ჰეპარინის ანტაგონისტები და სხვადასხვა ჯგუფის ჰემოსტატიკები

პარაგრაფი ლალი დათეშიძის წიგნიდან  ,,ზოგადი ფარმაკოლოგია და კლინიკური ფარმაცია”. 2002 წ.

ჰეპარინის ანტაგონისტები წარმოადგენენ ჰემოსტატიკურ საშუალებებს. მათ მიეკუთვნება: პროტამინის სულფატი, ფიბრინოლიზის ინჰიბიტორები – ამინოკაპრონის მჟავა.
ამბენი (Ambenum), ცხოველური წარმოშობის სხვადასხვა ჰემოსტატიკური პრეპარატები,
ფიბრინოგენი – წარმოადგენს სისხლის ბუნებრივ შემადგენელ ნაწილს; იზოგენური ფიბრინული აპკი (Membranula fibrinosa isoena). ფიბრინული აპკი წარმოადგენს ფიბრინს, რომელიც მიღებულა ადამიანის სისხლის პლაზმის ფიბრინოგენიდან და გაჟღენთილია გლიცერინის წყალხსნარით.
თრომბინი (Thrombinum); თრომბინი წარმოადგენს სისხლის შემადედებელი სისტემის ბუნებრივ კომპონენტს, რომელიც ორგანიზმში წარმოიქმნება პროთრომბინისაგან, მისი თრომბოპლას-ტინით ფერმენტული აქტივაციის პირობებში;
ჰემოსტატიური კოლაგენური ღრუბელი (Spongia haemostatica collagenica). დამზადებულია კოლაგენის მასისაგან, 2% კოლაგენის ხსნარისაგან, ფურაცილინისა და ბორის მჟავის დამატებით;
ანტისეპტიკური ბიოლოგიური სანთლები (Suppositori aantiseptica biologica). შეიცავენ ხარის პლაზმის მშრალ ნარევს და თრომბოპლასტინს 0,9 გ; ლევომიცეტინს 0,02 გ, ნოვოკაინს 0,12 გ, შხამას ექსტრაქტს 0,015 გ, კაკაოს ზეთს 0,5გ და აბუსალათინის ზეთს იმ რაოდენობით, რაც საჭიროა სანთლების დასამზადებლად;
ჟელატინის ღრუბელი (Spongia gelatinosa). მიღებული კოლაგენის ნაწილობრივი ჰიდროლიზით, რომელსაც შეიცავს ცხოველების ხრტილები და ძვლები;
ანტისეპტიკური ღრუბელი კანამიცინით (Spongia antiseptica cumKanamycino). შეიცავს ჟელატინს კანამიცინის სულფატის დამატებით, ფურაცილინს, კალციუმის ქლორიდს;
ჟელპლასტანი, შედგება რქოსანის პირუტყვის გამომშრალი სისხლის პლაზმისაგან (0,49 გ), კანამიცინის მონოსულფატისაგან (0,058 გ) და საკვები ჟელატინისაგან (2,5 გ-მდე);
მცენარეული წარმოშობის ჰემოსტატიკური პრეპარატებია: მათრობელა ლაგოჰილუსი (Lagochilus inebrians Bunge). ლაგოჰილუსის ფოთლებისა და ყვავილების ნაყენი რამდენადმე აჩქარებს სისხლის შედედებას; ჭინჭრის ფოთლები (Folia Urticae). ფარსმანდუკის ბალახი (Herba Millefolii).
წალიკის ბალახი. (Herba Polygoni hydropiperis). ბოსტნის წალიკის ბალახი (Herba Polygoni persicariae). ძახველის ქერქი (CortexViurni opuli), არნიკის ყვავილები (Flores Arnicae).
თრომბწარმომქმნელ საშუალებებს მიეკუთვნება:
დეცილატი (Decilatum). სინონიმები: თრომბოვარი, Obliterol, Sotradecol, Tergitol – 4, Trombovar, Varicol და სხვ. გამოიყენება ქვედა კიდურების ვენების ვარიკოზული გაფართოების კონსერვატულ მკურნალობაში.

გაფრთხილება!

საავტორო უფლებები
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია.

თემატურად მომიჯნავე სტატიები

ლიტერატურა
1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპ. N: 1247. პროფ. თეიმურაზ ჩიგოგიძის რედაქციით.
2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპ. პროფ. თეიმურაზ ჩიგოგიძის საერთო რედაქცით.

ბმულები: 1. ლალი დათეშიძის საავტორო ფარმაცევტული სკოლა 2. სამედიცინო ლიტერატურა 3. სამონასტრო ბაღები