ტრავმული ამოვარდნილობა

ტრავმული ამოვარდნილობა traumatic dislocation

არჩილ შენგელიალალი დათეშიძე

ტრავმული ამოვარდნილობა წარმოიქმნება სახსრის ძლიერი მექანიკური ტრავმის დროს. არსებობს დახურული ამოვარდნილობები და, შედარებით მძიმე, ღია ამოვარდნილობები, რომლის დროსაც სახსრის მიდამოში ვითარდება ჭრილობა.

ტრავმული ამოვარდნილობა სიმპტომები, მიმდინარეობა: სახსრის ტკივილი, აქტიური და პასიური მოძრაობების შეუძლებლობა და მისი დეფორმაცია. ამოვარდილობის მძიმე გართულებაა ახლომდებარე სისხლძარღვებისა და ნერვების დაზიანება. თუკი ამოვარდნილობა არ ჩასწორდა ტრავმიდან პირველი 2 საათის განმავლობაში, მას უწოდებენ მოძველებულს. მისი მკურნალობა (განსაკუთრებით ჩასწორება) საკმაოდ რთულია. ღია ამოვადნილობა ზოგჯერ რთულდება ჩირქოვანი ართრიტით.

ტრავმული ამოვარდნილობადიაგნოზი დადგენა ხდება კლინიკური სიმპტომების საფუძველზე, ამასთან, აუცილებელია სახსრის რეტგენოგრაფია, ვინაიდან ამოვადნილობები ზოგჯერ შერწყმულია სახსრის ირგვლივ მოტეხილობებთან. რენტგენოგრაფია მნიშვნელოვანია ასევე ქვეამოვარდნილობის დიაგნოსტირებისათვის, რომელსაც ნაკლებ გამოხატული სიმპტომატიკა აქვს.

ტრავმული ამოვარდნილობა მკურნალობა. მსხვილი სახსრების ამოვადნილობის დროს აუცილებელია მათი იმობილიზაცია და სასწრაფო ჰოსპიტალიზაცია ქირურგიულ სტაციონარში, სადაც ტარდება ჩასწორება და სახსრის იმობილიზცია არანაკლებ 3 კვირის ვადით; შემდგომში ინიშნება სამკურნალო ფიზკულტურა და ფიზიოთერაპიული პროცედურები. წვრილი სახსრების ამოვარდნილობების დროს, მაგალითად, მტევნის, ქვედა ყბის,- მას ასწორებენ ამბულატორიულ პირობებში. მოძველებული ამოვარდნილობების დროს ხშირად საჭირო ხდება ოპერაციული მკურნალობა.

ტრავმული ამოვარდნილობა პროგნოზიდროულად ჩასწორებული ამოვარდნილობის დროს და გართულებების არარსებობისას კეთილსაიმედოა.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

საყრდენ-მამოძრავებელი სისტემის დაავადებები