ლალი დათეშიძე
სეპტიკოპიემია – ჩირქმბადი მიკრობებით ან მათი ტოქსინებით სისხლის დასნებოვნების შემთხვევაში, როდესაც ხდება იმუნური მექანიზმების მოშლა, ვითარდება მძიმე დაავადება – სეფსისი. თუკი ამასთან ერთად სისხლში აღმოჩენილია დიდი რაოდენობით მიკრობები, ასეთ მდგომარეობას ეწოდება სეპტიცემია; თუ ამგვარი მდგომარეობა განპირობებულია არა სეპტიცემიით, არამედ სისხლში მხოლოდ მიკრობების ცხოველმყოფელობის პროდუქტების – ტოქსინების არსებობით, მას ტოქსემია ეწოდება, ხოლო იმ შემთხვევებში, როდესაც ინტოქსიკაციას თან სდევს სხვადასხვა ქსოვილებსა და ორგანოებში ჩირქოვანი კერების წარმოქმნა, მაშინ საუბრობენ სეპტიკოპიემიის არსებობაზე.
სიმპტომები, მიმდინარეობა. მაღალი ტემპერატურა მნიშვნელოვანი ცვალებადობითა და შემცივნებებით. ავადმყოფის ზოგადი მძიმე მდგომარეობა, სუსტი ავსების გახშირებული პულსი, მკვეთრად გამოხატული საერთო სისუსტე, ზოგჯერ უხვი ოფლიანობა, ავადმყოფის განლევა. სისხლში ნახულობენ მაღალ ლეიკოციტოზს თეთრი ფორმულის მარცხნივ მკვეთრი გადახრით. ჩირქოვანი ჭრილობები დუნე და სისხლმდენია, ჩირქის გამოყოფა მცირდება, ჭრილობა მშრალი ხდება.
მკურნალობა. აუცილებელია ძირითადი ჩირქოვანი კერის (ან კერების) ფართოდ გახსნა, ანტისეპტიკური ხსნარებით დამუშავება და დრენირება ან ტამპონირება; ავადმყოფის აბსოლუტური მოსვენება და მოვლა. გამოიყენება ფართო სპექტრის ანტიბიოტიკები მათდამი მიკროფლორის მგრძნობელობის განსაზღვრის მიხედვით. შეჰყავთ დიდი რაოდენობით სითხეები (სითხის მიღება, ინტრავენური გადასხმები, წვეთოვანი ოყნები). ვიტამინებით მდიდარი, ადვილად ათვისებადი საკვები, ღვინო, ახალი ჩაი დიდი რაოდენობით შაქრით, ლიმონით.
პროფილაქტიკა. სხვადასხვა მწვავე, ჩირქოვანი პროცესების დროული და ადეკვატური მკურნალობა. ჩირქოვანი კერების ადრეული ოპერაციული მკურნალობა.
ფარმაკოთერაპია და პრეპარატები
ფარმაცევტული ფირმების წარმომადგენლებს ვთხოვთ მოგვაწოდონ ინფორმაცია საქართველოში ოფიციალურად რეკომენდებული პრეპარატების შესახებ mpifarm@gmail.com. თქვენს მიერ მოწოდებულ მასალების მიხედვით აღიწერება თქვენი პრეპარატის გამოყენების სპეციფიკა ამ დაავადების მკურნალობის დროს და პრეპარატის მოკლე დახასიათება,რომელიც გავა პრეპარატის აღწერის სპეციალურ გვერდზე.
ფიტოთერაპია
იხილეთ “ემპირიული და კლინიკური ფიტოთერაპია”
ვის მივმართოთ
იხილეთ ექიმთა კატალოგი
თემატურად მომიჯნავე სტატიები
საავტორო უფლებები
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. საიტებს უფლება ეძლევათ ეს სტატია, არაკომერციული მიზნით, გადააკოპირონ თავიანთ ინტერნეტ-გვერდებზე და ფორუმებში. სტატიის თავში აუცილებლად უნდა დაეწეროს: აღებულია “ლალი დათეშიძის სამედიცინო ენციკლოპედიიდან www.medgeo.net “
სტატიის განვითარება და სრული ვერსიები
MedGeoNet-ზე წარმოდგენილი მასალების სრული და ახალი ვერსიები პერიოდულად გამოდის დისკების ფორმით. იხ. >>>
გაფრთხილებები
ლიტერატურა
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988
Viewed 542 times by 298 viewers
Posted in ქირურგიული |
