სტრიუარტ – ტრივსის სინდრომი

სტრიუარტ – ტრივსის სინდრომი – (F. W. Stewart; ამერიკ. პათოლოგი; N. Treves; ამერიკ. ქირურგი; სინ.: ლიმფანგიოსარკომა, ლიმფანგიოენდოთელიომა, ლიმფანგიობლასტომა, ლინფანგიოენდოთელიობლასტომა) ანგიოენდოთელიუმის იშვიათი და განსაკუთრებული სახე, რომელიც ვითარდება ზედა კიდურების ხანგრძლივად არსებული ლიმფოსტაზის ფონზე,  სარძევე ჯირკვლის კიბოს გამო რადიკალური მასტექტომიის შემდეგ. სიმსივნური კერები ლოკალიზებულია უპირატესად ზედაპირულად, კანში და კანქვეშა უჯრედისში. თავდაპირველად მათ აქვთ ბრტყელი, მოლურჯო ლაქების სახე, შემდეგში კი ღებულობენ კვანძოვან ხასიათს, ხშირად წყლულდებიან და ხდებიან სისხლმდენნი; სიმსივნურ კერებს შესაძლოა ჰქონდეთ როგორც სოლიტარული, ასევე მრავლობითი ხასიათი. რამდენიმე თვის განმავლობაში სიმსივნე ვრცელდება მთელს კიდურზე, გადადის გულმკერდზე, მეტასტაზირდება პლევრაში და ფილტვებში.


გაფრთხილება!
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი