ასისტი კაფსულები
ასისტი კაფსულების ზოგადი ინფორმაცია
ასისტი კაფსულები. ASIST CAPSULES. მუკოლიზური და ამოსახველებელი სამკურნალო საშუალება. აქტიური ნივთიერება – აცეტილცისტეინი. Acetylcysteine. მწარმოებელი ფირმა – ბილიმ ფარმასიუტიკალს (თურქეთი).
ასისტი კაფსულები აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები, უფასო პრეპარატების სიები და სხვა >>>
ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>
უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>
ასისტი კაფსულების შემადგენლობა და გამოშვების ფორმა
ასისტი კაფსულები. ASIST CAPSULES გამოდის 200 მგ ტაბლეტის ფორმით.
ასისტის (კაფსულები) ფასები ქართულ ფარმაცევტულ ბაზარზე
ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ასისტი (კაფსულები), იხილეთ ქვემოთ, შესაბამის რუბრიკაში. აფთიაქებს დინამიური ინფორმაცია ასისტის (კაფსულები) ფასების შესახებ შეუძლიათ მოგვაწოდონ mpifarm@gmail.com
ასისტის (კაფსულები) ფასები ფარმადეპოში
ასისტის (კაფსულები) ფასები ავერსში
ასისტის (კაფსულები) ფასები psp-ში
ასისტის (კაფსულები) ფასები სხვა აფთიაქებში
ასისტი კაფსულების აქტიური ნივთიერება
აცეტილცისტეინი. Acetylcysteine. ქიმიური დასახელება – N-აცეტილ-L-ცისტეინ (და ნატრიუმის მარილის სახით). ბრუტო–ფორმულა: C5H9NO3S. აცეტილცისტეინს მიაკუთვნებენ სეკრეტოლიტიკების და სასუნთქი გზების მოტორული ფუნქციის სტიმულატორების და დეტოქსიკაციის საშუალებების ანტიდოტების ჩათვლით ჯგუფს. CAS-კოდი: 616-91-1.
ასისტი კაფსულების სინონიმები
ასისტი 4 % სიროფი (ASIST 4 % , Bilim, თურქეთი), აცეცე ჯუნიორი (ACC Junior, NOVARTIS CONSUMER HEALTH S.A., გერმანია), აცც 100 (ACC 100, NOVARTIS CONSUMER HEALTH S.A., გერმანია), აცც 200 (ACC 200 , NOVARTIS CONSUMER HEALTH S.A., გერმანია ), აცც ცხელი დასალევი (ACC Hot drink, NOVARTIS CONSUMER HEALTH S.A., გერმანია), აცც ლონგი (ACC Long, NOVARTIS CONSUMER HEALTH S.A., გერმანია), ფლუიმუცილი (FLUIMUCIL, PSP, შვეიცარია), რინოფლუიმუცილი (RINOFLUIMUCIL, PSP, იტალია), აცეტილცისტეინი (Acetylcysteine, Your Pharmacy, საქართველო).
ასისტი კაფსულების გამოყენების ძირითადი მიმართულებებია
- ბლანტი ლორწო
- ბრონქოპულმონური დარღვევები,მწვავე და ქრონიკული
- ღვიძლის უკმარისობა, აცეტამინოფენით გამოწვეული
ფარმაკოლოგიური თვისებები
აცეტილცისტეინი, ბუნებრივი ამინომჟავა L-ცისტეინის N-აცეტილირებული წარმოებულია.
აცეტილცისტეინი მუკოლიზური საშუალებაა.
აცეტილცისტეინს გააჩნია უნარი დაარღვიოს დისულფიდური ბმები ლორწოვანის გლიკოპროტეინებში თავის სულფჰიდრილურ ჯგუფებთან, და გამოიწვიოს მუკოლიზური ეფექტი მუკოიდურ და ლორწოვან ჩირქოვან სეკრეციებზე. ეს აქტივობა უფრო გამოხატულია PH 6-8-ზე. იგი მაღალ კონცენტრაციებს აღწევს ქსოვილებში, განსაკუთრებით ფილტვის ქსოვილში. ის სწრაფად ამცირებს სასუნთქ გზებში დაგროვილი ლორწოს წებოვნებასა და სიმკვრივეს, აწესრიგებს სუნთქვის ფუნქციას ამოხველების გაუმჯობესებით და ბრონქული სეკრეციის გამოყოფით.
აცეტილცისტეინი არ ახდენს ცილების დეპოლიმერიზაციას და არ გააჩნია ზემოქმედება ფიბრინსა თუ ცოცხალ ქსოვილებზე. მას არ გააჩნია აქტივობა დნმ-ზე.
აცეტილცისტეინი ანტიოქსიდანტური საშუალებაა.
ვინაიდან აცეტილცისტეინი, ცისტეინის დონორის სახით, ფილტვებისა და ღვიძლის უჯრედებში გლუტათიონის სინთეზში ღებულობს მონაწილეობას, ზრდის გლუტათიონის სინთეზს. აცეტილცისტეინი და გლუტათიონი მოქმედებენ ჟანგბადის თავისუფალ რადიკალებთან, რომლებიც ფილტვების ინფექციებისა და თამბაქოს ბოლისა თუ ტოქსიკური საშუალებების ინჰალაციის დროს ნეიტროფილებით წარმოიქმნებიან. ამრიგად აცეტილცისტეინს შეუძლია დაიცვას უჯრედი დაზიანებისაგან და ამჟღავნებს ციტოპროტექტორულ აქტივობას.
აცეტილცისტეინი ხელს უშლის და ამცირებს აცეტამინოფენით გამოწვეულ ჰეპატოტოქსიურობას. აცეტამინოფენის მცირე რაოდენობა მეტაბოლიზდება ციტოქრომ P-450 მიკროსომული ფერმენტების სისტემით რეაქტიულ შუალედურ მეტაბოლიტებად, რომლებიც შემდგომში გლუტათიონთან კონიუგირების გზით მეტაბოლიზდებიან და საბოლოოდ გამოიყოფიან შარდში. აცეტამინოფენის ამ მაღალ დოზებს შეუძლიათ გახლიჩონ გლუტათიონი, ისე რომ ტოქსიკური მეტბოლიტის ინაქტივაცია დაქვეითდეს და შუალედური მეტაბოლიტის დონე გაიზარდოს. აცეტილცისტეინს შეუძლია დაიცვას ღვიძლი, გლუტათიონის დონის შენარჩუნებით ან აღდგენით, ან ტოქსიკურ შუალედურ მეტაბოლიტებთან კონიუგირებით. აცეტილცისტეინი კარგად შეიწოვება პერორალური მიღების შემდეგ.
ფარმაკოკინეტიკა
შეწოვა:
აცეტილცისტეინი სტაბილურია კუჭისა და ნაწლავების წვენში და კარგად შეიწოვება პერორალური მიღების შემდეგ. ბიოშეღწევადობა 200 მგ, დღეში სამჯერ გამოყენებისას ისეთივეა, რაც 600 მგ დღეში ერთხელ გამოყენებისას. მისი ბიოშეღწევადობა არ იცვლება საკვების არსებობისას. მაქსიმალური პლაზმური კონცენტრაციები მიიღწევა პრეპარატის მიღებიდან 30-60 წუთში.
განაწილება:
განაწილების მოცულობა (Vd) არის 0.33-0.47 ლ/კგ., ვლინდება უჯრედგარეთა სითხეებში, განაწილების ძირითადი ადგილებია ფილტვები, თირკმელები და ღვიძლი. პერორალური მიღების შემდეგ 48% ვლინდება ფილტვის ქსოვილში. აცეტილცისტეინი არსებობს თავისუფალი სახით ან შეკავშირებულია პლაზმურ ცილებთან დისულფიდური ბმებით. მისი 50% შეკავშირებულია პლაზმურ ცილებთან.
მეტაბოლიზმი:
ღვიძლში დეაცეტილირების შემდეგ, იგი განიცდის ამინომჟავა ცისტეინის ჩვეულ მეტაბოლურ გარდაქმნებს.
გამოყოფა:
აცეტილცისტეინი ძირითადად შარდში გამოიყოფა ღვიძლის მეშვეობით ტაურინის სახით.
ჩვენებები
აცეტილცისტეინი ნაჩვენებია ბლანტი ლორწოს შემცირებისა და გამოყოფის გასაადვილებლად, ამოხველების აუცილებლობის შემთხვევაში; ბრონქოპულმონური დარღვევების დროს.
იგი ასევე გამოიყენება ღვიძლის უკმარისობის დროს აცეტამინოფენით ჭარბი დოზირებისას.
მიღების წესები და დოზები
თუ არ არსებობს ექიმის სხვა დანიშნულება:
მუკოლიზური გამოყენება
უფროსები და 7 წელს ზემოთ ასაკის ბავშვები: 1 კაფსულა დღეში სამჯერ (დილით, შუადღეს და საღამოს) ან 600 მგ (3 კაფსულა) ერთჯერადი დოზის სახით ძილის წინ.
ბავშვები: ბავშვებისათვის რეკომენდებულია ასისტი® სიროფი.
აცეტამინოფენით ჭარბი დოზირება
დარტყმითი დოზაა 140 მგ/კგ, ხოლო შემანარჩუნებელი – 70 მგ/კგ ყოველ 4 საათში ერთხელ (17 დოზა).
გვერდითი მოვლენები
კუჭ-ნაწლავის მხრივ დარღვევები (მაგ. გულისრევა და ღებინება). აცეტილცისტეინის პერორალურმა მიღებამ შეიძლება გამოიწვიოს სტომატიტი, რინორეა, ჭინჭრის ციება, თავის ტკივილი, ყურებში ხმაური. იშვიათად შეიძლება განვითარდეს კანის ალერგიული რეაქციები. სამკურნალო საშუალებები, რომლებიც ზრდიან ლორწოს წარმოქმნას არ გამოიყენება ამოსახველებელ ანტისეკრეციულ საშუალებებთან ერთად.
არასასურველი მოვლენის განვითარების შემთხვევაში, მიმართეთ ექიმს კონსულტაციისათვის.
უკუჩვენება
პრეპარატი უკუნაჩვენებია პაციენტებში აცეტილცისტეინის მიმართ ჰიპერმგრძნობელობით.
ორსულობა და ლაქტაცია
B კატეგორიის პრეპარატი. ვინაიდან არ არსებობს საკმარისი ინფორმაცია, გადადის თუ არა აცეტილცისტეინი დედის რძეში თუ ნაყოფში, ორსულობისა და ლაქტაციის დროს ის მხოლოდ აუცილებლობის შემთხვევაში გამოიყენება.
ზეგავლენა ავტომობილის მართვისა და მექანიზმებთან მუშაობის უნარზე.
აცეტილცისტეინს არ გააჩნია უარყოფითი ზეგავლენა ავტომობილის მართვისა და მექანიზმებთან მუშაობის უნარზე.
განსაკუთრებული მითითებები
აცეტილცისტეინის გამოყენების შემდეგ, ბრონქული სეკრეცია შეიძლება შესამჩნევად გაიზარდოს. ამიტომ, საჰაერო გზები თავისუფალი უნდა იყოს პაციენტებში ხველის რეფლექსის დეფიციტით ან ხველის უკმარისობით.
ჭარბი დოზირება
აცეტილცისტეინის სპეციფიკური ანტიდოტი არ მოიპოვება. ტარდება სიმპტომატური და შემანარჩუნებელი მკურნალობა.
სხვა წამლებთან ურთიერთქმედება
ცისტეინის წამლებთან ურთიერთქმედება იშვიათია.
გლუტათიონი: გლუტათიონი ტრიპეპტიდია, წარმოებული გლუტამატით, გლიცინითა და ცისტეინით. შემცირებული გლუტათიონი მონაწილეობას ღებულობს ჟანგბადის რადიკალებისა და ზოგიერთი ტოქსიკური საშუალების დეტოქსიკაციაში. აცეტილცისტეინი მოქმედებს ცისტეინის დონორის სახით და ზრდის გლუტათიონის სინთეზს. პარაცეტამოლი (აცეტამინოფენი): აცეტილცისტეინი ჩართულია გლუტათიონის სტრუქტურაში და პარაცეტამოლის რეაქტიული მეტაბოლიტის კონიუგირებაში და შეუძლია ჰეპატოტოქსიურობის პრევენცია. პარაცეტამოლის აცეტილცისტეინთან პირდაპირი ურთიერთქმედება არ არსებობს.
შენახვის პირობები და ვადები
ინახება არა უმეტეს 30oC ტემპერატურის პირობებში.
შეინახეთ ბავშვებისათვის მიუწვდომელ ადგილას ორიგინალურ შეფუთვაში.
ვარგისიანობის ვადა: 24 თვე.
აფთიაქში გაცემის წესი
გაიცემა რეცეპტის გარეშე.