ბრომოკრიპტინ რიხტერი

ბრომოკრიპტინ რიხტერი

ბრომოკრიპტინ რიხტერის ზოგადი ინფორმაცია

ბრომოკრიპტინ რიხტერი. BROMOCRIPTIN-RICHTER. პროლაქტინის სეკრეციის ინჰიბიტორების ჯგუფის სამკურნალო საშუალება. აქტიური ნივთიერება – ბრომოკრიპტინი. Bromocriptine. მწარმოებელი ფირმა – გედეონ რიხტერი (უნგრეთი).

ბრომოკრიპტინ რიხტერის შემადგენლობა და გამოშვების ფორმა

ბრომოკრიპტინ რიხტერი. BROMOCRIPTIN-RICHTER გამოდის 2.5 მგ ტაბლეტის  ფორმით. ბრომოკრიპტინ რიხტერის თითოეული ტაბლეტი შეიცავს აქტიური ნივთიერებას: ბრომოკრიპტინის მეზილატის-2,5მგ,ასევე  დამხმარე ნივთიერებებს: უწყლო კოლოიდური სილიციუმს, მაგნიუმის სტეარატს, ტალკს, პოვიდონს, სიმინდის სახამებელს, მიკროკრისტალური ცელულოზას, ლაქტოზას მონოჰიდრატს.

ბრომოკრიპტინ რიხტერის ფასები ქართულ ფარმაცევტულ ბაზარზე

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ბრომოკრიპტინ რიხტერი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ბრომოკრიპტინ რიხტერის  ფასების შესახებ შეუძლიათ მოგვაწოდონ mpifarm@gmail.com

ბრომოკრიპტინ რიხტერის ფასები ფარმადეპოში
ბრომოკრიპტინ რიხტერის ფასები ავერსში
ბრომოკრიპტინ რიხტერის ფასები psp-ში
ბრომოკრიპტინ რიხტერის ფასები სხვა აფთიაქებში

ბრომოკრიპტინ რიხტერის აქტიური ნივთიერება

ბრომოკრიპტინი. Bromocriptine. ქიმიური დასახელება – ( (5’ალფა)-2-ბრომ-12′-ჰიდროქსი-2′-(1-მეთილეთილ)-5′-(2-მეთილპროპილ)ერგოტამან- 3′,6′,18-ტრიონი (მეზილატის სახით). ბრუტო–ფორმულა: C32H40BrN5O5. ბრომოკრიპტინს მიაკუთვნებენ დოფამინომიმეტიკების ჯგუფს.

ბრომოკრიპტინ რიხტერის გამოყენების ძირითადი მიმართულებებია

  • მენსტრუალური ციკლის დარღვევა, ჰიპერპროლაქტინემიით გამოწვეული ან მასთან დაკავშირებული
  • ოლიგომენორეა გალაქტორეით ან მის გარეშე მიმდინარე
  • ამენორეა გალაქტორეით ან მის გარეშე მიმდინარე
  • მენსტრუალური ციკლის ლუთეინური ფაზის უკმარისობა
  • უნაყოფობა, ჰიპერპროლაქტინემიით გამოწვეული ან მასთან დაკავშირებული
  • საკვერცხეების პოლიკისტოზის სინდრომი
  • ანოვულაციური ციკლები
  • მიკროადენომები პროლაქტინის მაპროდუცირებელი ჰიპოფიზის
  • მაკროადენომები პროლაქტინის მაპროდუცირებელი ჰიპოფიზის
  • პროლაქტინის მაჩვენებლების მომატება ქირურგიული ოპერაციების შემდეგ
  • აკრომეგალია
  • მდგომარეობები, რომელთა ჩვენებას წარმოადგენს ლაქტაციის თავიდან აცილება, მისი შემცირება ან შეწყვეტა
  • მასტიტი მშობიარობის შემდგომი
  • მასტალგია პრემენსტრუალური სინდრომის დროს
  • კეთილთვისებიანი კვანძოვანი დარღვევები
  • კეთილთვისებიანი კისტოზური დარღვევები
  • იდიოპათიური პარკინსონიზმის ყველა ფაზები
  • პოსტენცეფალური პარკინსონიზმის ყველა ფაზები

ბრომოკრიპტინ რიხტერის საფირმო აღწერიდან

ფარმაკოლოგიური თვისებები
ბრომოკრიპტინი მიეკუთვნება დოფამინომიმეტურ საშუალებებს. პრეპარატის მოქმედების მექანიზმი დაკავშირებულია ჰიპოფიზის ლაქტოტროპულ უჯრედებში დოფამინური რეცეპტორების პირდაპირ სტიმულაციასთან. ბრომოკრიპტინი ხელს უწყობს პროლაქტინის სეკრეციის შემცირებას და აფერხებს ზრდის ჰორმონის გაძლიერებულ სეკრეციას ჰიპოფიზის ჰორმონების სხვა მაჩვენებლებზე გავლენის გარეშე.
პრეპარატი თრგუნავს ფიზიოლოგიური ლაქტაციის პროცესს, ეფექტურია ჰიპერპროლაქტინემიით გამოწვეული სხვადასხვა დარღვევების დროს, ხელს უწყობს მენსტრუალური ციკლის ნორმალიზებას.
შედარებით დიდ დოზებში ბრომოკრიპტინი იწვევს დოფამინური რეცეპტორების გამოხატულ სტიმულაციას, განსაკუთრებით თავის ტვინის ზოლიანი სხეულისა და შავი ბირთვების არეში, რაც იწვევს აღნიშნულ უბნებში ნეიროქიმიური ბალანსის აღდგენას.
ჩვენებები
-ჰიპერპროლაქტინემიით გამოწვეული ან მასთან დაკავშირებული მენსტრუალური ციკლის დარღვევა, მათ შორის გალაქტორეით ან მის გარეშე მიმდინარე ოლიგო – და ამენორეა, მენსტრუალური ციკლის ლუთეინური ფაზის უკმარისობა.
-ჰიპერპროლაქტინემიით გამოწვეული ან მასთან დაკავშირებული უნაყოფობა; უნაყოფობა, რომელიც დაკავშირებული არ არის ჰიპერპროლაქტინემიასთან: საკვერცხეების პოლიკისტოზის სინდრომი; ანოვულაციური ციკლები (გამოიყენება როგორც დამატებითი საშუალება ანტიესტროგენებით მაგ, კლომიფენით მკურნალობის დროს).
-პროლაქტინის მაპროდუცირებელი ჰიპოფიზის მიკრო – და მაკროადენომების კონსერვატორული მკურნალობა, ქირურგიული ოპერაციების წინ სიმსივნის მოცულობის შემცირების და მისი ამოკვეთის შესამსუბუქებლად. ასევე, ქირურგიული ოპერაციების შემდეგ პროლაქტინის მაჩვენებლების მომატების შემთხვევაში.
-აკრომეგალიის დროს, როგორც დამატებითი საშუალება ოპერაციული და სხივური მკურნალობისას. აღნიშნული მკურნალობის შეუძლებლობის შემთხვევაში პრეპარატი გამოიყენება მონოთერაპიის სახით.
-მდგომარეობები, რომელთა ჩვენებას წარმოადგენს ლაქტაციის თავიდან აცილება, მისი შემცირება ან შეწყვეტა.
-სარძევე ჯირკვლების ზოგიერთი დაავადებები (მშობიარობის შემდგომი მასტიტი, მასტალგია პრემენსტრუალური სინდრომის დროს, კეთილთვისებიანი კვანძოვანი ან კისტოზური დარღვევები).
-იდიოპათიური და პოსტენცეფალური პარკინსონიზმის ყველა ფაზები.
მიღების წესები და დოზები
პრეპარატის დოზა ინდივიდუალურია და მისი მიღება ხდება ექიმის მკაცრი კონტროლის ქვეშ.
ბრომოკრიპტინის მიღება წარმოებს ყოველთვის ჭამის დროს 2-3-ჯერ დღეში.
მენსტრუალური ციკლის დარღვევა და უნაყოფობა:
ყოველდღიურად 2,5-3,75მგ, საჭიროების შემთხვევაში შესაძლებელია დოზის გაორმაგება. მკურნალობა გრძელდება მენსტრუალური ციკლის ნორმალიზაციამდე დაან ოვულაციის დადგომამდე. რეციდივების თავიდან აცილების მიზნით მკურნალობის გაგრძელება შესაძლებელია რამოდენიმე ციკლის სახით.
პროლაქტინომები:
ყოველდღიურად 2,5-3,75მგ, დოზის შემდგომი მომატებით პლაზმაში პროლაქტინის კონცენტრაციის შესაბამის დონეზე დაქვეითებამდე.
აკრომეგალია:
დასაწყისში ყოველდღიურად 2,5-3,75მგ, შემდგომში კლინიკური ეფექტისა და გვერდითი მოვლენების გათვალისწინებით შესაძლებელია დოზის გაზრდა 10-20მგ-მდე დღეღამეში.
ლაქტაციის დათრგუნვა:
ინიშნება 14 დღის განმავლობაში 5მგ-იანი დოზით დღეღამეში. მკურნალობა იწყება რაც შეიძლება ადრე, მშობიარობიდან ან აბორტიდან მინიმუმ 4სთ-ის შემდეგ.
თუ პრეპარატის მოხსნის შემდეგ კვლავ აღინიშნა რძის მცირეოდენი გამოყოფა, აუცილებელია მკურნალობის გაგრძელება იგივე დოზით კიდევ ერთი კვირის განმავლობაში.
მშობიარობის შემდგომ პერიოდში სარძევე ჯირკვლების გამკვრივება:
2,5მგ ერთჯერადად. აუცილებლობის შემთხვევაში შესაძლებელია დოზის განმეორება 6-12სთ-ის შემდეგ, ისე, რომ არ მოხდეს რძის გამოყოფის შეფერხება.
ოპერაციის შემდგომ პერიოდში მასტიტის განვითარების დროს პრეპარატი ინიშნება ლაქტაციის შეფერხების მიზნით. ამ დროს საჭიროა აგრეთვე ანტიბიოტიკების ერთდროული გამოყენება.
სარძევე ჯირკვლების კეთილთვისებიანი სიმსივნეები:
2,5-3,75მგ დღეღამეში. შესაძლებელია დოზის თანდათან გაორმაგება.
პარკინსონიზმი:
როგორც მონოთერაპიის, აგრეთვე კომბინირებული მკურნალობის დროს პრეპარატის საწყისი დოზა შეადგენს 1,25მგ-ს დღეღამეში, მიღება უმჯობესია საღამოს, ერთი კვირის განმავლობაში.
დასაწყისში საჭიროა მინიმალური ეფექტური დოზის მიღება. დოზის გაზრდა ხდება მხოლოდ თანდათანობით 1,25მგ დოზით კვირაში.
სასურველი თერაპიული ეფექტი აღინიშნება 6-8 კვირის განმავლობაში. საშუალო თერაპიული დოზა, როგორც მონოთერაპიის, აგრეთვე კომბინირებული მკურნალობის დროს შეადგენს 10-40მგ-ს დღეღამეში. ერთეულ შემთხვევებში საჭირო ხდება პრეპარატის შედარებით მაღალი დოზებით მიღება, მაგრამ ამ დროს საჭიროა ინდივიდუალური მიდგომა. მკურნალობის ხანგრძლივი პერიოდის განმავლობაში, აუცილებელია პრეპარატის მინიმალური დოზებით შენარჩუნებულ იქნას ოპტიმალური ანტიპარკინსონული ეფექტი.
აღნიშნულ შემთხვევაში არასასურველი გვერდითი მოვლენების წარმოქმნისას საჭიროა სადღეღამისო დოზის შემცირება და პრეპარატის მიღება შედარებით მცირე დოზებში ერთი კვირის განმავლობაში. გვერდითი მოვლენების მოხსნის შემთხვევაში შესაძლებელია პრეპარატის დოზის კვლავ გაზრდა
გვერდითი მოვლენები
მკურნალობის დასაწყისში შესაძლებელია გულისრევა, ღებინება, თავის ტკივილი, თავბრუსხვევა, საერთო სისუსტე. აღნიშნული გვერდითი მოვლენები პრეპარატით მკურნალობის შეწყვეტას არ საჭიროებენ. თავბრუსხვევის დაან გულისრევის თავიდან აცილების მიზნით პრეპარატის მიღებამდე 1სთ-ით ადრე რეკომენდებულია ღებინების საწინააღმდეგო საშუალების მიღება.
იშვიათად აღინიშნება ორთოსტატული ჰიპოტენზია, რის გამოც ამბულატორიულ პაციენტებში რეკომენდებულია არტერიული წნევის პერიოდული კონტროლი.
პრეპარატის დიდ დოზებში მიღებისას ადგილი აქვს ჰალუცინაციებს, ფსიქომოტორულ აგზნებას, მხედველობის დარღვევას, დისკინეზიას, პირის სიმშრალეს, ყაბზობას, წვივის კუნთების კრუნჩხვებს.
ხანგრძლივი გამოყენებისას ცალკეულ შემთხვევებში აღინიშნება რეინოს სინდრომი (განსაკუთრებით პაციენტებში წინასწარი განწყობით)
უკუჩვენება
ბრომოკრიპტინის და ჭვავის რქის ალკალოიდების მიმართ მომატებული მგრძნობელობა. ესენციური და ოჯახური ტრემორი, ჰენტინქტონის ქორეა, გულ-სისხლძარღვთა სისტემის დაავადებები, ენდოგენური ფსიქოზების სხვადასხვა ფორმები, არაკონტროლირებადი არტერიული ჰიპერტენზია, ორსულთა ტოქსიკოზი
განსაკუთრებული მითითებები
პრეპარატის გამოყენებისას რეპროდუქციული ასაკის ქალებში საჭიროა გამოირიცხოს ორსულობა და შემდგომში გამოყენებულ იქნას კონტრაცეპციის მექანიკური მეთოდები. ორსულობის დადგენის და ნაყოფის შენარჩუნების შემთხვევაში, აუცილებელია პრეპარატის მიღების შეწყვეტა.
პრეპარატის მოხსნის შემდეგ აბორტების სიხშირე ნაკლებია.
ბრომოკრიპტინის მიღებისას ორსულობის პირველი 8 კვირის განმავლობაში პრეპარატი უარყოფით გავლენას არ ახდენს ორსულობის მიმდინარეობასა და მის გამოსავალზე.
ჰიპოფიზის ადენომით პაციენტის დაორსულობის შემთხვევაში, პრეპარატის მოხსნის შემდეგ აუცილებელია ადენომის მდგომარეობის სისტემატური კონტროლი და მხედველობის არის რეგულარული გამოკვლევა.
პროლაქტინომის ზომაში მკვეთრად გამოხატული მომატებისას აუცილებელია მკურნალობის განახლება.
მასტალგიის ან სარძევე ჯირკვლების კვანძოვანი და ფიბროკისტოზური დარღვევების დროს პრეპარატით მკურნალობის დაწყებამდე საჭიროა გამოირიცხოს ავთვისებიანი სიმსივნეების არსებობა.
მშობიარობის შემდგომ ლაქტაციის შეფერხებისას, განსაკუთრებით კი მკურნალობის პირველ კვირას, აუცილებელია არტერიული წნევის რეგულარული კონტროლი. ჰიპერტენზიის, მხედველობის დარღვევით მიმდინარე ძლიერი ხასიათის თავის ტკივილის დროს საჭიროა პრეპარატით მკურნალობის დაუყოვნებლივ შეწყვეტა და ავადმყოფის გამოკვლევა.
ბრომოკრიპტინით მკურნალობა არასასურველია აკრომეგალიით დაავადებულ პაციენტებში ანამნეზში კუჭის წყლულით. აღნიშნულ ავადმყოფებში პრეპარატის გამოყენების შემთხვევაში საჭიროა ექიმთან კონსულტაცია კუჭ-ნაწლავის ტრაქტის ფუნქციის მოსალოდნელი Dდარღვევების შესახებ.
პრეპარატი სიფრთხილით ინიშნება პაციენტებში ფსიქიკის მოშლით, ასევე გულ-სისხლძარღვთა სისტემის მძიმე დაავადებებით.
პრეპარატის დიდი დოზებით მიღება საჭიროებს განსაკუთრებულ სიფრთხილეს.
იმ შემთხვევაში, როდესაც დაავადება გამოწვეული არ არის ჰიპერპროლაქტინემიით, პროლაქტინის მაჩვენებლების ნორმალურ მაჩვენებლებზე უფრო დაბლა შემცირებისა და ლუთეინური ფუნქციის დარღვევის თავიდან აცილების მიზნით საჭიროა პრეპარატის მიღება შედარებით მცირე ეფექტურ დოზებში. ეფექტური დოზის შერჩევისას, რეკომენდებულია სისხლში პროლაქტინის რეგულარული კონტროლი.
პრეპარატის გამოყენებისას პარკინსონის დაავადების დროს აუცილებელია ღვიძლის, თირკმელების, სისხლის სურათის, გულ-სისხლძარღვთა სისტემის პერიოდული კონტროლი.
პრეპარატის მაღალი დოზებით გამოყენებისას პარკინსონით დაავადებულ პაციენტებში შესაძლებელია ფსიქიკის დარღვევა.
პლევრისა და ფილტვების მხრივ მოულოდნელი სიმპტომების წარმოქმნის შემთხვევაში (კერძოდ, ფილტვის ინფილტრატის, პლევრის ექსუდატის) აუცილებელია მკურნალობის შეწყვეტა და ავადმყოფის გამოკვლევა.
ლაქტაციის პერიოდში პრეპარატის გამოყენება შესაძლებელია მხოლოდ განსაკუთრებული ჩვენებების შემთხვევაში.
პრეპარატის გამოყენება 15 წლამდე ასაკის ბავშვებში არასაკმარისი გამოცდილების გამო რეკომენდებული არ არის.
ალკოჰოლი ამცირებს ბრომოკრიპტინის ამტანიანობას.
ბრომოკრიპტინის მიღება იწვევს მხედველობის დაქვეითებას, ამიტომ პრეპარატის მიღების პერიოდში ავადმყოფებს ეკრძალებათ ავტომობილის მართვა და იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას
ჭარბი დოზირება
სიმპტომები: თავის ტკივილი, ჰალუცინაციები, არტერიული ჰიპოტენზია.
მკურნალობა: სიმპტომატური. მწვავე ინტოქსიკაციის დროს საჭიროა მეტოკლოპრამიდის გამოყენება (პარენტერალურად) და ექიმთან კონსულტაცია
სხვა წამლებთან ურთიერთქმედება
ბრომოკრიპტინის და მაკროლიდების ჯგუფის ანტიბიოტიკების (მაგ. ერითრომიცინის) ერთდროული დანიშვნისას, იზრდება ბრომოკრიპტინის კონცენტრაცია სისხლის შრატში. ფენოთიაზინის, ბუტიროფენონის, თიოქსანტენის წარმოებულებთან კომბინაცია იწვევს ბრომოკრიპტინის ეფექტის დაქვეითებას.
ჭვავის რქის ალკალოიდების სხვა პრეპარატებთან ერთად ბრომოკრიპტინის დანიშვნა ნებადართული არ არის
შენახვის პირობები და ვადები
შენახვის ვადა: 3 წელი
შენახვის პირობები:
სინათლისაგან და ბავშვებისაგანDდაცულ ადგილას, 15-30°Cტემპერატურაზე. შეფუთვა: N30 ტაბლეტი
აფთიაქში გაცემის წესი
ექიმის რეცეპტით

Share on Facebook
Facebook
გააზიარე Facebook -ზე ..