გადასვლა საიტის – ,,ლექსები სიყვარულზე“ – მთავარ გვერდზე
ანა კალანდაძე
მეფერება მზე ალერსის მთხოვარს,
ვარდისფერად ცამან ჩამომათოვა…
მე მიგალობს, როდი მიმატოვა
თოხიტარა, პაწაწინა რტო ვარ…
ქარი მარხევს და ყვავილებს მაცლის,
ყვავილს მომწყვეტს, გაიტაცებს მინდვრად…
დამიყვავე, ქარო, ნუ ხარ მკაცრი:
პატარა ვარ, მოფერება მინდა!
მითხარიო: როგორ, როგორ ვანდო
საიდუმლო აშარსა და მსტოვარს?
მებაღეო ნუ დამტოვებ მარტო,
მეშინია, პაწაწინა რტო ვარ!
Loading ...
…
ელფოსტაზე caumednet@gmail.com შეგიძლიათ გამოგვიგზავნოთ თქვენი საყვარელი ლექსები სიყვარულზე.
დაგვეხმარეთ, ამ ლექსისათვის შევარჩიოთ საუკეთესო ნახატები
Viewed 915 times by 653 viewers
Posted in ლექსები სიყვარულზე
