მ- და ნ-ქოლინორეცეპტორების მაბლოკირებელი  საშუალებები

პარაგრაფი ლალი დათეშიძის წიგნიდან  ,,კერძო ფარმაკოლოგია და კლინიკური ფარმაცია”

ქოლინომაბლოკირებელ (ანტიქოლინერგულ) საშუალებებს მიეკუთვნებიან პრეპარატები, რომლებიც ხელს უშლიან აცეტილქოლინის ურთიერთქმედებას ქოლინორეცეპტორებთან. არსებობს ქოლინორეცეპტორების ორი ძირითადი ტიპი: მუსკარინის მიმართ მგრძნობიარე (მ-ტიპი) და ნიკოტინის მიმართ მგრძნობიარე (ნ-ტიპი). შესაბამისად გამოყოფენ პრეპარატებს უპირატესი მ- ან ნ-ქოლინომაბლოკირებელი მოქმედებით. ზოგიერთი ქოლინომაბლოკირებელი საშუალება ადვილად გადის ჰემატოენცეფალურ ბარიერს და უკავშირდება ცენტრალურ ქოლინორეცეპტორებს (ბენაქტიზინი, აპროფენი, ტრიჰექსიფენიდილი და სხვა). ამ პრეპარატებს ხშირად უწოდებენ ცენტრალურ ქოლინობლოკატორებს. თუმცა გამორიცხული არ არის მათი პერიფერიული (სპაზმოლიზური) აქტივობა. სამკურნალო საშუალებების აღნიშნული ჯგუფი გამოიყენება ჰიპერკინეზებისა და პარკინსონიზმის (მათ შორის მედიკამენტოზურის) სამკურნალოდ.

გაფრთხილება!

საავტორო უფლებები
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია.

თემატურად მომიჯნავე სტატიები

ლიტერატურა
1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპ. N: 1247. პროფ. თეიმურაზ ჩიგოგიძის რედაქციით.
2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპ. პროფ. თეიმურაზ ჩიგოგიძის საერთო რედაქცით.

ბმულები: 1. ლალი დათეშიძის საავტორო ფარმაცევტული სკოლა 2. სამედიცინო ლიტერატურა 3. სამონასტრო ბაღები