ლალი დათეშიძე
ტუჩის კიბო დაახლოებით 90%-ში ლოკალიზებულია ქვედა ტუჩის ცენტრალურ ნაწილში; შემთხვევათა 90%-ში წარმოადგენს გარქოვანებულ ბრტყელუჯრედოვან კიბოს. წინასწარგანმწყობი ფაქტორებია: ტუჩის ლორწოვანი გარსის ქრონიკული ტრავმატიზაცია, სიგარეტის წევა. ტუჩის კიბოსწინარე დაავადებებია: ქეილიტი, ჰიპერკერატოზი, მეჭეჭისებრი პრედკიბო, კერატოაკანთომა, კანის რქა.
კლინიკური სურათი. დაავადების დასაწყისში ტუჩის კიბო ვლინდება ქერქით დაფარული ხორკლიანი გამკვრივების სახით. გამკვრივების კიდეებზე წარმოიქმნება ლილვაკისებრი გვირგვინი. სიმსივნის ზრდასთან ერთად მასში 
ვითარდება დაშლის პროცესები, რომელიც მიმდინარეობს დაწყლულებით, მეორადი ინფექციის თანდართვით. ლიმფურ კვანძებში მეტასტაზირება აღინიშნება შემთხვევათა 10%-ში. პირველადი სიმსივნის ტუჩის ცენტრალურ ნაწილში ლოკალიზაციის დროს პირველი მეტასტაზები ვლინდება ნიკაპქვეშა ლიმფურ კვანძებში, ხოლო პირველადი სიმსივნის გვერდითი მდებარეობისას – ყბისქვეშა ლიმფურ კვანძებში. დაშორებული მეტასტაზები იშვიათია.
ტუჩის კიბოს მკურნალობა. დაავადების პირველ სტადიაში ტარდება(სიმსივნე არა უმეტეს 2 სმ-ისა) სხივური (ქსოვილშიდა შეყვანა რადიოაქტიური ნემსის ან მოკლეფოკუსური რენტგენოთერაპია) ან კრიოგენური მკურნალობა. სიმსივნის ქირურგიული ამოკვეთა იშვიათად გამოიყენება. მეორე სტადიაში (სიმსივნე ზომით 2 სმ-ზე მეტია და ნაკლები 4 სმ-ზე, მეტასტაზების გარეშე) ტარდება სხივური თერაპია, შესაძლოა სიმსივნის კრიოდესტრუქცია. დაავადების მესამე სტადიაზე (სიმსივნე 4 სმ-ზე მეტია ზომით ან ნაკლებია, ამასთანავე პალპირდება ლიმფური კვანძები დაზიანებულ მხარეზე) პირველად კერაზე ზემოქმედებენ სხივური მეთოდით, სიმსივნის რეგრესიის შემდეგ კი აწარმოებენ კისრის ქსოვილის ფასციალურ-ფუტლარულ ამოკვეთას ორივე მხრიდან. მეოთხე სტადიაზე (სიმსივნე გავრცელებეულია ძვლებზე, ენაზე, კისერზე, აღინიშნება ორმხრივი მეტასტაზები ლიმფურ კვანძებში, ასევე დაშორებული მეტასტაზები) ნაჩვენებია პალიატიური დასხივება ან ქიმიოთერაპია.
ფარმაცევტული ფირმების წარმომადგენლებს ვთხოვთ მოგვაწოდონ ინფორმაცია საქართველოში ოფიციალურად რეკომენდებული პრეპარატების შესახებ mpifarm@gmail.com. თქვენს მიერ მოწოდებულ მასალების მიხედვით აღიწერება თქვენი პრეპარატის გამოყენების სპეციფიკა ამ დაავადების მკურნალობის დროს და პრეპარატის მოკლე დახასიათება,რომელიც გავა პრეპარატის აღწერის სპეციალურ გვერდზე.
იხილეთ “ემპირიული და კლინიკური ფიტოთერაპია”
იხილეთ ექიმთა კატალოგი
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. საიტებს უფლება ეძლევათ ეს სტატია, არაკომერციული მიზნით, გადააკოპირონ თავიანთ ინტერნეტ-გვერდებზე და ფორუმებში. სტატიის თავში აუცილებლად უნდა დაეწეროს: აღებულია “ლალი დათეშიძის სამედიცინო ენციკლოპედიიდან www.medgeo.net “
სტატიის განვითარება და სრული ვერსიები
MedGeoNet-ზე წარმოდგენილი მასალების სრული და ახალი ვერსიები პერიოდულად გამოდის დისკების ფორმით. იხ. >>>
ლიტერატურა
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
- Большая медицинская энциклопедия; Москва, издательство ,,Советская энциклопедия” – 1988
Viewed 1542 times by 782 viewers
Posted in სიმსივნური |
