ენტენორმი

ენტენორმი

ენტენორმის ზოგადი ინფორმაცია

ენტენორმი. ENTENORM. ნაწლავის მიკროფლორის წონასწორობის მარეგულირებელი პრეპარატების ჯგუფის სამკურნალო საშუალება. აქტიური ნივთიერება – lactobacillus lyophilized. ათქ.კლასიფიკაციის კოდი – A07FA51. მწარმოებელი ფირმა – ავერსი-რაციონალი (საქართველო).

ენტენორმის შემადგენლობა და გამოშვების ფორმა

ენტენორმი. ENTENORM გამოდის კაფსულის ფორმით. 1 კაფსულა შეიცავს 2 მილიარდ ცოცხალ უჯრედს: Lactobacillus acidophilus – 9.0 მგ, Lactobacillus bifidus – 5.0 მგ, იოგურტის კულტურა (Streptococcus thermophilus და Lactobacillus delbrueckii subsp.bulgaricus) – 20.0 მგ; დამხმარე ნივთიერებებია: რძის მშრალი შრატი, ლაქტოზა, მაგნიუმის სტეარატი, ასკორბინის მჟავა.აღწერა:გამჭვირვალე კრემისფერი მყარი ჟელატინის კაფსულები, შევსებული თეთრი ან მოყვითალო თეთრი ფერის ფხვნილით (დასაშვებია უფრო მუქი ფერის გრანულების არსებობა).

ენტენორმის ფასები ქართულ ფარმაცევტულ ბაზარზე

ენტენორმის ფასები ფარმადეპოში
ენტენორმის ფასები ავერსში
ენტენორმის ფასები psp-ში
ენტენორმის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ენტენორმი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ენტენორმის ფასების შესახებ შეუძლიათ მოგვაწოდონ  mpifarm@gmail.com
სინონიმები

ეკოვაგი (EcoVag Balance TM, G P C, გერმანია).

ენტენორმის გამოყენების ძირითადი მიმართულებებია

  • დისბაქტერიოზი, სხვადასხვა წარმოშობის
  • გასტროენტეროკოლიტი მწვავე
  • გასტროენტეროკოლიტი ქრონიკული
  • კოლიტი
  • დიარეა
  • მეტეორიზმი
  • ანტიბიოტიკოთერაპიასთან ერთად ან მის შემდეგ
  • ქიმიოთერაპიასთან ერთად ან მის შემდეგ
  • სხივურ თერაპიასთან ერთად ან მის შემდეგ
  • ალერგიული დაავადებები

ენტენორმის საფირმო აღწერიდან

ფარმაკოლოგიური თვისებები
კუჭ-ნაწლავის ტრაქტის მოქმედების ნორმალიზაცია. პრეპარატში შემავალი რძემჟავა ბაქტერიები შედიან ნორმული ნაწლავების მიკროფლორის შემადგენლობაში. ისინი მნიშვნელოვან როლს ასრულებენ იმუნიტეტის სტიმულაციაში, ვიტამინების წარმოქმნაში, დეტოქსიკაციური და საჭმლის მომნელებელი ფუნქციების უზრუნველყოფაში.
ენტენორმის ანტიმიკრობული აქტივობა გამოხატულია სტაფილოკოკების, პროტეუსის, ენტეროპათოგენური ნაწლავის ჩხირის მიმართ და დაკავშირებულია მიკრობთა უნართან წარმოქმნან რძემჟავა, ლაქტოცინი, წყალბადის ზეჟანგი, ლიზოციმი და სხვა.
რძემჟავა ბაქტერიები აქვეითებენ ნაწლავების PH-ს და ამით ხელს უშლიან პათოგენური და პირობით პათოგენური მიკროფლორის ზრდასა და განვითარებას.
ჩვენებები
ენტენორმი ინიშნება სხვადასხვა წარმოშობის დისბაქტერიოზის (ძირითადად გამოწვეული ანტიბიოტიკების და ქიმიოპრეპარატების მიღებით) პროფილაქტიკისა და მკურნალობისათვის მოზრდილებსა და ბავშვებში; მწვავე და ქრონიკული გასტროენტეროკოლიტის და კოლიტის, დიარეის, მეტეორიზმის დროს; ანტიბიოტიკო-, ქიმიო – და სხივურ თერაპიასთან ერთად ან მათ შემდეგ; ალერგიული დაავადებების კომპლექსურ თერაპიაში.
მიღების წესები და დოზები
პროფილაქტიკის მიზნით მოზრდილებში და 12 წლის ასაკის ზევით მოზარდებში ინიშნება თითო კაფსულა დღეში ერთხელ ჭამის დროს.
სამკურნალოდ: 1 წლამდე ასაკის ბავშვებში – 1/2 კაფსულა დღეში ერთხელ ჭამის დროს (კაფსულის შიგთავსი ერევა მცირე რაოდენობით სითხეს ან საკვებს);
1-3 წლამდე ასაკის ბავშვებში – 1-2 კაფსულა დღეში ერთხელ ჭამის დროს;
3-12 წლამდე ასაკის ბავშვებში – 1 კაფსულა 3-ჯერ დღეში ჭამის დროს. მკურნალობის ხანგრძლივობაა 20-30 დღე;
მოზრდილებში და 12 წლის ასაკის ზევით მოზარდებში – 1-2 კაფსულა 3-ჯერ დღეში ჭამის დროს, მკურნალობის ხანგრძლივობაა 25-30 დღე.
საჭიროების შემთხვევაში შესაძლებელია კურსის გამეორება.
გვერდითი მოვლენები
ინდივიდუალური მგრძნობელობა ჟელატინის კაფსულებისა და პრეპარატის შემადგენელი კომპონენტების მიმართ.
უკუჩვენება
არ არის გამოვლენილი.
ორსულობა და ლაქტაცია
შეიძლება პრეპარატის გამოყენება ორსულობისა და ლაქტაციის პერიოდში.
განსაკუთრებული მითითებები
სატრანსპორტო საშუალებების მართვის უნარზე ზემოქმედება:
ენტენორმის გამოყენება არ მოითხოვს უსაფრთხოების განსაკუთრებული ზომების დაცვას.
ჭარბი დოზირება
არ არის გამოვლენილი.
სხვა წამლებთან ურთიერთქმედება
გამოიყენება კომპლექსურ თერაპიაში სულფანილამიდებთან, ანტიბიოტიკებთან, მეტრონიდაზოლთან და სხვა ანტიბაქტერიულ პრეპარატებთან ერთად.
შენახვის პირობები და ვადები
ინახება მაცივარში (2-10)ºC ტემპერატურაზე.
ვარგისიანობის ვადა : 3 წელი.
აფთიაქში გაცემის წესი
ურეცეპტოდ.

Share on Facebook
Facebook
გააზიარე Facebook -ზე ..