იმუნურ პროცესებზე მოქმედი საშუალებები

პარაგრაფი ლალი დათეშიძის წიგნიდან  ,,ზოგადი ფარმაკოლოგია და კლინიკური ფარმაცია”. 2000 წ.

ევოლუციის პროცესში წარმოქმნილი იმუნური სისტემა ორგანიზმს უზრუნველყოფს დაცვის მაღალი დონით და მისი დარღვევები მთელი რიგი დაავადების მიზეზი ხდება. ბოლო დროს დიდი ყურადღება ექცევა იმუნური რეაქციების მასტიმულირებელი ან დამთრგუნველი სპეციფიკური საშუალებების შემუშავებას და შესწავლას. დადასტურებულია, რომ მრავალი წამლის დადებითი მოქმედება აიხსნება ორგანიზმის საერთო გამძლეობის, მისი არასპეციფიკური იმუნიტეტის გაზრდითა და აგრეთვე სპეციფიკური იმუნური რეაქციების გააქტივებით. იმუნომოდულატორები, იმუნოსტიმულატორები, იმუნოსუპრესორები ნივთიერებებია, რომლებიც ახდენენ იმუნური პასუხის მოდიფიცირებას და ზემოქმედებენ იმუნოკომპეტენტურ უჯრედებზე. მათი მიღების წყარო მრავალფეროვანია: მიკროორგანიზმები, მცენარეები, ცხოველების ქსოვილები და ორგანოები, ქიმიური სინთეზი. იმუნოსტიმულატორები და იმუნოდეპრესანტები შეიძლება იყვნენ ანტიგენები და არაანტიგენები. მათ შეიძლება სპეციფიკურად ან არასპეციფიკურად შეცვალონ მთელი სისტემის ან მისი ცალკეული რგოლების (იმუნოკომპეტენტური უჯრედების და ქვეუჯრედული წარმონაქმნების) ფუნქციონირება.

გაფრთხილება!

საავტორო უფლებები
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია.

თემატურად მომიჯნავე სტატიები

ლიტერატურა
1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპ. N: 1247. პროფ. თეიმურაზ ჩიგოგიძის რედაქციით.
2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპ. პროფ. თეიმურაზ ჩიგოგიძის საერთო რედაქცით.

ბმულები: 1. ლალი დათეშიძის საავტორო ფარმაცევტული სკოლა 2. სამედიცინო ლიტერატურა 3. სამონასტრო ბაღები