მშობიარობისადმი ქალების დამოკიდებულების სხვადასხვაობა

და აი, დადგა ის წუთი, როდესაც თქვენ როგორც იქნა, დაინახავთ თქვენს პატარას! გადასცემთ მას თქვენს სითბოს, ალერსს, სიყვარულს, მაგრამ იმისათვის, რომ განიცადოთ გრძნობების ეს არაჩვეულებრივი მოზღვავება, საჭიროა კიდევ ერთი, ბოლო გამოცდის გავლა.

მშობიარობა-ეს ფსიქოლოგიური და ფიზიკური სამუშაოა, რაც თქვენს მოთმინებას და განსაკუთრებულ მობილიზაციას მოითხოვს: მოვლით შეტევებს შორის შუალედებში ეფექტურია განტვირთვა და ძალების დაგროვება, სწორად სუნთქვა, თქვენთვის მოსახერხებელი პოზის დაკავება, პატარას წაქეზება. ნუ დაგავიწყდებათ, რომ თქვენი თანადგომა ასეთ მნიშვნელოვან მომენტში მას საგრძნობლად დაეხმარება. მშობიარობა წარიმართება ზუსტად ისე, როგორც თქვენ ხართ მისთვის მომზადებული და განწყობილი.

ბევრი ქალი ფიქრობს, რომ დაბადებისას ბავშვი განიცდის საშინელებას. ეს ძალიან მკვეთრად აისახება ქალის მდგომარეობაზე და მშობიარობის დინამიკაზე. იმ მომენტში, როდესაც საშვილოსნო ბავშვს “გამოაძევებს”, ის “ითიშება” და შესაბამისად არ გრძნობს იმას, რაც მის თავს ხდება ამ მომენტში. ეს ხდება იმ შემთხვევაში, თუ მშობიარობა პათოლოგიის გარეშეა, და არანაადრევია. იგივენაირ მდგომარეობაშია მშობიარეც: ბავშვის დაბადების მომენტში თქვენ არაფერზე არ რეაგირებთ და ეს ბუნებრივია. მაგრამ როგორც კი ყველაფერი მთავრდება, თქვენ გონს მოდიხართ და ანგარიშს უწევთ მომხდარ ფაქტს. ბავშვსაც ასევე ყველაფერი ესმის და ელოდება თქვენს მხარდაჭერას. მიესიყვარულეთ პატარას, ის ხომ გაცილებით მეტ სამუშაოს ასრულებს და თქვენგან განსხვავებით არ იცის, როდის დასრულდება ყველაფერი. პრაქტიკა აჩვენებს, რომ სწორედ ბავშვის მიმართ განწყობა და საკუთარი თავის, როგორც დედის მიმართ დამოკიდებულება განსაზღვრავს მშობიარობის მიმდინარეობას.

როგორია ქალების დამოკიდებულება მშობიარობის მიმართ?

ყველაზე ოპტიმალურია ასეთი დამოკიდებულება: “მშობიარობა-ძნელი შემოქმედებითი სამუშაოა”. ამ შემთხვევაში ქალი განწყობილია ძნელ, ხანგრძლივ სამუშაოზე, ბუნებრივ ტკივილთან გამკლავებაზე, აცნობიერებს თავის აქტიურ პოზიციას ამ პროცესში. მუშაობს შედეგზე-შვილის დაბადებაზე. ასეთი ქალები გართულებების გარეშე აჩენენ თავიანთ პატარებს. ეს მშობიარობის მიმართ ადექვატური დამოკიდებულებაა. დამოკიდებულების სხვა ტიპებში შეიძლება იყოს ეიფორიული განწყობა:”დაუმსახურებელი დასჯა”, მშფოთვარე განწყობა:”ცოდვების გამო”, ამბივალენტური ტიპი:”მშობიარობა როგორც დანაშაულის გამოსყიდვის ხერხი”, იგნორირებადი ტიპი:”რიგითი, ნაკლებმნიშვნელოვანი მოვლენა.” მაგრამ ბუნება აქაც შეეცდება ჩაერიოს და ჩართოს პროცესში ისინიც კი, ვინც ჯერ კიდევ არაადექვატურად აღიქვამს დედობას და ბავშვის დაბადებას. როდესაც თქვენ დაინახავთ თქვენს პირმშოს, ჩახედავთ მას თვალებში, იგრძნობთ მის განუმეორებელ სუნს, მერწმუნეთ: არ დაგრჩებათ უკანდახევის არანაირი შანსი, გაგიჩნდებათ უდიდესი სურვილი გიყვარდეთ და დაიცვათ ეს პატარა არსება. ამ წუთებში თქვენ დაგეუფლებათ უსაზღვრო ბედნიერების განცდა, რომლის გაგებაც შეუძლია მხოლოდ ქალს, რომელსაც ღმერთმა წილად არგუნა უმშვენიერესი მისია-იყოს დედა.

ავტორის ნებართვით აღებულია საიტიდან : shvilebi.ge კონტაქტი სტატიის ავტორთან : anna@shvilebi.ge

გადასვლა >>>> ,,ორსულობა და მშობიარობა”

..