მშობიარობის შემდგომი სალპინგოოოფორიტი

მშობიარობის შემდგომი სალპინგოოოფორიტი საშვილოსნოს დანამატების ანთება; ხშირად წარმოადგენს ენდომიომეტრიტის გართულებას. ინფექციის გამომწვევია სეპტიკური ჯგუფის მიკრობები. ინფექცია ვრცელდება ლიმფოგენურად ან საშვილოსნოს მილებით. ანთებითი პროცესი თავდაპირველად ვრცელდება საშვილოსნოს მილებზე, შემდეგ კი საკვერცხეებზე.

მშობიარობის შემდგომი სალპინგოოოფორიტი – სიმპტომები, მიმდინარეობა. დაავადება ვითარდება მშობიარობიდან მე-8-10 დღეს. მიმდინარეობს ზოგადი მდგომარეობის გაუარესებით, სხეულის ტემპერატურის მომატებით 38 – 390 C-მდე, შემცივნებით, ტაქიკარდიით, მუცელში ძლიერი ტკივილით, გულისრევით, მეტეორიზმით, პერიტონეალური სიმპტომებით. საშოს მხრივ გამოკვლევებით ვლინდება ენდომეტრიტის ნიშნები და საშვილოსნოს დანამატების პასტოზურობა ორივე ან ცალ მხარეს. საშვილოსნოს დანამატები მკვეთრად მტკივნეულია პალპაციისას. პროცესის ჰიპერერგული მიმდინარეობის დროს შესაძლებელია დაჩირქება (პიოსალპინქსი, პიოვარიუმი) დიფუზური ჩირქოვანი პერიტონიტის განვითარებით. დიფერენციალური დიაგნოზი ტარდება პარამეტრიტთან, მენჯისმხრივ თრომბოფლებიტთან, მწვავე აპენდიციტთან.

მშობიარობის შემდგომი სალპინგოოოფორიტიმკურნალობა. წოლითი რეჟიმი, ყინული მუცელზე, დიეტა, ანტიბიოტიკები, სულფანილამიდები, გამაყუჩებელი პრეპარატები, მადესენსიბილიზირებელი საშუალებები, კალციუმის ქლორიდის 10%-იანი ხსნარი ვენაში, შემდეგში ფრთხლად ატარებენ ფიზიოთერაპიულ პროცედურებს. ჩირქოვანი წარონაქმნების დროს მიმართავენ პუნქციას. პიოსალპინქსის ან პიოვარიუმის მოსალოდნელი გასკდომის ან გასკდომისას ნაჩვენებია სასწრაფო ლაპარატომია და დაზიანებული დანამატების ამოკვეთა; ჩვენების მიხედვით ტარდება საშვილოსნოს ამოკვეთა.

მეანობა


  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.