ალიმფოციტოზი – (alymphocytosis; სინ.: ლიმფოციტური დისგენეზია, ნეზელოფის სინდრომი) მემკვიდრეობითი დაავადება, რომელიც ხასიათდება იმუნოლოგიური დაცვის უჯრედული რეაქციების არარსებობით. მიზეზია ლიმფოციტების რაოდენობრივი უკმარისობა და მათი ხარისხობრივი არასრულყოფილება. პირველად აღწერა ნეზელოფმა 1964 წელს. დაავადება ვლინდება სიცოცხლის პირველ კვირეებში და თვეებში; ხასიათდება ავთვისებიანი მიმდინარეობით. აღინიშნება ბავშვის ზრდაში ჩამორჩენა, გახანგრძლივებული სეპტიკური პროცესი კანზე, ფილტვებში და სხვა ორგანოებში. პროგნოზი არაკეთილსაიმედოა – ხშირ შემთხვევაში მთავრდება ლეტალურად.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი