პარაგრაფი ლალი დათეშიძის წიგნიდან ,,ზოგადი ფარმაკოლოგია და კლინიკური ფარმაცია”. 2001 წ.
შარდმჟავას ცვლის დარღვევა შესაძლოა გახდეს ისეთი დაავადების მიზეზი, როგორიცაა პოდაგრა. ორგანიზმიდან შარდმჟავას შენელებული გამოყოფა ან ქსანტინებიდან (პურინებიდან) მისი ჭარბი სინთეზი იწვევს ჰიპერურიკემიას, ურიკოზურიას, რასაც თან სდევს სახსრებში, სახსრის მიმდებარე ქსოვილებში, შარდგამომყვან გზებში ურატების მიკროკრისტალების (ურატული ქვები) დალექვა. პოდაგრის სამკურნალოდ იყენებენ ანთების საწინააღმდეგო არასტეროიდულ საშუალებებს, რომლებიც ამსუბუქებენ ტკივილის სინდრომს და ანთებით მოვლენებს. სპეციფიკური აქტივობით ხასიათდებიან საშუალებები, რომლებიც ამცირებენ შარდმჟავას შემცველობას სისხლში. ჰიპოურიკემიის (ნორურიკემიის) გამოწვევა შეიძლება ორი გზით: ან უნდა შემცირდეს ურატების წარმოქმნა, ან უნდა უფრო ინტენსიურად მოხდეს მათი ექსკრეცია. ჰიპოურიკემიური საშუალებები (ალოპურინოლი და სხვა) ახდენენ ქსანტინოქსიდაზას ინჰიბირებას და ამცირებენ ურატების შემცველობას ორგანიზმში. მეორე მექანიზმით მოქმედებენ პრობენციდი და სულფინპირაზონი. ისინი ახდენენ თირკმელებში შარდმჟავას მილაკოვანი რეაბსორბციის ბლოკირებას და უფრო ინტენსიურს ხდიან მის გამოყოფას.
საავტორო უფლებები
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია.
თემატურად მომიჯნავე სტატიები
ლიტერატურა
1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპ. N: 1247. პროფ. თეიმურაზ ჩიგოგიძის რედაქციით.
2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპ. პროფ. თეიმურაზ ჩიგოგიძის საერთო რედაქცით.
ბმულები: 1. ლალი დათეშიძის საავტორო ფარმაცევტული სკოლა 2. სამედიცინო ლიტერატურა 3. სამონასტრო ბაღები
Viewed 1796 times by 846 viewers
Posted in კერძო ფარმაკოლოგია |
