სასის ნუშების ჰიპერტროფია – ხშირად შერწყმულია ადენოიდებთან. გვხვდება ბავშვთა ასაკში; ასაკთან ერთად ჰიპერტროფიული ნუშები შესაძლოა დაექვემდებარონ უკუგანვითარებას.
სასის ნუშების ჰიპერტროფია – სიმპტომები, მიმდინარეობა. დაავადება ვლინდება სუნთქვის, მეტყველების, საკვების გადაყლაპვის გაძნელებით. მექანიკური წინააღმდეგობის გამო შესაძლებელია წარმოიქმნას რეფლექტორული ხველა ღამით, განსაკუთრებით ბავშვებში. ეს ბავშვები მძიმედ იტანენ ქუნთრუშას, დიფთერიას. ფარინგოსკოპიით ჩანს, რომ სასის ნუშები მკვეთრად გადიდებული, მოვარდისფეროა, შპატელით დაჭერისას რბილია, გამოდიან სასის რკალებიდან ღებინებითი მოძრაობების დროს, ერთმანეთთან შეხებით ხურავენ ხახას. დამახასიათებელია, რომ ბავშვებში ანთებითი მოვლენები ასეთ ნუშებში არ აღინიშნება.
სასის ნუშების ჰიპერტროფია – მკურნალობა. ტუტე და შემკვრელი ნივთიერებებით გამოვლება, იოდგლიცერინით დამუშავება; ზოგადგამაკაჟებელი მკურნალობა – ვიტამინთერაპია, კლიმატური მკურნალობა. კონსერვატული მკურნალობის არაეფექტურობის დროს ტარდება ტონზილექტომია.
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
.