ტრაქომა

ტრაქომა

დაავადება ორმხრივია, ჩვეულებრივ იწყება შეუმჩნევლად, იშვიათად მწვავედ. პირველი სტადიისათვის დამახასიათებელია კონიუნქტივის ზოგადი ინფილტრაცია, მასში და, განსაკუთრებით გარდამავალი ნაოჭის მიდამოში მრავლობითი ფოლიკულების და დვრილისებური წანაზარდების წარმოქმნით >>>

არჩილ შენგელიალალი დათეშიძე

ტრაქომა (trachoma) – კონიუნქტივის ქრონიკული ინფექციური დაავადება.

ტრაქომა – ეტიოლოგია, პათოგენეზი: ფსიტაკოზის ატიპიური ვირუსი; დასნებოვნება ხდება დაავადებული კონიუნქტივიდან ჯანმრთელზე გამონაყოფის გადატანით ხელებით ან დაბინძურებული საგნებით.

ტრაქომა – სიმპტომები. დაავადება ორმხრივია, ჩვეულებრივ იწყება შეუმჩნევლად, იშვიათად მწვავედ. პირველი სტადიისათვის დამახასიათებელია კონიუნქტივის ზოგადი ინფილტრაცია, მასში და, განსაკუთრებით გარდამავალი ნაოჭის მიდამოში მრავლობითი ფოლიკულების და დვრილისებური წანაზარდების წარმოქმნით. მეორე სტადიაში ხდება ფოლიკულების გადაგვარება და ფოლიკულების დაშლა, კონიუნქტივაში ნაწიბურების წარმოქმნა.
მესამე სტადიაში აღინიშნება კონიუნქტივის გავრცელებული დანაწიბურება, ინფილტრაციებისა და ფოლიკულების შენარჩუნებით, მეოთხე სტადიაში – კონიუნქტივის დანაწიბურება. კონიუნქტივის დაზიანებასთან ერთად წარმოიქმნება პანუსი: ზედა ლიმბთ ან წარმოიქმნება წერტილოვანი  ინფილტრატები, რომლებიც ერთდებიან და  წარმოქმნიან ქვევით გადანაცვლებად  შემღვრევას. კონიუნქტივის ინტენსიური  დანაწიბურება და ქუთუთოების ხრტილების  ცვლილებები იწვევს  კონიუნქტივის ღრუს შევიწროვებას,  ქუთუთოების გადატრიალებას, წამწამების  არასწორად ზრდას – ტრიქიაზს, თვალის გამოშრობას – ქსეროფთალმს. ტრაქომის ნიშნები, რომელიც მას გამოარჩევს კონიუნქტივის სხვა ფოლიკულური დაზიანებებისაგან: ზედა გარდამავალი ნაოჭის დაზიანება, კონიუნქტივის გამოხატული ინფილტრაცია, პანუსის არსებობა, რეგიონალური ადენოპათიის არარსებობა.

ტრაქომა – მკურნალობა. ანტიბიოტიკები, ვიტმინოთერაპია, დეჰელმინთიზაცია, ალერგიული გამოვლინებების მოხსნა. გართულებების დროს ნაჩვენებია ქირურგიული მკურნალობა.

ტრაქომა – პროგნოზი. ანტიბიოტიკებისა და სულფანილამიდების დროული და სისტემატური მიღებისას შესაძლებელია გამოჯანმრთელება და გართულებების თავიდან აცილება.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

თვალის დაავადებები