იბუპრენი

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): იბუპროფენი/ibuprofen

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანთების საწინააღმდეგო არასტეროიდული საშუალებები
ათქ კოდი: M01AE01
 შემადგენლობა:
5 მლ სიროფი შეიცავს:
აქტიურ ნივთიერებას: 100 მგ იბუპროფენს

ფარმაკოლოგიური თვისებები:
ფარმაკოდინამიკა: იბუპროფენი ახდენს ანთების საწინააღმდეგო, ტკივილგამაყუჩებელ და სიცხის დამწევ მოქმედებას. ანთების საწინააღმდეგო მოქმედება განპირობებულია პროსტაგლანდინების სინთეზის დათრგუნვით ფერმენტ ციკლოოქსიგენაზას ბლოკირების გზით. პრეპარატს აქვს სიცხის დამწევი მოქმედება, რაც განპირობებულია როგორც ცენტრალური, ასევე პერიფერიული მექანიზმით, დაზიანებულ ქსოვილებში არაქიდონის მჟავისაგან პროსტაგლანდინების წარმოქმნის პროცესების ბლოკირებით. იბუპროფენს აქვს სიცხის დამწევი მოქმედება ჰიპოთალამუსზე ზემოქმედების შედეგად. წარმოადგენს პერიფერიულ ანალგეზიურ საშუალებას. მაღალი დოზებით გამოყენებისას ავლენს ანთების საწინააღმდეგო მოქმედებას.

ფარმაკოკინეტიკა:
პერორალური მიღების შემდეგ პრეპარატის ბიოშეღწევადობა შეადგენს 80%-ს. საკვებთან ერთდროული მიღებისას შეწოვის სიჩქარე მცირდება. მაქსიმალურ პლაზმურ კონცენტრაციას პრეპარატი აღწევს შიგნით მიღებიდან 1 საათის შემდეგ. 90-99%-ით უერთდება პლაზმის ცილებს. პლაზმური ნახევარგამოყოფის პერიოდი შეადგენს 2-4 საათს. მეტაბოლიზდება ღვიძლში ოქსიდაციის გზით არააქტიური მეტაბოლიტების წარმოქმნით. მიღებული დოზის დაახლოებით 60% გამოიყოფა მეტაბოლიტების სახით, 10% შეუცვლელი პრეპარატის სახით გამოიყოფა შარდთან ერთად.

გამოყენების ჩვენება:
-სიმპტომური მკურნალობა 6 თვიდან ბავშვებში სხეულის ტემპერატურის მომატების თანხლებით მიმდინარე მდგომარეობებისას;
≥-ანალგეტიკის სახით მსუბუქი ან ზომიერი ინტენსივობის ტკივილის სინდრომის დროს.

უკუჩვენებები:
მომატებული მგრძნობელობა იბუპროფენისა და სხვა არასტეროიდული ანთების საწინააღმდეგო საშუალებების, აგრეთვე პრეპარატის სხვა კომპონენტების მიმართ.

განსაკუთრებული მითითებები:
ხანგრძლივი მკურნალობისას შესაძლებელია კუჭისა და თორმეტგოჯა ნაწლავის წყლულისა და ჰემორაგიების განვითარება კუჭ-ნაწლავის ტრაქტის მხრიდან ჩივილების არსებობის გარეშე. ამიტომ, ხანგრძლივი გამოყენების შემთხვევაში ყურადღება უნდა მიექცეს ინტოქსიკაციის ნიშნებს კუჭ-ნაწლავის ტრაქტის მხრივ. განსაკუთრებით ანამნეზში კუჭ-ნაწლავის ტრაქტის დაავადებების მქონე ავადმყოფებში. მხედველობითი ფუნქციის დარღვევის შემთხვევაში პრეპარატის მიღება უნდა შეწყდეს. იბუპრენის სიროფის მიღებისას მხედველობითი ფუნქციის დარღვევის შემთხვევაში პრეპარატის მიღება უნდა შეწყდეს.
იბუპრენმა შეიძლება გამოიწვიოს ორგანიზმში წყლის შეკავება და შეშუპება, ამიტომ პრეპარატი სიფრთხილით ინიშნება ანამნეზში ჰიპერტონიის და გული უკმარისობის მქონე პაციენტებში.
7კგ-მდე წონის მქონე პაციენტებში პრეპარატის გამოყენება არ არის რეკომენდებული.
სხვა არასტეროიდული ანთების საწინაღმდეგო საშუალებების მსგავსად იბუპროფენმა, შესაძლებელია მოახდინოს თრომბოციტების აგრეგაციის ინჰიბირება, ამიტომ პრეპარატი სიფრთხილით გამოიყენება კოაგულაციის დარღვევების მქონე პირებში და ანტიკოაგულანტების ერთდროული მიღებისას.
ღვიძლის ფუნქციონალური ტესტების ცვლილების შემთხვევაში (ასტ-ს და ალტ-ს მაჩვენებლების ნორმაზე 3-ჯერ მეტი გაზრდისას) პრეპარატის მიღება უნდა შეწყდეს.
დიურეზული საშუალებების ერთდროული დანიშვნისას და თირკმლის ფუნქციების დარღვევების მქონე პირები იბუპრენის მიღებისას ექიმის მეთვალყურეობის ქვეშ უნდა იმყოფებოდნენ. კრეატინინის დონის მომატების შემთხვევაში მკურნალობა უნდა შეწყდეს. იბუპრენის სიროფის შემადგენლობაში ასპარტამის შემცველობის გამო, პრეპარატი არ გამოიყენება ფენილკეტონურიის მქონე პაციენტებში.

ურთიერთქმედება სხვა სამკურნალო საშუალებებთან:
მიუხედავად იმისა, რომ დამტკიცებულია იბუპროფენის გავლენა პროთრომბინის დროზე. პაციენტები უნდა იმყოფებოდნენ მეთვალყურეობის ქვეშ, ანტიკოაგულანტების (მაგ.: ვარფარინი) ან თრომბოლიზური პრეპარატების ერთობლივი დანიშვნისას, რომლებმაც შეიძლება ხელი შეუწყოს კუჭ-ნაწლავური სისხლდენის განვითარებას და თრომბოციტების აგრეგაციის დაქვეითებას. ზოგიერთ პაციენტში, ფუროსემიდის ან თიაზიდური ჯგუფის დიურეტიკებს, იბუპრენის გამოყენებამ შეიძლება შეამციროს ამ პრეპარატების ნატრიურეზული ეფექტი. არასტეროიდულმა ანთების საწინააღმდეგო საშუალებებმა შესაძლებელია გამოიწვიონ ანგიოტენზინგარდამქმნელი ფერმენტის (აგფ) ინჰიბიტორების ანტიჰიპერტენზიული მოქმედების შემცირება.
თირკმლით ლითიუმის გამოყოფის შემცირების გამო, იბუპროფენი ხელს უწყობს სისხლის პლაზმაში ლითიუმის კონცენტრაციის გაზრდას. აგრეთვე ტოქსიური მოქმედების გაძლიერებას. იბუპროფენისა და დიგოქსინის ერთდროული გამოყენებისას შესაძლებელია დიგოქსინის პლაზმური კონცენტრაციის მომატება. აღნიშნული მდგომარეობა გასათვალისწინებელია არასტეროიდული ანთების საწინაღმდეგო საშუალებების დანიშვნისას დიგოქსინით მკურნალობის პერიოდში.
არასტეროიდულმა ანთების საწინაღმდეგო საშუალებებმა შესაძლებელია გამოიწვიოს ცნს-ზე ქინოლონის ჯგუფის ანტიბიოტიკების ტოქსიური მოქმედების გაძლიერება.
მეტოტრექსატთან ერთდროული მიღებისას გასათვალისწინებელია მეტოტრექსატის ტოქსიურობის შესაძლო მომატება.
ციკლოსპორინისა და არასტეროიდული ანთების საწინაღმდეგო საშუალებების ერთდროული გამოყენებისას იზრდება ნეფროტოქსიკურობის რისკი.
სტეროიდული პრეპარატებისა და არასტეროიდული ანთების საწინაღმდეგო საშუალებების ერთდროული გამოყენებისას გასათვალისწინებელია კუჭ-ნაწლავის ტრაქტიდან სისხლდენების განვითარების რიკის მომატება.

გამოყენება ორსულობისა და ლაქტაციის პერიოდში:
არ გამოიყენება ორსულობისა და ლაქტაციის პერიოდში.

გამოყენების წესი და დოზები:
ცხელების მკურნალობა:
ცხელების საწინააღმდეგო ეფექტი გრძელდება 6-8 საათის განმავლობაში. დოზის გაზრდა არ ახანგრძლივებს ეფექტს.
დოზის რაოდენობა რეგულირდება შემდეგი ცხრილის მიხედვით:

ასაკი 5 მგ/კგ სხეულის ტემპერატურა ≤39 ºC 10 მგ/კგ სხეულის ტემპერატურა ≥39 ºC
მგ ზომა მგ ზომა
6-11 თვე 25 1/4 50 1/2
12-23 თვე 50 1/2 100 1
2-3 წელი 75 3/4 150 1 1/2
4-5 წელი 100 1 200 2
6-8 წელი 125 1 1/4 250 2 1/2
9-10 წელი 150 1 1/2 300 3
11-12 წელი 200 2 400 4

იბუპრენის სადღეღამისო დოზა არ უნდა აღემატებოდეს 40მგ-ს ბავშვის სხეულის მასის კგ-ზე.
ტკივილის სინდრომის მკურნალობა:
მსუბუქი ან ზომიერი სიმძიმის ტკივილის სინდრომის სამკურნალოდ 6-12 წლის ბავშვებში ინიშნება დოზით 10 მგ სხეულის მასის კგ-ზე ყოველ 6-8 საათში. იბუპრენის სადღეღამისო დოზა არ უნდა აღემატებოდეს ბავშვის სხეულის მასის 40 მგ-ს სხეულის მასის კგ-ზე.
იუვენილური ართრიტის მკურნალობა:
რეკომენდებული სადღეღამისო დოზა შეადგენს 30-40მგ-ს სხეულის მასის კგ-ზე, გაყოფილს 3-4 მიღებაზე. დაავადების მწვავე პერიოდის გარდა, საკმარისი დოზაა 20მგ/კგ. არ მიიღოთ 4 დოზაზე მეტი დღე-ღამის განმავლობაში.
გამოყენების წინ ფლაკონი შკარგად შეანჯღრიეთ.

გვერდითი მოქმედება:
იბუპროფენის გამოყენებისას შეიძლება აღინიშნოს: ტკივილი ეპიგასტრიუმში, წვის შეგრძნება მკერდის ძვლის უკან, გულისრევა და ღებინება, დიარეა ან შეკრულობა, კუჭისა და თორმეტგოჯა ნაწლავის წყლული, კუჭ-ნაწლავური სისხლდენა, გამონაყარი კანზე, ქავილი, მხედველობის დარღვევა, მადის დაქვეითება, შეშუპება, მომატებული მგრძნობელობის რეაქციები (ანაფილაქსიური შოკი), თირკმლის და ღვიძლის ფუნქციების დარღვევები, ნეიტროპენია, აგრანულოციტოზი და აპლასტიური ანემია.
მოულოდნელი ეფექტების წარმოქმნის შემთხვევაში მიმართეთ ექიმს.

დოზის გადაჭარბება:
დოზის გადაჭარბების შემთხვევაში საჭიროა ხელოვნური ღებინების გამოწვევა ან კუჭის გამორეცხვა. ტუტე სასმელის მიღება და ფორსირებული დიურეზი შეიძლება იყოს ეფექტური. აქტივირებული ნახშირის მიღებამ შესაძლებელია იბუპროფენის შეწოვის შემცირება გამოიწვიოს.

გამოშვების ფორმა:
იბუპრენი პედიატრიული სიროფი მუქი შუშის ფლაკონებშიი (100მლ) 1 ფლაკონი და 1 საზომი კოვზი კომპლექტში გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები:
პრეპარატი შეინახეთ 30ºC -ზე დაბალ ტემპერატურაზე, მშრალ, ბნელ და ბავშვებისათვის მიუწვდომელ ადგილზე.
ვარგისობის ვადა:
2 წელი
პრეპარატი არ გამოიყენოთ ვარგისობის ვადის გასვლის შემდეგ.
გამოშვების ფორმა: 100მგ/5მლ 100 მლ სიროფი
გაცემის რეჟიმი: III ჯგუფი (ურეცეპტოდ)
მწარმოებელი: Eczacibasi-Zentiva, თურქეთი

გაფრთხილება

Share this...Share on Facebook
Facebook