობის შედეგად ასაკობრივი ხასიათის ბადურის დეგენერაციას და ა. შ.

ბადურას აშრევებაბადურის აშრევება პათოგენეზი

მკვეთრი მოძრაობების, ფიზიკური დაძაბულობების, თვალის გაჭყლეტისას დეგენერაციულად შეცვლილ ბადურაში შესაძლებელია წარმოიქმნას დეფქტები, რომლის გავლითაც სუბრეტინულ სივრცეში აღწევს სითხე მინისებური სხეულიდან. ამის შედეგად, ასევე ბადურის გაჭიმვის გამო, რაც უკავშირდება მინისებური სხეულის ცლილებებს, ხდება მისი აშრევება. ბადურის პიგმენტური ფურცელი რჩება ბადურის ადგილზე.

ბადურის აშრევება – სიმპტომები

მხედველობის უეცარი გაუარესება, ,,შავი ღრუბლის წარმოქმნა მხედველობის ველის ნაწილის გამოთიშვის გამო. ოფთალმოსკოპიით ბადურის აშრევებულ ნაწილი არის მორუხო ან მორუხო-მოცისფერო და გამოდის მინისებურ სხეულში შედარებით ბრტყელი ან გამობერილი წარმონაქმნის სახით. მისი ზედაპირი, როგორც წესი, უსწორმასწოროა; ამ უბანზე სისხლძარღვები დაკლაკნილია და გააჩნიათ შედარებით მუქი ფერი. უმრავლეს შემთხვევაში აშრევების უბანში ჩანს გაგლეჯა სხვადასხვა სიდიდისა და ფორმის წითელი ლაქების სახით. გაგლეჯა ხშირად ლოკალიზებულია თვალის ფსკერის ზედა გარეთა კვადრანტში. ბადურაში კვების მოშლა იწვევს მის შემდგომ დეგენერაციასა და მხედველობის შემდგომ დაქვეითებას სიბრმავემდე.

ბადურის აშრევება – მკურნალობა

ქირურგიულია; პირველადი აშრევების შემდეგ ადრეულ სტადიებში ჩატარებული ოპერაცია ხშირად მთავრდება კეთილსაიმედოდ.

____________________________________

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
გაფრთხილება

დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
Большая медицинская энциклопедия; Москва, издательство ,,Советская энциклопедия” – 1988

გადასვლა >>>> თვალის დაავადებები