სწორი ნაწლავის გამოვარდნა

სწორი ნაწლავის გამოვარდნა rectal prolapse

სწორი ნაწლავის გამოვარდნის მიზეზები, სიმპტომები, მიმდინარეობა. სპეციალური პოსტი სამედიცინო ინტერნეტ–ქსელის medgeonet ბაზაზე >>>

არჩილ შენგელიალალი დათეშიძე

სწორი ნაწლავის გამოვარდნა – დაავადება, რომლის დროსაც სწორი ნაწლავი გადმობრუნდება გარეთ უკანა გასავლიდან. განასხვავებენ ნაწლავის მხოლოდ ლორწოვანი გარსის გამოვარდნასა და ნაწლავის კედლის ყველა შრის სრულ გამოვარდნას.

სწორი ნაწლავის გამოვარდნა – ეტიოლოგია.

ნაწლავის პერისტალტიკის გაძლიერება ფაღარათის დროს, მუცელშიგა წნევის მომატება ფიზიკური დაძაბულობისა და შეკრულობის დროს, მენჯის დიაფრაგმის კუნთოვან – აპონევროზული წარმონაქმნისა და სწორი ნაწლავის იოგოვანი აპარატის ელასტიკურობისა და ტონუსის შესუსტება, ტრავმული და დისტროფიული დაზიანებები.

სწორი ნაწლავის გამოვარდნა – სიმპტომები, მიმდინარება

ბავშვებში დისპეფსიის ან შეკრულობის დროს დეფეკაციის პროცესში შესაძლებელია გამოვარდეს სწორი ნაწლავის მნიშვნელოვანი ნაწილი; განმეორებითი გამოვარდნა დეფეკაციის დროს შესაძლებელია გადაიქცეს ჩვეულად და შენარჩუნდეს მოზრდილ ასაკშიც. ბავშვებში ნაწლავის ჩასწორება და გამომწვევი ფაქტორების მოხსნა უზრუნველყოფს განკურნებას. მოზრდილებში გამოვარდნა მიდრეკილია პროგრესირებისაკენ; დამახასიათებელია უკანა ტანში უცხო სხეულის შეგრძნება, ტკივილი, ლორწოსა და სისხლის გამოსვლა, გამოვარდნილი ნაწლავის ლორწოვანი გარსის გაღიზიანებისა და ტრავმის გამო  (სფინქტერის სისუსტე). მოზრდილებში სწორი ნაწლავის გამოვარდნა ვითარდება თანდათანობით; თავდაპირველად იწყება ლორწოვანი გარსის გამოვარდნით, შემდეგ კი ხდება სრული გამოვარდნა. სწორი და სიგმოიდური ნაწლავის მნიშვნელოვანი ნაწილის გამოვარდნას შესაძლოა თან ახლდეს სისხლმიმოქცევის დარღვევა და ნაწლავის კედლის ნეკროზი.

სწორი ნაწლავის გამოვარდნადიაგნოზი

დადგენა რთული არ არის უკანა ტანის დათვალიერებით. მკურნალობა ბავშვებში ძირითადად კონსერვატიულია – გამოვარდინილი ნაწლავის ჩასწორება; ამის შემდეგ ინიშნება წოლითი რეჟიმი 1-3 დღე. ამ პერიოდში ნაწლავის დაცლა ხდება მწოლიარე მდგომარეობაში. მოზრდილებში პროცესის პროგრესირების დროს მკურნალობა ქირურგიულია. პროგნოზი ბავშვების უმრავლესობაში კეთილსაიმედოა,  მოზრდილებში ხასიათდება რეციდივებისაკენ მიდრეკილებით.

ბმები:
კოლოპროქტოლოგია, ბუასილი, მწვავე ბუასილი, ქრონიკული ბუასილი, ჰემოროიდული კვანძები, ჰემოროიდული კვანძების თრომბოზი, ანალური ნაპრალი, ბუასილის (ჰემოროის) ნიშნები, სისხლდენა სწორი ნაწლავიდან, პარაპროქტიტი, ანალური ქავილი, პერიანალური დერმატიტი, პროქტიტი, ბუასილის პროფილაქტიკა, ბუასილი და კვება, ბუასილი. ფიტოთერაპია, ბუასილის ქირურგიული მკურნალობა, სკლეროთერაპია, ინფრაწითელი კოაგულაცია, ლიგირება ლატექსის რგოლებით, კრიოთერაპია, ჰემოროიდექტომია, ლონგოს ოპერაცია, დეზარტერიზაცია, ჰემოროიდული არტერიების დეზარტერიზაცია, ბუასილის სკლეროთერაპია, ბუასილი ორსულობის დროს, ბუასილი და მშობიარობა, ბუასილის (ჰემოროის) მკურნალობა ლაქტაციის პერიოდში, მწვავე პარაპროქტიტი (ახალშობილებში), ბუასილი (ჰემოროი) ბავშვებში, ბუასილი (ჰემოროი) და ანალური სექსი

________________________________________

    • ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
    • ფიტოთერაპია: იხილეთ კლინიკური და ემპირიული ფიტოთერაპია
    • ვის მივმართოთ – იხ. მედიკოსთა პერსონალური გვერდები
    • თემატურად მომიჯნავე სტატიები
    • საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
    • ლიტერატურა, წყაროები, გაფრთხილება
    • გაფრთხილება
    • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
    • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
    • Большая медицинская энциклопедия; Москва, издательство ,,Советская энциклопедия” – 1988

ქირურგიული დაავადებები 

…………..