გადასვლა – ,,ქირურგიული ინსტრუმენტები”
ფირფიტისებრი, კბილიანი ან უკბილო, დამხმარე ქირურგიული ინსტრუმენტი. (სურ. 1.40). ფართოდ გამოიყენება ქირურგიულ პრაქტიკაში სხვადასხვა ქსოვილის, მასალის და პატარა ზომის ინსტრუმენტის დასაჭერად. აგებულება:
_ შედგება ორი, ერთ ბოლოზე ერთმანეთთან შედუღებული (2) ან მჭიდროდ მიერთებული ლითონის ფირფიტისგან (1), რომელთა თავისუფალი ნაწილი (სამუშაო ტუჩები ანუ თათები (3)) სოლისებურად არიან განზიდული; პინცეტის ფირფიტის გარეთა ზედაპირზე მცირე ზომის ღარებია (ინსტრუმენტის ხელში კარგი ფიქსაციისთვის), თათების ფორმა კი დამოკიდებულია სურ.1.40 პინცეტის ტიპზე.
პინცეტის ტიპები:
ფორმის მიხედვით _ სწორი ან მოხრილი.
აგებულების მიხედვით – ანატომიური (უკბილო), ქირურგიული (კბილიანი) და მიზნობრივი დანიშნულების;
- ანატომიური პინცეტი
- ქირურგიული პინცეტი
- დაკბილულ-თათისებური პინცეტი
- მიშელის ბრჭყალების დასადები და მოსახსნელი პინცეტი.