ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
მიტოზის ანაფაზა – (anaphasis mitosis ბერძნ.ana – უკუ და phasis – გამოვლინება) მიტოზის მესამე, მეტაფაზის მომდევნო სტადია, რომლის დროს მეტაფაზური ქრომოსომების სიგრძივი ნახევრები – ქრომატიდები ჩქარა შორდება ერთიმეორეს და მიემართება აქრომატული თითისტარას ქრომოსომული ძაფების გასწვრივ მისი პოლუსების მიმართულებით. ამ მომენტიდან ქრომატიდებს ეწოდება შვილეული ან დისეული ქრომოსომები. ქრომოსომების მოძრაობა გაპირობებულია თითისტარას ძაფების დამოკლებით, აგრეთვე ცენტრომერებს შორის განმზიდი ძალების მოქმედებით. ვარაუდობენ, რომ ქრომოსომების მოძრაობის მექანიზმში მნიშვნელოვან როლს ასრულებს ადენოზინტრიფოსფორმჟავას და ადენოზინტრიფოსფატაზის ურთიერთქმედება. ანაფაზა მთავრდება ქრომოსომების დაახლოებით პოლუსებთან, სადაც ისინი წარმოქმნიან ორ ფიგურას, რომლებიც ვარსკვლავებს გვანან. მიტოზის ამ სტადიას ზოგჯერ უწოდებენ ორი ვარსკვლავის სტადიას (დიასტერს) ან შვილეული ვარსკვლავების სტადიას. ტერმინი ანაფაზა სტრასბურგერმა შემოიღო (1884). (ც. გაჩეჩილაძე, ნ. ჩიკვილაძე. ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.”თბ.,”ცოდნა”.2000 წ.)
ბმულები: 1.საავტორო ფარმაცევტული სკოლა 2.სამედიცინო ლიტერატურა
3.საპატრიარქოს ქართული უნივერსიტეტი 4.დიეტები 5.ორსულობა და მშობიარობა