ხორხში უცხო სხეული იშვიათად იჭედება; ძირითადად აღინიშნება ბავშვებში. ხორხში ჩვეულებრივ ვლინდება ბასრი, მახვილკიდეეებიანი უცხო სხეულები (თევზისა და ხორცის ძვლები, კაკლის ნაჭუჭი, კვერცხის ნაჭუჭი და სხვ.), ასევე შედარებით მსხვილი საგნები, რომლებიც იჭედებიან ყიაში ან ნაოჭქვეშა სივრცეში.
ხორხის უცხო სხეულები – სიმპტომები, მიმდინარეობა. დამოკიდებულია უცხო სხეულის სიდიდეზე და ლოკალიზაციაზე. განსაკუთრებით ხშირი ნიშნებია – ძლიერი ხველის შეტევები, ტკივილი ხორხში, ხმის ჩახლეჩა აფონიამდე. ყიის დახურვის ხარისხის მიხედვით ან ნაოჭქვეშა სივრცის თანდართული შეშუპებისას წარმოიქმნება სუნთქვის დარღვევა ან ვითარდება ასფიქსია.
ხორხის უცხო სხეულები – მკურნალობა. საჭიროა ხორხის ყურადღებით დათვალიერება და უცხო სხეულის სასწრაფოდ ამოღება. ხორხის გამოხატული სტენოზის დროს ნაჩვენებია ტრაქეოტომია.
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
.