ნაღვლგამომყოფი გზების სტრიქტურა biliary stricture
ნაღვლგამომყოფი გზების სტრიქტურა – ნაღვლგამომყოფი გზების ნაწიბუროვანი შევიწროება; წარმოიქმნება ნაღვლგამომყოფ გზებზე ჩატარებული ქირურგიული ჩარევების, ასევე სხვა დაზიანებების შემდეგ.
ნაღვლგამომყოფი გზების სტრიქტურა – სიმპტომები. ვლინდება სიყვითლე, რომელიც წარმოიქმნება ოპერაციის შემდეგ, ან მუდმივი გარეთა ნაღვლოვანი ფისტულა, შემცივნება, აქოლია, დისპეფსია და სხვ. დაზიანებების მხოლოდ 5% ვლინდება ოპერაციის მსვლელობისას, დიდი ნაწილი კი – 2 თვიდან 1 წლის განმავლობაში, ზოგჯერ მოგვიანებითაც. უკანასკნელ შემთხვევაში დიაგნოსტიკაში მნიშვნელობა აქვს შესრულებული ოპერაციების ხასიათსა და აღწერას, შემცივნებას და სიყვითლეს, ტუტე ფოსფატაზის მომატებასა და ლეიკოციტოზს. ქოლანგიოგრაფია და ენდოსკოპური რეტროგრადული ქოლანგიოპანკრეატოგრფია საშუალებას იძლევა გამოვლინდეს სტრიქტურის ლოკალიზაცია; დიფერენციალური დიაგნოზი ტარდება სადინრების რეზიდუალურ კენჭებთან, პაპილიტთან, თორმეტგოჯა ნაწლავის დიდი დვრილის ან კუჭქვეშა ჯირკვლის თავის კიბოსთან. მკურნალობა ოპერაციულია, ოპერაციის ხასიათი დამოკიდებულია სტრიქტურის ხარისხზე. პროგნოზი სერიოზულია.
ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
ფიტოთერაპია: იხილეთ კლინიკური და ემპირიული ფიტოთერაპია
ვის მივმართოთ – იხ. მედიკოსთა პერსონალური გვერდები
თემატურად მომიჯნავე სტატიები
საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988