კარტოფილის ბოლქვი ცხიმების და კალორიების მცირე რაოდენობას შეიცავს (70კალ/100გ), თუმცა ბავშვის ორგანიზმს ამარაგებს ენერგიით, მაღალხარისხიანი ცილებით, ვიტამინებით, მინერალური და მეორადი მცენარეული ნივთიერებებით.
დღემდე არსებობს სტერეოტიპი, რომ კარტოფილი ასუქებს. თუმცა ეს არ შეესაბამება სიმართლეს. მხოლოდ გადამუშავებული პროდუქტები შეიცავს დიდი რაოდენობით კალორიებს: კარტოფილი ფრი, კარტოფილის ჩიფსები. გარდა ამისა, ასეთი გადამუშავების დროს, ძირითადი სასარგებლო ნივთიერებები იკარგება და მხოლოდ მცირედი რჩება. კარტოფილი შეგვიძლია მივირთვათ შემწვარი, დაჭყლეტილი, პიურეს სახით, დაჭრილი, ფარშირებული, გამომცხვარი ან სალათის სახით.
ბავშვის პიურე ადვილი მოსამზადებელია. კარტოფილი რომ მოიხარშება, მერე დავჭყლიტოთ, ცოტა რძე ჩავასხათ, რომ სასურველი კონსისტენციის გახდეს, კარაქი ან ზეთი დავამატოთ, ცოტა მარილი, შეიძლება ოდნავ მუსკატის თხილიც და ჩვენი კარტოფილის პიურე მზად არის.
რჩევა: პიურე დიდი ულუფა თუ გამოგვივა, შეგვიძლია კარტოფილის “ლოკოკინები” გამოვაცხოთ.
კარტოფილის “ლოკოკინები”
1 თეფში კარტოფილის პიურე,
1 ც კვერცხი
კარტოფილის პიურეში კვერცხი ჩავახალოთ და მიქსერით გავთქვიფოთ.
ტომარას ვარსკვლავისფორმიანი საცმი დავუმაგროთ და კარტოფილის მასით ავავსოთ.
შემდეგ პიურე ტაფაზე ლოკოკინების ფორმით დავასხათ. გახურებულ ღუმელში 170-180 გრადუსზე დაახლოებით 20 წუთი გამოვაცხოთ.
წყარო: www.puphynuphy.ge
____________________________