ლეპრა (კეთრი)

ლეპრა (კეთრი) – ქრონიკული ინფექციური დაავადება, რომელსაც იწვევს კეთრის მიკობაქტერია, ხასიათდება კანის, ლორწოვანი გარსების და პერიფერიული ნერვული სისტემის უპირატესი დაზიანებით, ასევე თვალების, ზოგიერთი შინაგანი ორგანოს დაზიანებით. მისი გამომწვევია ობლიგატური უჯრედშიგა პარაზიტი. ამჟამად მსოფლიოში ჯანდაცვის მსოფლიო ორგანიზაციის მონაცემებით აღრიცხულია 3 მლნ კეთრით დაავადებული. ინფექციის ერთადერთი წყაროა დაავადებული ადამიანი. დაავადების გავრცელებაში დიდი მნიშვნლობა ენიჭება სოციალურ – ეკონომიკურ ფაქტორებს. ინფექციის გადაცემის ძირითადი გზა არის ჰაერ – წვეთოვანი, იშვიათად  –  დაზიანებული კანი; დასაშვებია გადაცემა სისხლმწოვი მწერებით. ინკუბაციური პერიოდი გრძელდება საშუალოდ 3 – 7 წელი.

გაფრთხილება!

ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი