სათესლე ბაგირაკის ვენების ვარიკოზული გაფართოება

სათესლე ბაგირაკის ვენების ვარიკოზული გაფართოება varix dilatation

არჩილ შენგელიალალი დათეშიძე

სათესლე ბაგირაკის ვენების ვარიკოზული გაფართოება – გვხვდება მამაკაცებში 20-30 წლის ასაკში, როგორც წესი, მარცხნივ. მარცხნივ სათესლე ჯირკვლის ვენა ეშვება თირკმლის ვენაში პირდაპირი კუთხით; გარკვეული მნიშვნელობა აქვს მარცხენა სათესლე ჯირკვლის შედარებით ქვევით მდებარეობას. ორმხრივი დაზიანება განპირობებულია სათესლის ვენების სარქველთა უკმარისობით და/ან არტერიულ-ვენური ანასტომოზების არსებობით.

სათესლე ბაგირაკის ვენების ვარიკოზული გაფართოებასიმპტომები, მიმდინარეობა. სიმძიმის გრძნობა სათესლე ჯირკვალში, სათესლე პარკში, სათესლე ბაგირაკის გაყოლებაზე, რომელიც ძლიერდება ფიზიკური დატვირთვისა და დიდხანს დგომის დროს. სათესლე პარკის პალპაციით ისინჯება სათესლე ბაგირაკის დაკლაკნილი ვენები, ზოგჯერ მცირე ზომის ჰიდროცელე. დაავადებას ახასიათებს თანდათანობითი პროგრესირებადი მიმდინარეობა. სქესობრივი ცხოვრების ნორმალიზაციასთან ერთად აღინიშნება სიმპტომთა რეგრესი.

სათესლე ბაგირაკის ვენების ვარიკოზული გაფართოებადაავადების სტადიები: 1 სტადია – სუბიექტური შეგრძნებები არ აღინიშნება, გაფართოებული ვენები ლოკალიზებულია სათესლე ბაგირაკის საზღვრებში; II სტადია – ვენები გაფართოებულია სათესლის ქვედა პოლუსამდე, აღინიშნება სიმძიმე და ტკივილი სათესლის არეში, შორისში, წელის არეში, გავაში.

სათესლე ბაგირაკის ვენების ვარიკოზული გაფართოებამკურნალობა.გამოხატული ტკივილის დროს ნაჩვენებია ოპერაციული მკურნალობა; სქესობრივი ცხოვრების ნორმალიზაცია. პროგნოზი კეთილსაიმედოა.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

ქირურგიული დაავადებები