გადასვლა საიტის – ,,ლექსები სიყვარულზე“ – მთავარ გვერდზე
მურმან ლებანიძე
წყაროზე ჩაგიყვანს და არ დაგალევინებსო,
მწყურვალს დაგტოვებსო, ჩაჰყვები ვინცო,
ცოლ-შვილს გაგყრის და აგარეევინებსო –
შენზე თუ უთქვამთ, პატარა ციცოვ!
მე იმ ასაკში არა ვარ ახლა და
არც იმ ჭკუაზე – ცოლ-შვილს გავეყარო!
მაგრამ შემომიჩნდა სურვილი მახრა და
პატარა ციცოვ, უნდა დამეხმარო!
ხოლო ციცუნია ტოლებში დაჰქრის
და შენი მახრა ფეხზე ჰკიდია,
თუმცა სავსე მკერდი მიუგავს სახნისს
და ის შეახსენებს, რომ უკვე დიდია!
ისე ჩამოგივლის მიწაგასახეთქი,
ვითომც ქვეყანაზე მარტო ის ერთია.
როგორც ხეჭეჭური, ქვაზე დასათხლეში –
ციცო ისეთია!
წყაროზე ჩაგიყვანს და არ დაგალევინებსო,
მწყურვალს დაგტოვებსო, დაჰყვები ვინცო,
ცოლ-შვილს გაგყრის და აგარეევინებსო –
შენზე თუ უთქვამთ, პატარა ციცოვ!
Loading ...
….
ელფოსტაზე caumednet@gmail.com შეგიძლიათ გამოგვიგზავნოთ თქვენი საყვარელი ლექსები სიყვარულზე.
დაგვეხმარეთ, ამ ლექსისათვის შევარჩიოთ საუკეთესო ნახატები
Viewed 1331 times by 855 viewers
Posted in ლექსები სიყვარულზე
