გადასვლა – ,,ქირურგიული ინსტრუმენტები”
სამკურნალოდ ან სადიაგნოსტიკოდ, ორგანიზმში თხევადი ნივთიერების პარენტერალურად შესაყვანი მჩხვლეტავი სამედიცინო ინსტრუმენტი (სურ. 1.57 1 _ 5).
საინექციო ნემსი მოქრომილ – მონიკელებული ლითონის მილია, რომლის ერთი ბოლო, ქსოვილებში ადვილად შესაყვანად, წაკვეთილია 15º_დან 45º კუთხით; მეორე ბოლოთი ერგება შპრიცის კონუსს.
კვეთის მიხედვით განასხვავებენ შუბისებრ და მახვილისებრ ნემსებს.
საინექციო ნემსის წვერი წამახვილებულია 15º _ 18º კუთხით; ვენაში კათეტერის შესაყვანი, თავზურგის ტვინის და პლევრალური პუნქციისთვის განკუთვნილი ნემსის წვერი კი _ 30º, ხოლო ანგიორენტგენოგრაფიისთვის _ 30º და 45º.
ნემსის მილის დიამეტრი მერყეობს 0,4 მმ_დან 2,0 მმ_მდე, სიგრძე 20_დან 150 მმ_მდე. ნემსის მილში, არხის გასაწმენდად, თავსდება ლითონის ღერო (მანდრენი).
ნემსი კანშიდა ინექციისთვის _ ყველა სახის ნემსზე მოკლეა; მისი სამუშაო ნაწილის დიამეტრი უდრის 0,4 მმ_ს. (სურ. 1.58 _ A)
ნემსი კანქვეშა ინექციისთვის _ სიგრძით აღემატება კანშიდა საინექციო ნემსს; მისი დანიშნულება კანქვეშა ქსოვილში ხსნარის შეყვანაა. (სურ. 1.58 _ B)
ნემსი კუნთშიდა ინექციისთვის (სურ. 1.58 _ C) _ დიამეტრით და სიგრძით აღემატება კანქვეშა საინექციო ნემსს. ის განკუთვნილია არა მარტო თხევადი, არამედ ზეთოვანი ნივთიერებების კუნთში შესაყვანად.
ნემსი ინტრავენური ინექციისთვის (სურ. 1.58 _ D) _ კუნთშიდა საინექციო ნემსთან შედარებით მოკლეა და გააჩნია წამახვილების დიდი კუთხე (30º).
