მოყინვა

მოყინვა – ქსოვილთა დაზიანება დაბალი ტემპერატურის ადგილობრივი მოქმედებით.

 სიმპტომები, მიმდინარეობა

აღინიშნება გაცივების, შემცივნების შეგრძნება. კანის საფარველი ფერმკრთალია, კანი კარგავს ელასტიკურობას, ხდება მშრალი და ხორკლიანი (,,ბატის კანი”). სხეულის 350 C ტემპერატურის დროს ვლინდება  ციანოზი, ტკივილი მუხლებში, ტერფებში, სასქესო ორგანოებში, წარმოიქმნება გასტროენტერიტული სინდრომი. მოშარდვა მტკივნეულია, აღინიშნება პოლიურია.
გუნებ-განწყობა იცვლება, ვლინდება განურჩევლობა, აპათია, მოძრაობის კოორდინაციის დარღვევა, მხედველობის დარღვევა, დაღლილობა, ძილიანობა. შესაძლებელია განვითარდეს ჰალუცინაციები. გ

ზოგადი გადაციების ფაზები

ამოყოფენ ზოგადი გადაცივების 4 ფაზას. პირველ ფაზაში სხეულის ტემპერატურა დაქვეითებული არ არის პერიფერიული ვაზოკონსტრიქციის ხარჯზე. მეორე ფაზაში ტემპერატურა ქვეითდება 1 – 2 გრადუსით. კანის საფარველი ფერმკრთალი და ცივია. სიცივე შეიგრძნობა როგორც ტკივილი. თავდაპირველად შესაძლებელია არტერიული წნევის მცირედი მომატება და ტაქიკარდია;
გონება ნათელია, შესაძლებელია გამოვლინდეს მსუბუქი აგზნება, რეფლექსები ცოცხალია. მესამე ფაზაში სხეულის ტემპერატურა 34-დან 27 გრადუსამდეა. ტკივილის შეგრძნება მცირდება ანესთეზიამდე, გონება დაბინდულია, რეფლექსები შესუსტებულია, სუნთქვის წუთმოცულობა დაქვეითებულია.
სხეულის ტემპერატურის დროს 30 გრადუსამდე გულის შეკუმშვები რეგულარულია, აღინიშნება ბრადიკარდია, ტემპერატურის შემდგომი დაქვეითებისას ვლინდება არითმია და გულის დეკომპენსაციის ნიშნები.
მეოთხე ფაზაში სხეულის 270 C ტემპერატურაზე ქვევით, წარმოიქმნება ,,მოჩვენებითი სიკვდილის” სურათი. სუნთქვა, პულსი და არტერიული წნევა ოდნავ შესამჩნევია.
რეფლექსების გამოწვევა ვერ ხერხდება. ტემპერატურის დაქვეითებისას 240 C – ზე ქვევით, ორგანიზმში ვითარდება შეუქცევადი ცვლილებები. სიკვდილის მიზეზია ცენტრალური ნერვული სისტემის ფუნქციის დათრგუნვა, განსაკუთრებით ვაზომოტორული და სუნთქვითი ცენტრებისა.

მკურნალობა

მკურნალობის დაწყება ხდება დაუყონებლივ;რაც მეტია ინტერვალი სიცივით მიყენებულ ტრავმასა და სხეულის გათბობას შორის, მით მძიმეა შედეგები. საჭიროა ავადმყოფი მოვათავსოთ თბილ შენობაში, გავხადოთ ცივი თეთრეული და შევახვიოთ გამთბარ პლედში.
ავადმყოფს ეძლევა ცხელი სასმელი, ინტრავენურად – ნატრიუმის ქლორიდის იზოტონური ხსნარი ან 5%-იანი გლუკოზა, კეთდება ოყნა თბილი წყლით.
სწრაფი გათბობა შესაძლებელია თბილ აბაზანაში ჩაწვენით. სხეულის ტემპერატურის მიღწევისას 33 – 35 გრადუსამდე აბაზანაში გათბობა უნდა შეწყდეს.
ერთდროულად ტარდება ბრძოლა აციდოზთან, ჰიპოვოლემიასთან და ჰიპოქსიასთან.

პროგნოზი

რჩება სერიოზული, შესაძლებელია გართულებები გულისა და სისხლმიმოქცევის სისტემის მხრივ.

მოყინვალალი დათეშიძისა და არჩილ შენგელიას პოსტის FB-პრეზენტაცია გვანცა მჭედლიძისგან

❄️ მოყინვა – ქსოვილთა დაზიანება დაბალი ტემპერატურის ადგილობრივი მოქმედებით ❄️
🥶 სხეულის 35 C ტემპერატურის დროს აღინიშნება:
➡️ ციანოზი;
➡️ ტკივილი მუხლებში, ტერფებში და სასქესო ორგანოებში;
➡️ გასტროენტერიტული სინდრომი;
➡️ პოლიურია
📌 გამოყოფენ ზოგადი გადაცივების 4 ფაზას:
🔵 I ფაზა – ხეულის ტემპერატურა დაქვეითებული არ არის პერიფერიული ვაზოკონსტრიქციის ხარჯზე;
🟡 II ფაზა – ტემპერატურა ქვეითდება 1 – 2 გრადუსით. კანის საფარველი ფერმკრთალი და ცივია. სიცივე შეიგრძნობა როგორც ტკივილი;
🟠 III ფაზა – ხეულის ტემპერატურა 34-დან 27 გრადუსამდეა. ტკივილის შეგრძნება მცირდება ანესთეზიამდე, გონება დაბინდულია, რეფლექსები შესუსტებულია, სუნთქვის წუთმოცულობა დაქვეითებულია;
🔴 IV ფაზა – სხეულის ტემპერატურა ეცემა 27 გრადუსამდე, წარმოიქმნება ,,მოჩვენებითი სიკვდილის” სურათი. სუნთქვა, პულსი და არტერიული წნევა ოდნავ შესამჩნევია. რეფლექსების გამოწვევა ვერ ხერხდება
💭 დაინტერესდით?
👉 შეიტყვეთ მეტი სტატიიდან – https://bit.ly/3vyx2Nv
#მოყინვა #ჰიპოთერმია #დაბალიტემპერატურა #ცვილისებრიკანი #ცივიკანი #დაბუჟება #ქსოვილთადაზიანება #ციანოზი

გამოგვყევით სოციალურ ქსელებში : 1 , 2 ,  3 , 4 , 5 , 6 , 7 , 8 , 9 , 10

ქირურგიული დაავადებები 


ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

 

მოყინვა