ზურგის ტვინის სიმსივნეები

ზურგის ტვინის სიმსივნეები

არჩილ შენგელიალალი დათეშიძე

ზურგის ტვინის სიმსივნეები შეადგენს ცენტრალური ნერვული სისტემის სიმსივნეების 15%-ს. გამოყოფენ ექსტრა – და ინტრამედულურ სიმსივნეებს.

ზურგის ტვინის სიმსივნეები ექსტრამედულური სიმსივნეები მდებარეობენ ზურგის ტვინის მაგარი გარსის ქვეშ და მასზე. ექსტრამედულური სიმსივნეები, როგორც წესი, ავთვისებიანია (მეტასტაზები). სუბდურულ სიმსივნეებს შორის 70% არის ექსტრამედულური და 30% ინტრამედულური. განსაკუთრებით ხშირი

 ზურგის ტვინის სიმსივნეები

სუბდურული ექსტრამედულური სიმსივნეებია ნევრინომები (30%) და მენინგიომები (25%). ექსტრამედულური სიმსივნის ტიპიური სურათი წარმოდგენილია სამი სტადიით: ფესვური ტკივილის სტადია, ზურგის ტვინის ნაწილობრივი კომპრესიის სტადია და ზურგის ტვინზე სრული ზეწოლის სტადია. ფესვურ ტკივილებთან ერთად თანდათანობით მატულობს პარა – ან ტეტრაპარეზი, მგრძნობელობის გამოთიშვა და მენჯისმიერი დარღვევები.

ზურგის ტვინის სიმსივნეები ინტრამედულური სიმსივნეები – ხშირად გლიომები; კონუსისა და ცხენის კუდის მიდამოში არაიშვიათია ეპენდიმომები. განსხვავებით ექსტრამედულური სიმსივნეებისაგან, რომელთა დროსაც მგრძნობელობითი და მოტორული დარღვევები მატულობს ქვევიდან ზევით, ინტრამედულურისათვის დამახასიათებელია სპინური სიმპტომატიკის განვითარება ზევიდან ქვევით. დიაგნოსტიკისათვის გამოყენება კომპიუტერული ტომოგრაფია და (ან) მიელოგრაფია.

ზურგის ტვინის სიმსივნეები – მკურნალობა ქირურგიულია. განსხვავებით ექსტრამედულური სიმსივნეებისაგან, ინტრამედულური სიმსივნე უმრავლეს შემთხვევაში საჭიროა ამოიკვეთოს. ამიტომ, ავადმყოფთა უმრავლესობაში ინტრასპინური გლიომის არსებობისას ოპერაცია შემოიფარგლება დეკომპრესიული ლამინექტომიით, შემდგომ კი ტარდება სხივური თერაპია.

ზურგის ტვინის სიმსივნეები პროგნოზი.დროულად ამოკვეთილი ნევრინომები და მენინგიომები უმრავლეს შემთხვევაში მთავრდება გამოჯანმრთელებით.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

ნერვული სისტემის დაავადებები