მკურნალობა უცხოეთში


აცეტილსალიცილის მჟავა

აცეტილსალიცილის მჟავას ზოგადი ინფორმაცია

აცეტილსალიცილის მჟავა. Acetylsalicylic acid. არასტეროიდული ანთების საწინააღმდეგო პრეპარატების ჯგუფის სამკურნალო საშუალება. აქტიური ნივთიერება – აცეტილსალიცილის მჟავა. Acetylsalicylic acid. მწარმოებელი ფირმა – შპს “ბათფარმა” (საქართველო).

აცეტილსალიცილის მჟავას შემადგენლობა და გამოშვების ფორმა

აცეტილსალიცილის მჟავა. Acetylsalicylic acid გამოდის 500 მგ ტაბლეტის ფორმით. 1 ტაბლეტი შეიცავს აცეტილსალიცილის მჟავას – 0.5 გ-ს. დამხმარე ნივთიერებები: მიკროკრისტალური ცელულოზა, ნატრიუმის სახამებლის გლიკოლატი, მაგნიუმის სტეარატი, სიმინდის სახამებელი.

აცეტილსალიცილის მჟავას ფასები ქართულ ფარმაცევტულ ბაზარზე

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც  აცეტილსალიცილის მჟავა, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია აცეტილსალიცილის მჟავას ფასების შესახებ შეუძლიათ მოგვაწოდონ mpifarm@gmail.com

აცეტილსალიცილის მჟავას ფასები ფარმადეპოში
აცეტილსალიცილის მჟავას ფასები ავერსში
აცეტილსალიცილის მჟავას ფასები psp-ში
აცეტილსალიცილის მჟავას ფასები სხვა აფთიაქებში

აცეტილსალიცილის მჟავას აქტიური ნივთიერება

აცეტილსალიცილის მჟავა. Acetylsalicylic acid. ქიმიური დასახელება –  2-(აცეტილოქსი) ბენზოის მჟავა. ბრუტო–ფორმულა: C9H8O4. აცეტილსალიცილის მჟავას მიაკუთვნებენ  სალიცილის მჟავის წარმოებულების ჯგუფს.

აცეტილსალიცილის მჟავას სინონიმები 

თრომბასპინი (THROMBASPIN, GMP, საქართველო),  თრომბობათი (Thrombobat, Batfarma, საქართველო), კარდიო ფორსი (CARDIO FORS, AVERSI, საქართველო),  ჰერც ასს – 1 A ფარმა (Herz ASS -1A Pharma, HB Georgia, გერმანია).

აცეტილსალიცილის მჟავას მოქმედ ნივთიერებას შეიცავენ

კარდიომაგნილი (CARDIOMAGNYL, Nycomed, დანია; acetylsalicylic acid, vit.C, caffeine), ეფექტი C (EPHACT C, AVERSI, საქართველო; acetilsalicilic acid, paracetamole, cofeine), დენკალგინფეინრილიფ (DENKALGIN PAIN RELIEF, Denk Pharma, გერმანია; acetilsalicilic acid, paracetamole, cofeine), ციტრამონი-პ (Сitramon-P, Batfarma, საქართველო).

აცეტილსალიცილის მჟავას გამოყენების ძირითადი მიმართულებებია

  • ციებ-ცხელება
  • ტკივილი თავის
  • ნევრალგია
  • რევმატიზმი მწვავე
  • ტკივილის სინდრომი, სხვადასხვა სახის
  • თრომბოზები
  • ოპერაციის შემდგომი პერიოდი (თრომბების წარმოქმნა)
  • თრომბოფლებიტები
  • თრომბოზები თვალის ბადურას სისხლძარღვების
  • სისხლის მიმოქცევის დარღვევა თავის ტვინში
  • გულის იშემიური დაავადებები
  • შეტევები სტენოკარდიული

პრეპარატის საფირმო აღწერიდან

ფარმაკოლოგიური თვისებები
პრეპარატს გააჩნია ანთების საწინააღმდეგო, სიცხის დამწევი, ტკივილგამაყუჩებელი და ანტიაგრეგანტული მოქმედება. მოქმედების მექანიზმი განპირობებულია პროსტაგლანდინების სინთეზისა და ატფ-ს პროდუქციის დათრგუნვით, რაც ანთებითი პროცესების შეფერხებას იწვევს. პრეპარატი აფერხებს თრომბოციტების აგრეგაციასა და ადჰეზიას.
ფარმაკოკინეტიკა
აცეტილსალიცილის მჟავა კარგად შეიწოვება კუჭ-ნაწლავის ტრაქტიდან. ანალგეზიური და სიცხის დამწევი მოქმედება მიღებიდან 20_30 წუთის შემდეგ იწყება და 4 სთ-ს გრძელდება. პრეპარატი ძირითადად ღვიძლში ელიმინირდება, ინაქტივაციის პროდუქტები გამოიყოფა თირკმლებით.
ჩვენებები
პრეპარატი გამოიყენება ციებ-ცხელების, თავის ტკივილის, ნევრალგიის, მწვავე რევმატიზმის, სხვადასხვა სახის ტკივილის სინდრომის დროს, თრომბოზების პროფილაქტიკისათვის.
პრეპარატი გამოიყენება ოპერაციის შემდგომი თრომბების წარმოქმნის თავიდან ასაცილებლად, თრომბოფლებიტების, თვალის ბადურას სისხლძარღვების თრომბოზების, თავის ტვინში სისხლის მიმოქცევის დარღვევის დროს, ასევე გულის იშემიური დაავადებებისას სტენოკარდიული შეტევების შესამცირებლად და თავიდან ასაცილებლად.

მიღების წესები და დოზები
პრეპარატი მიიღება პერორალურად, მხოლოდ ჭამის შემდეგ. ტაბლეტები მიიღება დიდი რაოდენობის სითხესთან (უმჯობესია რძესთან) ერთად. კუჭზე გამაღიზიანებელი მოქმედების შესამცირებლად რეკომენდებულია ტუტე მინერალური წყლის ან ნატრიუმის ჰიდროკარბონატის ხსნარის მიღება. მოზრდილებში როგორც ტკივილგამაყუჩებელი და სიცხის დამწევი საშუალება (მაგ., ციებ-ცხელების, თავის ტკივილის, შაკიკის, ნევრალგიის დროს) ინიშნება 0.25_1 გ 3_4-ჯერ დღეში.
რევმატიზმის, ინფექციურ-ალერგიული მიოკარდიტის, რევმატოიდული პოლიართრიტის დროს მოზრდილებში ინიშნება ხანგრძლივად – 2-3 გ (იშვიათად 4 გ) დღეში.
მოზრდილებში ანტიაგრეგანტული საშუალების სახით ინიშნება 0.5 გ აცეტილსალიცილის მჟავა 3-ჯერ დღეში რამდენიმე თვის განმავლობაში.
გვერდითი მოვლენები
აცეტილსალიცილის მჟავა ზოგჯერ იწვევს ნერვული სისტემის ფუნქციის დარღვევას, ხშირად აღინიშნება გართულებები კუჭ-ნაწლავის ტრაქტის მხრივ. ექიმის კონტროლის გარეშე პრეპარატის ხანგრძლივმა გამოყენებამ შეიძლება გამოწვიოს არა მარტო დისპეფსიური მოვლენები, არამედ სისხლდენა კუჭ-ნაწლავის ტრაქტიდან.
პრეპარატმა შეიძლება გამოიწვიოს ალერგიული რეაქციები: ბრონქოსპაზმი, ანგიონევროზული შეშუპება, კანის რეაქციები, “ასპირინული” ასთმა, რეიეს სინდრომი.
უკუჩვენება
კუჭისა და თორმეტგოჯა ნაწლავის წყლულოვანი დაავადება (მათ შორის, ანამნეზში), პორტალური ჰიპერტენზია, სისხლის შედედების დარღვევა, 15 წლამდე ასაკის ბავშვები.
სიფრთხილით ინიშნება ბრონქული ასთმის დროს, ასევე პენიცილინის ჯგუფის პრეპარატების მიმართ მომატებული მგრძნობელობის მქონე პირებში.
ორსულობა და ლაქტაცია
პრეპარატის მიღება ორსულობის პირველ ტრიმესტრში რეკომენდებული არ არის.
განსაკუთრებული მითითებები
პრეპარატის ხანგრძლივი გამოყენებისას შესაძლებელია ანემიის განვითარება, ამიტომ აუცილებელია სისტემატურად სისხლის ანალიზის ჩატარება და განავალში სისხლის არსებობის შემოწმებ
ჭარბი დოზირება
მონაცემები პრეპარატის ჭარბი დოზირების შესახებ არ მოიპოვება.
სხვა წამლებთან ურთიერთქმედება
აცეტილსალიცილის მჟავას ულცეროგენული მოქმედების რისკი იზრდება ინდომეტაცინთან, ბუტადიონთან, რეზერპინთან, კორტიკოსტეროიდებთან და ეთანოლთან ერთდროული გამოყენებისას.
აცეტილსალიცილის მჟავა აძლიერებს ანტიკოაგულანტების მოქმედებას, ამიტომ ერთდროული დანიშვნისას აუცილებელია მათი დოზების შემცირება.
შენახვის პირობები და ვადები
ინახება მშრალ, სინათლისაგან დაცულ ადგილას, არა უმეტეს 30°C ტემპერატურაზე.
ინახება ბავშვებისათვის მიუწვდომელ ადგილას.
ვარგისობის ვადა
3 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქში გაცემის წესი
ფარმაცევტული პროდუქტის III ჯგუფი (გაცემის რეჟიმი: ურეცეპტოდ).

mpifarm@gmail.com

Comments are closed.

nostalgia

vaka