ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
უჯრედული ქსოვილოვანი კულტურა – (ლათ.cultura – თესვა, მოყვანა, დამუშავება) – ციტო და ჰისტოლოგიური კვლევის მეთოდი ორგანიზმის გარეთ ხელოვნურ მკვებავ გარემოში ქსოვილთა ნაჭრების ან ცალკეული უჯრედების ცოცხლად შენარჩუნების გზით. უჯრედების კულტივირება in vitro^ საშუალებას გვაძლევს გამოვიკვლიოთ მათი ზრდა, მოძრაობა, გაყოფა და დიფერენცირება. უკანასკნელ წლებში ფართოდ იყენებენ უჯრედთა კულტურებს, რომლებშიც უჯრედებს წინასწარ აცალკევებენ ერთმანეთისაგან ტრიფსინის მოქმედებით. ტრიფსინიზებული უჯრედების ზრდის წყაროა ცალკეული, განკერძოებული უჯრედები, რომლებსაც შეუძლიათ უჯრედული კლონების მოცემა. (ც. გაჩეჩილაძე, ნ. ჩიკვილაძე. ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.”თბ.,”ცოდნა”.2000 წ.)
ბმულები: 1.საავტორო ფარმაცევტული სკოლა 2.სამედიცინო ლიტერატურა
3.დიეტები 4.ორსულობა და მშობიარობა