ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
ჯილქრისტის დაავადება – ჩრდილოეთ ამერიკული ბლასტომიკოზი, რაც გამოიწვევა სოკო ბლასტომიცეს დერმატიტიდით. ინფექცია ორგანიზმში აღწევს კანის ან სასუნთქი გზებით. დაავადება ქრონიკულია. არჩევენ კანისა (აბსცესები და გრანულომები) და გენერალიზებულ ფორმებს. ეს უკანასკნელი იწყება ბრონქიტით, რასაც მოსდევს ცვლილებები ფილტვებში (უხშირესად ცალმხრივი). ამ დროს რენტგენოლოგიური სურათი წააგავს ტუბერკულოზისას: ცვლილებები ვრცელდება ჰილუსებამდე. დისემინირებისას ზიანდება ბევრი ორგანო, ჩნდება ფისტულა. გვხვდება ჩრდილოეთ ამერიკაში უპირატესად და უმთავრესად მხოლოდ მამაკაცებში. [“3”]
ბმულები: 1.საავტორო ფარმაცევტული სკოლა 2.სამედიცინო ლიტერატურა
3.დიეტები 4.ორსულობა და მშობიარობა