ნაადრევი სქესობრივი მომწიფება precocious puberty
ნაადრევი სქესობრივი მომწიფება – სქესობრივი მომწიფება გოგონებში 8 წლამდე და ბიჭუნებში 10 წლის ასაკამდე.
ნაადრევი სქესობრივი მომწიფება – ეტიოლოგია, პათოგენეზი. ჰიპოთალამურ-ჰიპოფიზურ სისტემაში განვითარებული ცვლილებები განაპირობებენ ჰიპოფიზის გონადოტროპული ჰორმონების სეკრეციის გაძლიერებას, რაც თავის მხრივ იწვევს სქესობრივ განვითარებას. სასქესო ჯირკვალებისა და თირკმელზედა ჯირკვლის ქერქის სიმსივნეების, ან მათი დისფუნქციის დროს ვითარდება ცრუ ნაადრევი სქესობრივი განვითარება: გონადოტროპინების სეკრეცია არ ძლიერდება, გონადები რჩებიან ინფანტილურები. გოგონებში ცრუ ნაადრევი სქესობრივი განვითარება შესაძლოა იყოს ჰეტეროსექსუალური ტიპის – ადრენოგენიტალური სინდრომის დროს, ან იზოსექსუალური – საკვერცხეების სიმსივნეების დროს, ბიჭუნებში – იზოსექსუალური.
ნაადრევი სქესობრივი მომწიფება – სიმპტომები. ზრდის დაჩქარება და სხეულის მასის მომატება, სქესობრივ მომწიფებაში თანატოლების გასწრება. გოგონებში – სარძევე ჯირკვლების გადიდება, ბოქვენზე თმიანობის გაჩენა, სისხლიანი გამონადენი საშოდან, საშვილოსნოსა და დანამატების გადიდება, პრეპუბერტულ ან პუბერტულ პერიოდთან შესაბამისად; ზოგიერთ შემთხვევაში ვლინდება რეგულარული მენსტრუაციები. ბიჭუნებში აღინიშნება გარეთა სასქესო ორგანოების გადიდება, თმიანობის გაჩენა ბოქვენსა და სახეზე, ერექციები, პოლუციები. ვლინდება სისხლძარღვოვანი ქსელის გაძლიერება; ჩონჩხის დიფერენცირება დაჩქარებულია. ზრდის ზონების ნაადრევი დახურვა იწვევს ტანდაბლობას. შესაძლებელია გამოვლინდეს ნევროლოგიური სიმპტომები: თავის ტკივილი, ადვილად დაღლა, ბულიმია, პოლიდიფსია, თვალის მამოძრავებელი ნერვების დაზიანების სიმპტომები.
ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
ფიტოთერაპია: იხილეთ კლინიკური და ემპირიული ფიტოთერაპია
ვის მივმართოთ – იხ. მედიკოსთა პერსონალური გვერდები
თემატურად მომიჯნავე სტატიები
საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988
ენდოკრინული სისტემის დაავადებები