რექტოცელე

რექტოცელე rectocele

არჩილ შენგელიალალი დათეშიძე

რექტოცელე (rectocele; ლათ. rectum სწორი ნაწლავი + ბერძ. kele სიმსივნე) დაავადება, რომელიც განპირობებულია სწორი ნაწლავის წინა კედლის საშოში გამობერვით. დაავადება იშვიათად გვხვდება ახალგაზრდა ასაკში, ხშირია მოხუცებულობით ასაკში. ვითარდება უკანა ტანის ამწევი კუნთების კონის გაცალკევებითა და სწორნაწლავ – საშოს ძგიდის ქსოვილების დასუსტების შედეგად.

რექტოცელეს პათოგენეზში მნიშვნელობა ენიჭება ქალის სასქესო ორგანოების დაწევასა და გამოვარდნას, მრავალჯერად მშობიარობას, მშობიარობის ტრავმებს, იოგოვანი აპარატის სისუსტეს, სასქესო ორგანოების არასწორ განვითარებას და სხვ.

რექტოცელე კლინიკური სურათის გამოხატულების მიხედვით განასხვავებენ დაავადების სამ ხარისხს; პირველი ხარისხის დროს სწორი ნაწლავის თითით გამოკვლევით ისინჯება მისი წინა კედლის მცირე ზომის ჯიბე. ამასთან ავადმყოფი არაფერს არ უჩივის. მეორე ხარისხის დროს აღინიშნება სწორი ნაწლავის წინა კედლის გამოხატული ჯიბე, რომელიც აღწევს საშოს კარიბჭეს; დამახასიათებელია ჩივილები გაძნელებულ დეფეკაციაზე, სწორი ნაწლავის არასრულად დაცვლის შეგრძნებაზე. მესამე ხარისხის დროს აღინიშნება საშოს უკანა კედლის გამობერვა, რომელიც ვრცელდება სასქესო ნაპრალის გარეთ; წარმოიქმნება მუცელშიგა წნევის მომატება. საშოს უკანა კედელი ნეკროზდება, ხოლო მუდმივად გამოვარდნის დროს კი წყლულდება. განავლის ევაკუაცია გაძნელებულია. დაავადების ეს ხარისხი ხშირად შერწყმულია საშოს წინა კედლის გამოვარდნასთან, საშვილოსნოსდაწევასა და გამოვარდნასთან.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

ქირურგიული დაავადებები