ყურის ბაროტრამვა

ყურის ბაროტრავმა – შუა ყურის დაზიანება ატმოსფერული წნევის რყევების შედეგად. წარმოიქმნება აფეთქების, კესონში მუშაობისას;  ხშირად ვითარდება მფრინავებში და წყალში მყვინთავებში. ატმოსფერული წნევის მომატების დროს, თუკი იგი დროულად არ გათანაბრდა, დაფის აპკი ჩაიზნიქება, ხოლო დაქვეითების დროს – გამოიბერება. ატმოსფერული წნევის მკვეთრი რყევები გადაეცემა დაფის აპკს, სასმენი ძვლების გავლით  კი შიგა ყურს და უარყოფითად მოქმედებს მის ფუნქციაზე. ბაროტრავმას შესაძლოა ახლდეს ასევე დაფის აპკის გასკდომა.

ყურის ბაროტრავმა – სიმპტომები, მიმდინარეობა. ბაროტრავმის მომენტში შეიგრძნობა ძლიერი ,,დარტყმა” ყურში და ტკივილი. აღინიშნება სმენის დაქვეითება, თავბრუსხვევა, ხმაური ყურებში. დაფის აპკის გასკდომას ახლავს სისხლდენა გარეთა სასმენი მილიდან. ოტოსკოპიით ჩანს ჰიპერმია, სისხლჩაქცევა დაფის აპკში, ზოგჯერ მისი გასკდომა.

ყურის ბაროტრავმა – მკურნალობა. თუკი ადგილი არა აქვს დაფის აპკის გასკდომას, მაშინ გარეთა სასმენ მილში შეჰყავთ სტერილური ბამბის ნაჭერი. დაფის აპკის გასკდომის დროს საჭიროა ანტიბიოტიკებით შებერვა, ყურზე სტერილური ნახვევის დადება. შიგნითა ყურის დაზიანების დროს მკურნალობა ისეთივეა, როგორიც კოქლეარული ნევრიტის დროს.

ყელ-ყურ-ცხვირის დაავადებები


ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.

 

Share on Facebook
Facebook
გააზიარე facebook -ზე ..