თიაქრის ჩაჭედვა

თიაქრის ჩაჭედვა – მდგომარეობა, რომლის დროსაც ადრე ჩასწორებული თიაქრის ჩასმა ვეღარ ხდება. გამოყოფენ ელასტიკურ და განავლოვან ჩაჭედვას. ელასტიკური ჩაჭედვა როგორც წესი, წამოიქმნება ფიზიკური დატვირთვის დროს, რომლის დროსაც ხდება თიაქრის კარის გაჭიმვა და მუცელშიგა წნევის მომატება, რაც განაპირობებს თიაქრის პარკის შემცველობის მოცულობის ზრდას. განავლოვანი ჩაჭედვა წარმოიქმნება ნაწლავის მარყუჟების შემცელობის გადავსებით, რომელიც მდებარეობს თიაქრის პარკში.

თიაქრის ჩაჭედვა – სიმპტომები, მიმდინარეობა. ვლინდება უეცარი მკვეთრი ტკივილი თიაქრის გამობერილობის არეში; ზოგჯერ ტკივილი იმდენად ინტენსიურია, შესაძლებელია გამოიწვიოს შოკი. თიაქრის გამობერილობა მკვრივდება, ხდება მკვეთრად მტკივნეული, ჩასმა შეუძლებელი ხდება. ზოგჯერ ვლინდება რეფლექტორული ხასათის ღებინება. შემდეგში ნაწლავთა პროგრესული გაუვალობის დროს ჩნდება მუცლის ასიმეტრია, შეტევითი ტკივილი, ღებინება შეგუბებითი შიგთავსით. ნაწლავის კედლის ნეკროზის განვითარების შემდეგ პროგრესირებს პერიტონიტის სიმპტომატიკა.

განასხვავებენ ასევე ტიპიურ, რეტროგრადულ და კედლისმიერ ჩაჭედვას. რეტროგრადული ჩაჭედვის დროს თიაქრის პარკში წვრილი ნაწლავის ორი მარყუჟია; თავდაპირველად ნეკროზდება მათი შემაერთებელი ნაწლავის მარყუჟი, რომელიც მდებარეობს მუცლის ღრუში. კედლისმიერი ჩაჭედვა ჩვეულებრივ წარმოიქმნება საზარდულის ან ბარძაყის თიაქრის დროს. კედლისმიერი ჩაჭედვის დიაგნოზი ხშირად გართულებლია, ვინაიდან ნაწლავის გაუვალობისათვის დამახასიათებელ სიმპტომატიკა არ ვლინდება. ასეთი ჩაჭედვის ძირითადი ნიშანია: მტკივნეულობა თიაქრის კარის არეში და მცირე მტკივნეული წარმონაქმნი.

თიაქრის ჩაჭედვა – დიაგნოზის დადგენა რთული არ არის. სირთულეები წარმოიქმნება მრავალკამერიანი თიაქრის დიაგნოსტირების დროს, როდესაც იჭედება ერთ-ერთი კამერა (ხშირად ჭიპის ან ოპერაციის შემდგომი თიაქარი). უკანასკნელ შემთხვევაში დიაგნოსტირება ხდება მტკივნეული წარმონაქმნის არსებობის, ასევე ანამნეზური მონაცემების მიხედვით. მუცლის ღრუს ორგანოების რენტგენოლოგიური გამოკვლევის დროს ვლინდება ნაწლავთა მწვავე გაუვალობის ნიშნები.

თიაქრის ჩაჭედვა – მკურნალობა ოპერაციულია.

სასტიკად უკუნაჩვენებია ჩასწორება, ნარკოტიკების, სპაზმოლიტიკების მიღება, არავითარ შემთხვევაში არ შეიძლება ოყნის გაკეთება. ლეტალობამ თიაქრის ჩაჭედვის დროს, რასაც თან ახლავს ნაწლავის ნეკროზი, შესაძლოა მიაღწიოს 15 – 20%-ს. ეს მიუთითებს გეგმური თიაქარკვეთის აუცილებლობაზე მოხუცებშიც კი.

ქირურგიული დაავადებები

ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

ლალი დათეშიძეარჩილ შენგელიასამედიცინო ენციკლოპედიური განმარტებითი ლექსიკონი

თიაქრის ჩაჭედვა – მდგომარეობა, რომლის დროსაც ადრე ჩასწორებული თიაქრის ჩასმა ვეღარ ხდება. გამოყოფენ ელასტიკურ და განავლოვან ჩაჭედვას. ელასტიკური ჩაჭედვა როგორც წესი, წამოიქმნება ფიზიკური დატვირთვის დროს, რომლის დროსაც ხდება თიაქრის კარის გაჭიმვა და მუცელშიგა წნევის მომატება, რაც განაპირობებს თიაქრის პარკის შემცველობის მოცულობის გაზრდას. განავლოვანი ჩაჭედვა წარმოიქმნება თიაქრის პარკში ნაწლავის მარყუჟების შემცელობის გადავსებით. სიმპტომები, მიმდინარეობა. უეცარი მკვეთრი ტკივილი თიაქრის გამობერილობის არეში; ზოგჯერ ტკივილი იმდენად ინტენსიურია, შესაძლებელია გამოიწვიოს შოკი. თიაქრის გამობერილობა მკვრივდება, ხდება მკვეთრად მტკივნეული, ვეღარ ხდება მისი ჩასმა. შესაძლებელია რეფლექტორული ღებინება. შემდეგში ნაწლავთა პროგრესული გაუვალობის დროს ვლინდება მუცლის ასიმეტრია, შეტევითი ტკივილი, ღებინება შეგუბებითი შიგთავსით. ნაწლავის კედლის ნეკროზის განვითარების შემდეგ პროგრესირებს პერიტონიტის სიმპტომატიკა. განასხვავებენ ასევე ტიპიურ, რეტროგრადულ და კედლისმიერ ჩაჭედვას. რეტროგრადული ჩაჭედვის დროს თიაქრის პარკში არის წვრილი ნაწლავის ორი მარყუჟი, თუმცა თავდაპირველად ნეკროზდება მათი შემაერთებელი ნაწლავის მარყუჟი, რომელიც მდებარეობს მუცლის ღრუში. კედლისმიერი ჩაჭედვა ჩვეულებრივ წარმოიქმნება საზარდულის ან ბარძაყის თიაქრის დროს. კელდისმიერი ჩაჭედვის დიაგნოზი ხშირად გართულებლია, ვინაიდან ადგილი არა აქვს ნაწლავის გაუვალობის დამახასიათებელ სიმპტომატიკას. ასეთი ჩაჭედვის ძირითადი ნიშანია: მტკივნეულობა თიაქრის კარის არეში და მცირე მტკივნეული წარმონაქმნი. ჩაჭედილი თიაქრის დიაგნოზის დადგენა რთული არ არის. სირთულეები მკურნალობა ოპერაციულია. სასტიკად უკუნაჩვენებია ჩასწორება, ნარკოტიკების, სპაზმოლიტიკების მიღება, არავითარ შემთხვევაში არ შეიძლება ოყნის გაკეთება. ლეტალობამ თიაქრის ჩაჭედვის დროს, რასაც თან ახლავს ნაწლავის ნეკროზი, შესაძლოა მიაღწიოს 15 – 20% – ს. ეს მიუთითებს გეგმური თიაქარკვეთის აუცილებლობაზე მოხუცებშიც კი.


♦♦ თიაქრის  ბანდაჟები ,,ამაზონზე”  hernia support >>

♦ როგორ გამოვიწეროთ ,,ამაზონიდან” >>
♦ Medgeo.net-ის ინტერნეტ-მარკეტი >>


Share on Facebook
Facebook
გააზიარე facebook -ზე ..