მყესების პანარიციუმი
მყესების პანარიციუმი (thecal whitlow) – შედეგია კანქევშა პანარიციუმის არასწორი ან დაგვიანებული მკურნალობისა. გამოხატულია ტკივილის სინდრომი, თითი მკვეთრად შეშუპებული და მტკივნეულია, მოხრილია ხელისგულისაკენ, თითის გაშლა იწვევს ძლიერ ტკივილის; ტემპერატურა მაღალია. ზონდით პალპაციისას აღინიშნება მტკივნეულობა მყესის ბუდის მიმართულებით.
აუცილებელია სასწრაფო ჰოსპიტალიზაცია ოპერაციული მკურნალობისათვის. ოპერაციის დაგვიანება იწვევს მყესების ნეკროზს თითის ფუნქციის დაკარგვით. განსაკუთრებით სახიფათოა პირველი და მეხუთე თითი, მტევნის ფლეგმონის განვითარების გამო, რასაც მოჰყვება ჩირქის შემდეგომი გაღწევა წინამხარზე. ოპერცია ტარდება ნარკოზით. კეთდება განაკვეთი თითის გვერდით ზედაპირებზე მყესის ბუდის გახსნით. მყესის სისცოცხლისუნარიანობის შემთხვევაში შესაძლებელია ბუდის დრენირება მიკროირიგატორით, ხოლო მყესის სიცოცხლისუუნარობისას – საჭიროა ნეკროზირებული უბნების ამოკვეთა. ოპერაციის შემდეგ ნაჩვენებია მტევნისა და წინამხრის იმობილიზაცია; ყოველდღიურად კონტროლდება ჭრილობის მდგომარეობა.
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
მყესების პანარიციუმი – შედეგია კანქევშა პანარიციუმის არასწორი მკურნალობის ან ექიმთან დაგვიანებული მიმართვის. გამოხატულია ტკივილის სინდრომი, თითი მკვეთრად შეშუპებული და მტკივნეულია, მოხრილია ხელისგულისაკენ, თითის გაშლა იწვევს ძლიერ ტკივილის; ტემპერატურა მაღალია. ზონდით პალპაციისას აღინიშნება მტკივნეულობა მყესის ბუდის მიმართულებით. აუცილებელია სასწრაფო ჰოსპიტალიზაცია ოპერაციული მკურნალობისათვის.
ოპერაციის დაგვიანება იწვევს მყესების ნეკროზს თითის ფუნქციის დაკარგვით. განსაკუთრებით სახიფათოა პირველი და მეხუთე თითი, მტევნის ფლეგმონის განვითარების გამო, ჩირქის შემდეგომი გაღწევით წინამხარზე. ოპერცია ტარდება ნარკოზით. კეთდება განაკვეთი თითის გვერდით ზედაპირებზე მყესის ბუდის გახსნით. მყესის სისცოცხლისუნარიანობის შემთხვევაში შესაძლებელია ბუდის დრენირება მიკროირიგატორით, ხოლო მყესის სიცოცხლისუუნარობისას – საჭიროა ნეკროზირებული უბნების ამოკვეთა. ოპერაციის შემდეგ – მტევნის და წინამხრის იმობილიზაცია; ყოველდღიურად კონტროლდება ჭრილობის მდგომარეობა.