ჭრილობა

ჭრილობა

არჩილ შენგელიალალი დათეშიძე

ჭრილობა (wound) – ქსოვილთა მექანიკური დაზიანება მათი მთლიანობის დარღვევით. შეხორცების თვალსაზრისით დიდი მნიშვნელობა აქვს ჭრილობის ნაპირების მდგომარეობას. განასხვავებენ შემდეგი სახის ჭრილობებს: ნაჩხვლეტი, ნაკვეთი, ნაკეპი, ნაჟეჟი, გლეჯილი, ნაკბენი, ცეცხლნასროლ ჭრილობებს.

ჭრილობა – სიმპტომები, მიმდინარეობა. ვლინდება კანის დეფექტი, ტკივილი და სისხლდენა. რაც უფრო ბასრია დამჭრელი საგანი და რაც სწრაფად მოქმედებს დამჭრელი ძალა, მით ნაკლებია ტკივილი. ტკივილის გამოხატულება დამოკიდებულია დაზიანებული მიდამოს ინერვაციაზე (მაქსიმალური მტკივნეულობა აღინიშნება სახეზე, შორისში, სასქესო ორგანოებზე). თუკი არ განვითარდა ანთების მოვლენები, ტკივილი 2-3 დღეში გაივლის. რაც უფრო ბასრია დამჭრელი ინსტრუმენტი, მით ძლიერად სისხლმდენია ჭრილობა. შესაძლოა სისხლდენა არ იყოს გარეგანი და ასეთ დროს ფორმირდება გავრცელებული ჰემატომები. ჭრილობების შეხორცება ხდება პირველადი და მეორადი დაჭიმვით.

ჭრილობა – მკურნალობა. გაურთულებელი და მცირე ფართისა და სიღრმის ჭრილობების დროს ჭრილობის დამუშავება შესაძლებელია პოლიკლინიკის პირობებში. ტარდება ჭრილობის პირველადი დამუშავება ნეკროტიზირებული უბნების ამოკვეთით, რის შემდეგაც ჭრილობას გაკერავენ. რიგ შემთხვევებში, ღრმა ჭრილობების დროს ნაჩვენებია ჭრილობის დრენირება და ნაკერების დადება კანზე. სისხლდენით, კუნთების, მყესებისა და ნერვების დაზიანებით მიმდინარე ჭრილობების, ასევე გულმკერდის, მუცლის ჭრილობების დროს ნაჩვენებია ჰოსპიტალიზაცია.

ჭრილობა – პროგნოზიდამოკიდებულია ჭრილობის დამუშავების ვადებზე და თადართული გართულებების ხასიათზე.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

ქირურგიული დაავადებები