სეკროლი 30 მგ

  სეკროლი 30 მგ

სეკროლი 30 მგ–ის ზოგადი ინფორმაცია

სეკროლი 30 მგ. SECROL 30 mg. მუკოლიზური და ამოსახველებელი საშუალება. აქტიური ნივთიერება – ამბროქსოლის ჰიდროქლორიდი. Ambroxol hydrochloride. მწარმოებელი ფირმა – ბილიმ ფარმასიუტიკალსი (თურქეთი).

სეკროლი 30 მგ–ის შემადგენლობა და გამოშვების ფორმა

სეკროლი 30 მგ. SECROL 30 mg გამოდის 30 მგ ტაბლეტის ფორმით. 1 ტაბლეტი შეიცავს ამბროქსოლის HCl 30 მგ.

სეკროლი 30 მგ–ის ფასები ქართულ ფარმაცევტულ ბაზარზე

სეკროლი 30 მგ–ის ფასები ფარმადეპოში
სეკროლი 30 მგ–ის ფასები ავერსში
სეკროლი 30 მგ–ის ფასები psp-ში
სეკროლი 30 მგ–ის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც სეკროლი 30 მგ, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია სეკროლი 30 მგ–ის ფასების შესახებ შეუძლიათ მოგვაწოდონ  mpifarm@gmail.com

სეკროლი 30 მგ–ის აქტიური ნივთიერება

ამბროქსოლის ჰიდროქლორიდი. Ambroxol hydrochloride. ქიმიური დასახელება – ტრანს-4-[[(2-ამინო-3,5-დიბრომფენილ)მეთილ]ამინო]ციკლოჰექსანოლი (ჰიდროქლორიდის სახით). ამბროქსოლის ჰიდროქლორიდს მიაკუთვნებენ სეკრეტოლიტიკების და სასუნთქი გზების მოტორული ფუნქციის სტუმულატორების ჯგუფს.

სეკროლი 30 მგ–ის სინონიმები  

ამბროქსოლი (Ambrox-Denk 60, Denk Pharma, გერმანია), პულმოქსოლი (Pulmoxol, Asfarma, თურქეთი),  სეკროლისაბავშვოსიროფი (SEKROL Pediatric Syrup, Bilim, თურქეთი), ფლავამედი (Flavamed, Berlin-Chemie Menarini, გერმანია), ფლავამედი შუშხუნა ტაბლეტები (Flavamed effervescent tablets, Berlin-Chemie Menarini, გერმანია), ფლავამედი ხსნარი (Flavamed, Berlin-Chemie Menarini, გერმანია), ჰალიქსოლი სიროფი (HALIXOL, EGIS, უნგრეთი), ჰალიქსოლი ტაბლეტები (HALIXOL, EGIS, უნგრეთი).

სეკროლი 30 მგ–ის გამოყენების ძირითადი მიმართულებებია

  • ბრონქიტი მწვავე
  • ბრონქიტი  ქრონიკული
  • შუა ყურის ანთება
  • სინუსიტი
  • რინიტი მშრალი
  • ბრონქიტი ასთმური
  • ასთმა ბრონქული
  • ბრონქოექტაზია
  • პოსტოპერაციული ბრონქოპულმონური გართულებები

სეკროლი 30 მგ–ის საფირმო აღწერიდან

ფარმაკოლოგიური თვისებები
ფარმაკოდინამიკური თვისებები
ამბროქსოლი არის მუკოლიზური საშუალების, ბრომჰექსინის აქტიური N – დესმეთილის მეტაბოლიტი. რესპირატორულ ტრაქტში იგი ამცირებს სეკრეციის წებოვნებას და ამ გზით ხელს უწყობს სასუნთქი გზებიდან სეკრეტის გამოდევნას და სუნთქვის გაადვილებას.
ამბროქსოლი აადვილებს წამწამოვანი ეპითელიუმის ტრანსპორტირებას წამწამების სტიმულაციის გზით და სეკრეციას სეროზული ჯირკვლების აქტივაციის საშუალებით.
მეორე მხრივ, იგი ასტიმულირებს II ტიპის პნევმოციტებისა და სურფაქტანტის სეკრეციას. ამბროქსოლით მკურნალობაზე მყოფი პაციენტებიდან ბრონქოალვეოლური ლავაჟით (გამორეცხვით) მიღებულ ნიმუშებში აღმოჩნდა სეკრეტორული იმუნოგლობულინის (IgA) მომატება. ამ მექანიზმების საშუალებითYხდება სეკრეციის წარმოქმნის ნორმალიზება, ხოლო სეკრეციის აპკი, რომელიც ფარავს სასუნთქ ტრაქტს, ამბროქსოლით მკურნალობისას აღიდგენს საკუთარ ბუნებრივ დამცავ ფუნქციას. გარდა ამისა, ამბროქსოლის თავისუფალი რადიკალური გამწმენდი თვისება (ანტიოქსიდანტური თვისება) ამცირებს ჟანგვას, რაც იზრდება ინფექციის მიმდინარეობისას და საზიანოა ფილტვის ქსოვილისათვის.
ამბროქსოლი ასევე ზრდის ბრონქოალვეოლური ინფექციების მკურნალობისას გამოყენებული ანტიბიოტიკების ბრონქოალვეოლურ შეღწევადობას, როგორიცაა ამპიცილინი, ამოქსიცილინი და ერითრომიცინი.
ბრონქოპულმონური ინფექციის მკურნალობის დროს გამოყენებული ანტიბიოტიკები, როგორიცაა ამპიცილინი, ამოქსიცილინი და ერითრომიცინი აიოლებს ამბროქსოლის პენეტრაციას ღვიძლის ქსოვილში.
ფარმაკოკინეტიკა
პერორალური მიღების შემდეგ, ამბროქსოლი მთლიანად შეიწოვება, მისი ბიოშეღწევადობა არის 70-80%. პირველადი მეტაბოლიზმის გზით, მიღებული დოზის ერთი მესამედი მეტაბოლიზდება ღვიძლში. ამბროქსოლის 30 მგ ერთჯერადი დოზის გამოყენებისას უზმოზე, მისი საშუალო პლაზმური მაქსიმალური კონცენტრაცია არის 88.8 ნგ/მლ. ნახევარდაშლის პერიოდი არის დაახლოებით 10 საათი. შემანარჩუნებელ თერაპიამდე და მის შემდეგ პლაზმური დონის შეფასებისას, აკუმულირება არ აღინიშნებოდა. ამბროქსოლი უკავშირდება პლაზმურ ცილებს 90%-ით და მეტაბოლიზდება არააქტიურ მეტაბოლიტებად, რომლებიც გამოიყოფა წყალში ხსნადი კონიუგატების სახით, როგორიცაა გლუკურონიდი. პერორალური მიღების შემდეგ, აქტიური ინგრედიენტის 80% გამოიყოფა თირკმლების მეშვეობით, ხოლო 5-6% გამოიყოფა შეუცვლელი სახით.
ჩვენებები
ამბროქსოლი ამცირებს სასუნთქ გზებში დაგროვილი სეკრეტის ინტენსივობასა და სიბლანტეს. ამბროქსოლის ტაბლეტები გამოიყენება სასუნთქი გზების მწვავე და/ან ქრონიკული დაავადებების სიმპტომური მკურნალობისათვის
– მწვავე ბრონქიტი;
– ქრონიკული ბრონქიტი, მწვავე ანთება და პროფილაქტიკა
– შუა ყურის ანთება
– სინუსიტი
– მშრალი რინიტი
– ასთმური ბრონქიტი
– ბრონქული ასთმა
– ბრონქოექტაზია
– პოსტ-ოპერაციული ბრონქოპულმონური გართულებების მკურნალობა და პროფილაქტიკა.
მიღების წესები და დოზები
თუ არ არსებობს ექიმის სხვა დანიშნულება, რეკომენდებულია შემდეგი დოზები:
მოზრდილები: 1 ტაბლეტი დღეში სამჯერ მკურნალობის პირველი 2-3 დღის განმავლობაში. 1 ტაბლეტი დღეში ორჯერ შემანარჩუნებელი თერაპიის დროს.
ბავშვები: 5 წლამდე ასაკის ბავშვებისათვის რეკომენდებულია სეკროლის საბავშვო სიროფი. 5-12 წელი: ½ ან 1 ტაბლეტი დღეში ორჯერ,
12 წელს ზემოთ ბავშვებში შეიძლება მოზრდილების დოზების გამოყენება.
ხანდაზმულებისათვის, დოზის კორექცია საჭირო არ არის.
გვერდითი მოვლენები
სეკროლის ტაბლეტები, ჩვეულებრივ, კარგი ამტანობით ხასიათდება.
ცენტრალური ნერვული სისტემა: თავბრუსხვევა.
კუჭ-ნაწლავის სისტემა: პირის სიმშრალე, გულისრევა, ღებინება, ფაღარათი, შეკრულობა;
კანი:L ქავილი, გამონაყარი;
სხვა: შესაძლებელია საერთო სისუსტე;
ყველა ეს გვერდითი მოვლენა ქრება პრეპარატის მიღების შეწყვეტისთანავე.
არასასურველი მოვლენის განვითარების შემთხვევაში, მიმართეთ ექიმს კონსულტაციისათვის.
უკუჩვენება
არ გამოიყენება პაციენტებში ჰიპერმგრძნობელობით ამბროქსოლის და/ან ბრომჰექსინის მიმართ.
ორსულობა და ლაქტაცია
ორსულობა
B კატეგორიის პრეპარატი: მიუხედავად იმისა, რომ ცხოველებზე ჩატარებული კვლევები ტერატოგენობის რაიმე ნიშანს ვერ ავლენს, ეს არ არის დადასტურებული ორსულ ქალებში ჩატარებული კვლევებით; შესაბამისად, ამბროქსოლის გამოყენება ორსულობის პირველი ტრიმესტრის განმავლობაში რეკომენდებული არ არის.
ლაქტაცია
არ არის ცნობილი, გამოიყოფა თუ არა ამბროქსოლი დედის რძეში. ამიტომ, მეძუძურ დედებში ამბროქსოლის გამოყენებისას სიფრთხილეა საჭირო.
განსაკუთრებული მითითებები
სეკროლი არ გამოიყენება კოდეინთან ან სხვა ამოსახველებელ საშუალებებთან ერთად, ვინაიდან ლორწოს და სეკრეტის ექსკრეცია შეიძლება გართულდეს. ამბროქსოლი სიფრთხილით გამოიყენება პაციენტებში ღვიძლის და თირკმლის უკმარისობით
ჭარბი დოზირება
დღემდე ჭარბი დოზირების შესახებ მონაცემები არ არსებობს. ჭარბი დოზირების შემთხვევაში, მკურნალობა უნდა იყოს სიმპტომური (საჭიროა ღებინების გამოწვევა და კუჭის ამორეცხვა).
სხვა წამლებთან ურთიერთქმედება
სეკროლის ტაბლეტების გამოყენება შეიძლება სხვა წამლებთან ერთად, განსაკუთრებით ისეთ წამლებთან, რომლებიც გამოიყენება ქრონიკული ბრონქიტის მკურნალობის დროს, როგორიცაა კარდიოტონული გლიკოზიდები, კორტიკოსტეროიდები, ბრონქოდილატატორები, შარდმდენები და ანტიბიოტიკები. წამლებმა, როგორიცაა ატროპინი და ანტიმუსკარინული ეფექტის მქონე ამანტადინი, ტრიციკლური ანტიდეპრესანტი ჰალოპერიდოლი, ანტიჰისტამინური საშუალებები და პროკაინამიდი, შეიძლება გამოიწვიოს ლორწოს დაგროვება წამწამოვანი მობილობისა და მუკოცილიარული კლირენსის შემცირებით. კოდეინი და ხველის საწინააღმდეგო საშუალებები აინჰიბირებენ ხველის რეფლექსს.
შენახვის პირობები და ვადები
ინახება არაუმეტეს 30oC ტემპერატურის პირობებში.
შეინახეთ ბავშვებისათვის მიუწვდომელ ადგილას ორიგინალურ შეფუთვაში.
ვარგისობის ვადა 2 წელი
აფთიაქში გაცემის წესი
გაიცემა რეცეპტის გარეშე.