ხორხის ტრავმა – განასხვავებენ დაჟეჟილობებს, მოტეხილობებსა და ჭრილობებს.

ხორხის ტრავმა – სიმპტომები. ხორხის დაჟეჟილობები: სუნთქვისა და ყლაპვის გაძნელება, ზოგჯერ ხველა. ხრტილის მოსინჯვა ზოგჯერ მტკივნეულია. ზოგჯერ ვითადება ხანმოკლე გულის წასვლა. სუნთქვის მნიშვნელოვანი დარღვევები შედეგია ხორხის შერყევისა. ხორხის მოტეხილობები: ხველის შეტევები სისხლიანი ნახველის გამოყოფით, ყლაპვა და ლაპარაკი მტკივნეულია, ხმა უხეშდება. ხშირია სუნთქვის გაძნელება, რასაც ახლავს მსტვინავი ხმა. შესაძლებელია განვითარდეს ციანოზი და მოხრჩობის შეტევები. ხუთვა განპირობებულია ტრაქეაში სისხლჩაქცევით, ლორწოვანი გარსის შეშუპებით, ხრტილის ნამსხვრევების გადანაცვლებით, ასევე კანქვეშა ცხიმოვანი ქსოვილის ან შუასაყარის ემფიზემით.

ხორხის ტრავმა – დიაგნოზის დადგენა ხდება გარეგანი დათვალიერებით, პალპაციითა და რენტგენოგრაფიით. ლარინგოსკოპია გართულებულია; ვლინდება მკვეთრი ჰიპერემია, შეშუპება და სისხლჩაქცევა, ხრტილის ნამსხვრევების გადანაცვლება.

ხორხის ტრავმა – მკურნალობა. აუცილებელია სიმშვიდე და სიჩუმის დაცვა; ადგილობრივად – ყინული ყელზე, აძლევენ ასევე ყინულის ნაჭერს გადასაყლაპავად. დაზარალებული საჭიროებს სასწრაფო ჰოსპიტალიზაციას. ხორხის ღია ტრავმის დროს აუცილებელია ტეტანუსის საწინააღმდეგო შრატისა და ანატოქსინის შეყვანა. ნაჩვენებია ტრაქეოსტომის ადრეული დადება სტენოზის მცირე მოვლენების დროსაც კი. ტრაქეოსტომის დადების შემდეგ აუცილებელია ბრონქში ჩაღვრილი სისხლის ამოღება. ტარდება ხორხის ტამპონადა სისხლდენის შესაჩერებლად. პროფილაქტიკისათვის ინიშნება სულფანილამიდები და ანტიბიოტიკები.

ყელ-ყურ-ცხვირის დაავადებები

ლიტერატურა, წყაროები, გაფრთხილება

• გაფრთხილება
• დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
• დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.