კიდურების რეპლანტაცია extremity replantation
კიდურების რეპლანტაცია – შესაძლებელი გახდა მიკროქირურგიის განვითარებასთან დაკავშირებით. განასხვავებენ მაკრორეპლანტაციას (კიდურის რეპლანტაცია სხივ-მაჯის ან ტერფ-წვივის სახსრების პროქსიმალური ამპუტაციის შემდეგ) და მიკრორეპლანტანციას (ამ სახსრების დისტალური ამპუტაციის, ასევე სკალპის, ყურებისა და სასქესო ასოს ამპუტაციის შემდეგ). მაკრორეპლანატაციის ტექნიკა კარგადაა შემუშავებული, ამასთან იშემიისადმი კუნთების ხანმოკლე ტოლერანტობა იწვევს მძიმე პოსტიშემიურ დარღვევებს კიდურში, ასევე ზოგად გართულებებს (ღვიძლისა და თირკმელების ტოქსიკური დაზიანებები).ამასთან, რაც უფრო პროქსიმალურად მოხდა ამპუტაცია, მით პრობლემურია მისი ფუნქციის აღდგენა. რეპლენტაციის ჩვენებაა – ამპუტაცია ქსოვილთა გამოხატული გაჭეჭყვის გარეშე. განსაკუთრებული ჩვენებაა დიდი თითის, წინამხრის ან მთელი ხელის ამპუტაცია. ამპუტირებული სეგმენტი სასწრაფოდ უნდა გაცივდეს 4 °С-მდე, რისთვისაც მას ათავსებენ პლასტიკურ პაკეტში, რომელსაც თავის მხრივ ათავსებენ მეორე პაკეტში ყინულიანი წყლით, გარედან ყინულით. ამპუტირებული ნაწილი არ უნდა ეხებოდეს ყინულს! შედეგად მატულობს იშემიის დრო 10 – 15 საათიდან 20 საათამდე და შესაბამისად რეპლანტაციის ეფექტურობა.
კიდურების რეპლანტაცია – ოპერაციული ჩარევის გართულებებია: არტერიული და ვენური თრომბოზები, რომლებიც მოითხოვენ განმეორებით ოპერაციას. ოპერაციის შემდეგ ფრთხილ, აქტიურ და პასიურ მოძრაობებს იწყებენ მე-6-8 დღიდან.
საყრდენ-მამოძრავებელი სისტემის დაავადებები
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.