ლიმფოგრანულომატოზი

ლიმფოგრანულომატოზი lymphogranulomatosis
არჩილ შენგელია, ლალი დათეშიძე

ლიმფოგრანულომატოზილიმფური კვანძებისიმსივნე.

ეტიოლოგია

ეტიოლოგია ცნობილი არ არის.

კლინიკური სურათი

კლინიკური სურათი მრავალგვარია. ზოგ შემთხვევებში დაავადება იწყება ინტოქსიკაციით (ცხელება, სისუსტე, ოფლიანობა, ლიმფური კვანძების გადიდება, ედსის მომატება). ზოგჯერ დაავადების დასაწყისი ხასიათდება მხოლოდ რომელიმე ერთი ჯგუფის ლიმფური კვანძების გადიდებით. კვანძები მკვრივია, ელასტიური, ხშირად შეერთებულია ერთმანეთთან. ზოგჯერ მათში წარმოიქმნება ნეკროზები, ჩნდება ფისტულები. ინტოქსიკაციის ხშირი სიმპტომია კანის ქავილი.
მუცლის ღრუს ლიმფურ კვანძებში სიმსივნის პირველადი ლოკალიზაციისას შესაძლებელია მძიმე ინტოქსიკაცია ჰიპერთერმიით, პროფუზული ოფლით, ლეიკოპენიით, ჩხირბირთვიანი გადახრითა და ედსის მატებით.
ზოგჯერ აღინიშნება ლიმფოგრანულომატოზის პირველადი ლოკალიზაცია კუჭში, ფილტვებში, ელენთაში.
ტიპიურ შემთხვევებში სისხლის სურათი ხასიათდება გამოხატული ლიმფოპენიით, ნეიტროფილოზით, ზომიერი ჩხირბირთვიანი გადახრით, ედსის მომატებით. მძიმე ინტოქსიკაციის დროს შესაძლებელია ეოზინოფილია. ინტოქსიკაციის არარსებობისას სისხლი შესაძლოა დიდი ხნის განმავლობაში არ შეიცვალოს, ცალკეულ შემთხვევებში აღინიშნება მცირედი ლიმფოციტოზი.

დიაგნოზი

დიაგნოზს საფუძვლად უდევს ბიოფსირებული ლიმფური კვანძის ჰისტოლოგიური გამოკვლევები; ვლინდება კვანძის სტრუქტურის დარღვევა, მისი სურათის წაშლა და ბერეზოვსკი – შტერნბერგის უჯრედების არსებობა (აუცილებელი დიაგოსტიკური ნიშანი). კლინიკური ან მხოლოდ ციტოლოგიური დიაგნოსტიკა მხოლოდ პუნქტატით არ შეიძლება.
პროცესის დასაწყისში, განსაკუთრებით თუკი დაზიანებული ლიმფური კვანძი ჩართულია ბანალურ ანთებით პროცესში, ბიოპტატის ჰისტოლოგიური გამოკვლევა შესაძლოა შეუძლებელი იყოს. ამგვარ შემთხვევებში მიმართავენ გადიდებული მკვრივი ლიმფური კვანძების განმეორებით ბიოფსიას.

მკურნალობა

მკურნალობა ტარდება გარკვეული სქემებით, რაც საშუალებას იძლევა ორგანული დაზიანებების არარსებობისას მიღწეულ იქნას გამოჯანმრთელება ავადმყოფთა უმრავლესობაში. გამოჯანმრთელება აღინიშნება ავადმყოფთა 60 – 80% – ში პროგრამული მკურნალობისას. პროფილაქტიკა შემუშავებული არ არის.

პროფილაქტიკა

რეციდივების პროფილაქტიკა ითვალისწინებს მკურნალობის პროგრამას და აუცილებელი რეჟიმის დაცვას. რეციდივების წარმოქმნას ხელს უწყობს ინსოლაცია, ორსულობა, მშობიარობა. ორსულობა დასაშვებია მხოლოდ რემისიიდან 2 წლის შემდეგ.

სისხლის სისტემის დაავადებები

ლიმფოგრანულომატოზილალი დათეშიძისა და არჩილ შენგელიას პოსტის FB-პრეზენტაცია გვანცა მჭედლიძისგან

🤔 რა არის ლიმფოგრანულომატოზი
🛑 ლიმფოგრანულომატოზი არის ლიმფური კვანძების სიმსივნე
🌡 ლიმფოგრანულომატოზის სიმპტომები მოიცავს:
✔️ ცხელება;
✔️ სისუსტე;
✔️ ოფლიანობა;
✔️ ლიმფური კვანძების გადიდება;
✔️ ედსის მომატება

⭕️ ზოგჯერ დაავადების დასაწყისი ხასიათდება მხოლოდ რომელიმე ერთი ჯგუფის ლიმფური კვანძების გადიდებით
🔴 კვანძები მკვრივია, ელასტიური, ხშირად შეერთებულია ერთმანეთთან. ზოგჯერ მათში წარმოიქმნება ნეკროზები, ჩნდება ფისტულები
💊 მკურნალობა ტარდება გარკვეული სქემებით, რაც საშუალებას იძლევა ორგანული დაზიანებების არარსებობისას მიღწეულ იქნას გამოჯანმრთელება ავადმყოფთა უმრავლესობაში
👉 გაიგეთ მეტი ლალი დათეშიძისა და არჩილ შენგელიას სტატიიდან – https://bit.ly/3MOb3su
#ლიმფოგრანულომატოზი #ლიმფურიკვანძებისსიმსივნე #ლიმფოგრანულომატოზისსიმპტომები #ლიმფოგრანულომატოზისნიშნები #ლიმფოგრანულომატოზისდიაგნოსტიკა #ლიმფოგრანულომატოზისმკურნალობა #ლიმფურიკვანძებისგამკვრივება #ცხელება #სისუსტე #ოფლიანობა #ლიმფურიკვანძებისგადიდება #ედსისმომატება #ლალიდათეშიძე #არჩილშენგელია #გვანცამჭედლიძე

გამოგვყევით სოც. ქსელებში:

ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.