აზროცინი

აზროცინის ზოგადი ინფორმაცია

აზროცინი. Azrosin. მაკროლიდების ჯგუფის სამკურნალო საშუალება. აქტიური ნივთიერება – აზითრომიცინი. Azithromycin. მწარმოებელი ფირმა – ეჯზაჯიბაში ზენტივა საღლიკ ურუნლერი სანსი ვე თიჯარეთ ა.შ (თურქეთი).

აზროცინის შემადგენლობა და გამოშვების ფორმა

აზროცინი. Azrosin გამოდის 500მგ ტაბლეტის ფორმით. ყოველი აბი შეიცავს 500მგ. აზითრომიცინის დიჰიდტრატს. სხვა ინგრედიენტები: მღებავი ნივთიერება – ტიტანიუმის დიოქსიდი, დამხმარე ნივთიერება: მეთილპარაბენი.

აზროცინის ფასები ქართულ ფარმაცევტულ ბაზარზე

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც აზროცინი, იხილეთ ქვემოთ, შესაბამის რუბრიკაში. აფთიაქებს დინამიური ინფორმაცია აზროცინის ფასების შესახებ შეუძლიათ მოგვაწოდონ  mpifarm@gmail.com

აზროცინის ფასები ფარმადეპოში
აზროცინის ფასები ავერსში
აზროცინის ფასები psp-ში
აზროცინის ფასები სხვა აფთიაქებში

აზროცინის აქტიური ნივთიერება

აზითრომიცინი. Azithromycin. ქიმიური დასახელება – 9-დეოქსო-9a-აზა-9a-მეთილ-9a-ჰომოერითრომიცინ А (და დიჰიდრატის სახით). ბრუტო–ფორმულა: C38H72N2O12. აზითრომიცინს მიაკუთვნებენ  მაკროლიდების და აზალიდების ჯგუფს. CAS-კოდი: 83905-01-5.

აზროცინის სინონიმები

აზოკსინი (AZOKSIN, Avita, თურქეთი), ზიტრომედი (ZITHROMED™, CBS Pharmaceuticals, ინდოეთი), ჰემომიცინი (HEMOMICIN, Hemofarm A.D, სერბეთი), აზროცინი (Azrosin, Asfarma, თურქეთი), აზოკსინი (AZOKSIN, Avita, თურქეთი), ზიტრომედი (ZITHROMED™, CBS Pharmaceuticals, ინდოეთი), აზიპინი (AZIPIN, G P C, რუმინეთი), აზიმაკი (AZIMAC, GMP, საქართველო), აზითრომიცინი (AZITHROMYCIN, GMP, საქართველო), ჰემომიცინი (HEMOMICIN, Hemofarm A.D, სერბეთი).

 აზროცინის გამოყენების ძირითადი მიმართულებებია

  •  ქვედა სასუნთქი გზების ინფექციები
  •  ზედა სასუნთქი გზების ინფექციები
  • ქლამიდიური ინფექცია, გაურთულებელი
  •  არაგონოკოკური ინფექციები, სქესობრივი გზით გადამდები
აზროცინის საფირმო აღწერიდან

აზროცინის ფარმაკოლოგიური თვისებები

აზითრომიცინი მაკროლიდების ჯგუფის ნახევრადსინთეზური ანტიბიოტიკია. იგი წარმოადგენს ერითრომიცინის წარმოებულს, რომლისგანაც განსხვავდება ლაქტონურ რგოლთან აზოტის ატომის მეშვეობით შეერთებული მეთილენის ჯგუფით. ამ განსხვავების გამო აზითრომიცინი მიეკუთვნება მაკროლიდების ცალკე ქვეჯგუფს—აზალიდებს. აზითრომიცინი აინჰიბირებს ცილის სინთეზს მის მიმართ მგრძნობიარე მიკროორგანიზმების 50შ რიბოსომებზე. აზითრომიცინი წარმოადგენს ფართო სპექტრის ანტიბიოტიკს, მიღებიდან 2-3 სთ-ის შემდეგ სისხლში აღწევს მაქსიმალურ კონცეტრაციას. საჭმლის მიღება ამცირებს პრეპარატის შეწოვას, ამიტომ იგი მიიღება ჭამამდე 1 სთ-ით ადრე. ჩატარებული გამოკვლევების შედეგად, აღინიშნა, რომ აზითრომიცინის ქსოვილოვანი კონცენტრაცია ბევრად აღემატება (50-ჯერ) მის პლაზმურ კონცეტრაციას. 500მგ. პრეპარატის მიღების შემდეგ ფილტვებში, ნუშურა ჯირკვლებში, ბრონქებში და სხვა ორგანოებში არსებული აზითრომიცინის კონცეტრაცია, რომლებიც ბევრად აღემატება ანტიბიოტიკის მმკ 90-ს. ბიოაქტივობა შეადგენს 37%. აზითრომიცინი ძირითადად სანაღვლე გზებით, უცვლელი სახით გამოიყოფა, ხოლო 6% – შარდით. ნახევრადგამოყოფის პერიოდი შეადგანს 2-4 დღეს. in vitro გამოკვლევებში აზითრომიცინმა აჩვენა მაღალი აქტივობა შემდეგი გრამდადებითი და გრამუარყოფითი მიკროორგანიზმების მიმართ:
Streptococcus pneumoniae, Streptococcus pyogenes (A ჯგუფის) და სტრეპტოკოკთა სხვა სახეობები, Staphylococcus aureus, Corynebacterium diphtheriae, Haemophilus influenzae, Haemophilus parainfluenzae, Branhamella catarralis, Bacteroides parapertussis, Shigella – ს სხვადასხვა სახეობები, Pasteurella, Vibrio, Peptococcus da Peptostreptococcus, Fuzobacterium necrosporium, Propionbacterium acnes, Yersinia, Clostridium perfingens, Borrelia burgdorfei, Haemophilus ducreyi, Neisseria gonorrhoeae, Chlamidia trachomatis, Chlamydia pneumoniae.
აზითრომიცინი ასევე ეფექტურია შემდეგი მიკროორგანიზმების მიმართ: Legionella pneumophilia, Mykoplazma pneumoniae, Mycoplazma hominis, Mycobacterium avium, Campylobacter – ის სხვადასხვა სახეობები, Ureaplasma urealyticum, Toxoplasma gondi, Treponema pallidum.

აზროცინის ჩვენებები

ქვედა სასუნთქი გზების ინფექციები
– ზედა სასუნთქი გზების ინფექციები – კანისა და რბილი ქსოვილების ინფექციები – გაურთულებელი ქლამიდიური ინფექცია (გენიტალური) – სქესობრივი გზით გადამდები არაგონოკოკური ინფექციები

აზროცინის მიღების წესები და დოზები

სადღეღამისო დოზა ინიშნება ერთჯერადად.
მოზრდილები: მწვავე ქლამიდიური ინფექცია—მიზანშეწონილია აზროცინის 1 გრ.(2 აბი) ერთჯერადი დანიშვნა.
აზითრომიცინის მიმართ მგრძნობიარე მიკროორგანიზმებით გამოწვეული სხვა ინფექციები—3 დღის განმავლობაში 500მგ. დღეში ერთჯერ(საერთო დოზა 1.5 გრ.(3 აბი). მკურნალობის ალტერნატიული ვარიანტის დროს—პირველ დღეს 500 მგ.(1 აბი), შემდეგ 4 დღის განმავლობაში 250 მგ.( 12 აბი) დღეში ერთჯერ(საერთო დოზა 1,5 გრ)
ბავშვები: 45 კგ. ნაკლები წონის ბავშვებში ინიშნება სუსპენზია(3 დღის განმავლობაში 10 მგკგ-დღიური დოზით), ხოლო 45 კგ-ზე მეტი წონის მოზარდებში დოზირება ისეთივეა, როგორც დიდებში. Pპრეპარატის მიღება საჭიროა მშიერ კუჭზე( ჭამამდე 1 სთ-ით ადრე ან 2 სთ-ის შემდეგ)

აზროცინის გვერდითი მოვლენები

აზითრომიცინს ახასიათებს კარგი ტოლერანტობა. შესაძლოა გამოვლინდეს გასტროინტერსტინალური გვერდითი მოვლენები: გულისრევა, ღებინება, ტკივილი მუცლის არეში, დიარეა. ისევე, როგორც სხვა მაკროლიდების და ზოგიერთი პენიცილინების მიღებისას, შესაძლებელია ღვიძლის ტრანსამინაზების დონის შექცევადი მომატება. კლინიკური გამოკვლევებისას გამოვლინდა ნეიტროპენია, თუმცა მისი კავშირი აზითრომიცინის მიღებასთან დამტკიცებული არ არის.
მოულოდნელი ეფექტების გამოვლენისას მიმართედ ექიმს!

აზროცინის თავისებურებები და სიფრთხილე

ისევე, როგორც ფართო სპექტრის სხვა ანტიბიოტიკების მიღებისას, აუცილებელია სიფრთხილე ფსევდომემბრანოზული კოლიტის და სუპერინფექციის განვითარებასთან დაკავშირებით, რაც გამოწვეულია ბაქტერიების რეზისტენტული ფორმების გაჩენით. ერგოტიზმის განვითარების შესაძლებლობის გამო აზითრომიცინი არ გამოიყენება ერგოტამინის წარმოებულებთან ერთად. აზითრომიცინის მიღება შეიძლება თირკმლის უკმარისობის მსუბუქი ფორმის დროს, ხოლო თირკმლის მძიმე უკმარისობის პირობებში პრეპარატი ფრთხილად ინიშნება. აზითრომიცინი გამოიყოფა ნაღველით, ამიტომ ღვიძლის უკმარისობის დროს არ გამოიყენება.
გამოკვლევების დროს დადგინდა სუსტი და საშუალო სიმძიმის გვერდითი მოვლენები, რაც ძირითადად აღინიშნება საჭმლის მომნელებელი ტრაქტის მხრიდან. მოზრდილებში გვერდითი მოვლენები მხოლოდ დოზის გადაჭარბებისას ვლინდება:
საჭმლის მომნელებელი ტრაქტი: დიარეა, გულისრევა, ღებინება, ტკივილი მუცლის არეში.
ნერვული სისტემა: თავის ტკივილი, ჰიპერკინეზიები, გაღიზიანებადობა, უძილობა.
ზოგადი: დაღლილობა, ტემპერატურის მომატება.
ალერგიული რეაქციები: გამონაყარი
განსაკუთრებული მგრძნობელობა: კონიუქტივიტი
გულ-სისხლძარღვთა სისტემა: ტკივილი მკერდის ძვლის უკან
შარდ-სასქესო სისტემა: კანდიდოზური ვაგინიტი, ნეფრიტი ურთიერთქმედება სხვა მედიკამენტებთან: ანტაციდები აქვეითებს აზითრომიცინის პიკურ კონცენტრაციას შრატში, ამიტომ პრეპარატის მიღება საჭიროა ანტაციდების მიღებიდან 2სთ-ის შემდეგ. არ არის მონაცემები თეოფილინთან ურთიერთქმედების შესახებ. თუმცა სხვა მაკროლიდების თეოფილინთან ერთობლივი მიღებისას შესაძლებელია მისი პლაზმური კონცენტრაციის გაზრდა. აქედან გამომდინარე, აღნიშნული პრეპარატების ერთობლივი დანიშვნა საჭიროებს თეოფილინის პლაზმური კონცენტრაციის დონის მკაცრ კონტროლს. ისეთ პრეპარატებთან პარალელური დანიშვნისას, რომლებიც მეტაბოლიზირდებიან ციტოქრომ P450 სისტემით(კარბამაზეპინი, ციკლოსპორინი, ჰექსობარბიტალი და სხვა), აუცილებელია ამ პრეპარატების პლაზმურ კონცეტრაციაზე ზუსტი კონტროლი.
ციკლოსპორინთან გარკვეული ურთიერთქმედების გამო აუცილებელია ციკლოსპორინის დონის კონტროლი და დოზის დროული კორექცია.
არსებობს ცნობები ზოგიერთი მაკროლიდის მიერ დიგოქსინის ბიოტრანსფორმაციის შენელების შესახებ. აზითრომიცინის მიმართ არსებული ინფორმაციის არარსებობის გამო მათი ერთობლივი მიღებისას აუცილებელია დიგოქსინის პლაზმური დონის კონტროლი.
ისევე როგორც სხვა მაკროლიდები, აზითრომიცინი არ გამოიყენება ერგოტამინის წარმოებულებთან ერთად. აზითრომიცინი და ვარფარინის მიღებისას აღინიშნება კოაგულაციის მომატება.

აზროცინის უკუჩვენება

ინდივიდუალური მომატებული მგრძნობელობა მაკროლიდების ან აზითრომიცინის მიმართ.

აზროცინის ორსულობა და ლაქტაცია

ცხოველებზე ჩატარებული გამოკვლევებისას დადგინდა, რომ აზითრომიცინი გადის პლაცენტარულ ბარიერს, თუმცა ნაყოფზე არავითარი ზემოქმედება არ აღინიშნა. ორსულებზე პრეპარატის ზემოქმედება საბოლოოდ არ დადგინდა, თუმცა მწვავე აუცილებლობის გარდა ის არ უნდა იქნას გამოყენებული ორსულებში. დედის რძეში აზიტრომიცინის შეღწევა საბოლოოდ დადგენილი არაა, ამიტომ ლაქტაციის პერიოდში აუცილებლობის გარეშე პრეპარატი არ ინიშნება.
ჭარბი დოზირება
საკმარისი ინფორმაცია აზითრომიცინის დოზის გადაჭარბებაზე არ არსებობს. დოზის გადაჭარბებისას მაკროლიდთა ყველა წარმომადგენლისათვის დამახასიათებელია შემდეგი სიმპტომები: წამოხურება, გულისრევა, ღებინება, დიარეა. ამ სიმპტომების მოსახსნელად აუცილებელია კუჭის ამორეცხვა.
შენახვის პირობები და ვადები

აზროცინი ინახება ოთახის ტემპერატურაზე 30°C-ზე ქვევით, ბავშვებისათვის მიუწვდომელ ადგილას

 

Share on Facebook
Facebook
გააზიარე Facebook -ზე ..