ეთმოიდიტი
ეთმოიდიტი (ethmoiditis) – ცხავის ლაბირინთის ანთება. მიზეზები ისეთივეა, როგორიც ჰაიმორის წიაღების ანთების დროს. ძვლის კედლების დაზიანებით მიმდინარე მწვავე ეთმოიდიტი აღინიშნება უპირატესად ქუნთრუშის დროს. ლორწოვანი გარსის შეშუპებამ შესაძლოა გამოიწვიოს ემპიემის გავითარება. ცხავის ლაბირინთის წინა უჯრედების დაავადებები ჩვეულებრივ მიმდინარეობენ ჰაიმორისა და შუბლის წიაღების დაზიანებასთან ერთად, ხოლო უკანა უჯრედებისა – ძირითადი წიაღის ანთებასთან.
ეთმოიდიტი – სიმპტომები, მიმდინარეობა. თავის ტკივილი, ზეწოლითი ტკივილი ცხვირის ფუძის არეში. ბავშვებში ხშირად ვლინდება ზედა და ქვედა ქუთუთოს შიგნითა ნაწილების შეშუპება, კონიუნქტივის ჰიპერემია შესაბამის მხარეზე. ზოგჯერ მწვავე ეთმოიდიტი მიმდინარეობს გამოხატული ნევროლოგიური ტკივილებით. ცხვირიდან გამონადენი თავდაპირველად სეროზულია, შემდეგ კი ჩირქოვანი. შუა გასავალში არსებული ჩირქოვანი გამონადენი ნიშანია წინა ცხვისებრი უჯრედების დაზიანების, ზედა გასავალში – უკანა უჯრედების ანთების. მკვეთრადაა დაქვეითებული ყნოსვა, მნიშვნელოვნადაა გაძნელებული ცხვირით სუნთქვა. სხეულის ტემპერატურა მომატებულია. შუა ნიჟარა უმრავლეს შემთხვევაში გადიდებული და ჰიპერემიულია. ჩირქის გამოდენის შეფერხების დროს ანთებითი პროცესი შესაძლებელია გავრცელდეს თვალბუდეზე. ასეთ დროს ქუთუთოები შუპდება, ხოლო თვალის კაკალი იხრება გარეთ (ცხავის წინა უჯრედების ემპიემა) ან გამოიბერება და გადაიხრება გარეთა მხარზე (ცხავის უკანა უჯრედების ემპიემა)
ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
ფიტოთერაპია: იხილეთ კლინიკური და ემპირიული ფიტოთერაპია
ვის მივმართოთ – იხ. მედიკოსთა პერსონალური გვერდები
თემატურად მომიჯნავე სტატიები
საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988