nostalgia

მკურნალობა უცხოეთში


ინდაფონი რეტარდი

ინდაფონი რეტარდის ზოგადი ინფორმაცია

ინდაფონი რეტარდი. INFADON RETARD. ანტიჰიპერტენზიული დიურეზული სამკურნალო საშუალება. აქტიური ნივთიერება – ინდაპამიდი. Indapamide. მწარმოებელი ფირმა – ჯი-ემ-პი (საქართველო).

ინდაფონი რეტარდის შემადგენლობა და გამოშვების ფორმა

ინდაფონი რეტარდი. INFADON RETARD გამოდის 1.5 მგ–იანი ტაბლეტის ფორმით. ინდაფონი რეტარდის ერთი ტაბლეტი შეიცავს აქტიური ნივთიერების – ინდაპამიდის 1.5 მგ-ს.

ინდაფონ რეტარდის ფასები ქართულ ფარმაცევტულ ბაზარზე

ინდაფონ რეტარდის ფასები ფარმადეპოში
ინდაფონ რეტარდის ფასები ავერსში
ინდაფონ რეტარდის ფასები psp-ში
ინდაფონ რეტარდის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ინდაფონი რეტარდი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ინდაფონ რეტარდის ფასების შესახებ შეუძლიათ მოგვაწოდონ  mpifarm@gmail.com

ინდაფონი რეტარდის აქტიური ნივთიერება

ინდაპამიდი. Indapamide. ქიმიური დასახელება – 3-(ამინოსულფონილ)-4-ქლორ-N- (2,3-დიჰიდრო-2-მეთილ-1Н-ინდოლ-1-ილ) ბენზამიდი (და ნახევრადჰიდრატის სახით). ბრუტო–ფორმულა:C16H16ClN3O3S. ინდაპამიდს მიაკუთვნებენ დიურეტიკების ჯგუფს. CAS-კოდი: 26807-65-8.

ინდაფონი რეტარდის სინონიმები

ინდაპამიდი (INDAPAMID, Hemofarm A.D, სერბეთი),არიფონ რეტარდი (ARIFON RETARD, Servier, საფრანგეთი), ინდაპამიდი ლეკი (Indapamide Lek, NOVARTIS CONSUMER HEALTH S.A, სლოვენია), ინდაფონი (Indafon, GMP, საქართველო).

ინდაფონი რეტარდის მოქმედ ნივთიერებას შეიცავენ

ნოლიპრელ ფორტე არგინინი (NOLIPREL ARGININE FORTE, Servier, საფრანგეთი; indapamide,  perindopril), ამრა (AMRA, GMP, საქართველო; indapamide, perindopril). ამრა ფორტე (AMRA FORTE, GMP, საქართველო; indapamide, perindopril), ნოლიპრელ არგინინი (NOLIPREL ARGININE, Servier, საფრანგეთი; indapamide, perindopril), პრესტარიუმი კომბი (PRESTARIUM COMBI, Servier, საფრანგეთი; indapamide, perindopril), პრილამიდი (Prilamid, NOVARTIS CONSUMER HEALTH S.A.; indapamide, perindopril).

ინდაფონი რეტარდის გამოყენების ძირითადი მიმართულებებია

  • ჰიპერტონია არტერიული

ინდაფონი რეტარდის საფირმო აღწერიდან

მოქმედების მექანიზმი
სულფონამიდის წარმოებული ჰიპოტენზიური (დიურეზული) საშუალება. ფარმაკოლოგიური თვისებებით ინდაპამიდი ახლოს დგას თიაზიდურ დიურეტიკებთან, რომელთა მოქმედებაც დამყარებულია ნეფრონის მარყუჟის კორტიკალურ სეგმენტში ნატრიუმის, ქლორის და ნაკლებად – კალიუმისა და მაგნიუმის იონების უკუშეწოვის ინჰიბირებაზე. აღნიშნული იწვევს დიურეზის გაძლიერებას და საბოლოოდ – ინდაპამიდის ჰიპოტენზიურ ეფექტს. გარდა ამისა, პრეპარატი ზრდის არტერიების კედლების ელასტიკურობას და ამცირებს საერთო პერიფერიულ სისხლძარღვოვან წინააღმდეგობას. პრეპარატი ხელს უწყობს გულის მარცხენა პარკუჭის ჰიპერტროფიის შემცირებას. ინდაფონი რეტარდის მიღების ხანგრძლივობა არ მოქმედებს ლიპიდურ და ნახშირწყლოვან ცვლაზე. პრეპარატის ჰიპოტენზიური ეფექტი ვლინდება პირველი კვირის ბოლოდან და მაქსიმუმს აღწევს სისტემატური მიღებიდან 3 თვის შემდეგ. ინდაფონი რეტარდის აქტიური ნივთიერება – ინდაპამიდი თანდათანობით გამოთავისუფლდება და პრეპარატის 1 ტაბლეტის (1.5 მგ) ერთჯერადად მიღების შემდეგ Cmax მიიღწევა 12 საათში. პლაზმის ცილებს უკავშირდება 79%. სისხლის პლაზმაში ინდაპამიდის მუდმივი კონცენტრაცია მიიღწევა რეგულარული მიღებიდან 7 დღის შემდეგ. ინდაპამიდი ორგანიზმში განიცდის ბიოტრანსფორმაციას და გამოიყოფა არააქტიური მეტაბოლიტების სახით, ძირითადად შარდის გზით – 70% და ფეკალური მასებით – 22%. T1/2 შეადგენს 14-24 სთ-ს (საშუალოდ 18 სთ). თირკმლის უკმარისობის მქონე პაციენტებში ინდაფონის ფარმაკოკინეტიკური პარამეტრები არ იცვლება.
ჩვენებები
- არტერიული ჰიპერტონია;
მიღების წესები და დოზები
ინდაფონი რეტარდი ინიშნება დღეში ერთხელ თითო ტაბლეტი (1.5 მგ), უპირატესად დილას.
გვერდითი მოვლენები
წყალ-მარილოვანი ბალანსის მხრივ: შესაძლებელია ჰიპოკალიემია, ჰიპონატრიემია, ძალზედ იშვიათად – ჰიპერკალციემია. ნივთიერებათა ცვლის მხრივ: შესაძლებელია სისხლის პლაზმაში შარდოვანასა და გლუკოზის შემცველობის გაზრდა. გულ-სისხლძარღვთა სისტემის მხრივ: შესაძლებელია ორთოსტატური ჰიპოტენზია. კნტ-ის მხრივ: იშვიათად – გულისრევა, პირის სიმშრალე, ყაბზობა. ალერგიული რეაქციები: შესაძლებელია გამოვლინებები კანის მხრივ. ცნს-ის მხრივ: შესაძლებელია თავბრუსხვევა, სისუსტე, დაღლილობის შეგრძნება, თავის ტკივილი.
უკუჩვენება
- თირკმლისა ან ღვიძლის ფუნქციის მძიმე დარღვევები; ღვიძლის ენცეფალოპათია; ჰიპოკალიემია; ინდაპამიდისა და სულფონამიდის წარმოებულებისადმი ჰიპერმგრძნობელობა.
განსაკუთრებული მითითებები
ინდაფონი რეტარდის დანიშვნა ორსულობის დროს არ არის რეკომენდებული, მათ შორის ფიზიოლოგიური შეშუპების მოსახსნელადაც. ინდაპამიდი გამოიყოფა დედის რძესთან ერთად, ამდენად მისი მიღება ლაქტაციის პერიოდში არ არის მიზანშეწონილი. შაქრიანი დიაბეტით დაავადებულ პაციენტებში პრეპარატის დანიშვნისას აუცილებელია გლუკოზის დონის კონტროლი (განსაკუთრებით ჰიპოკალიემიის დროს). პაციენტებში შარდმჟავას მაღალი დონით აღინიშნება ნიკრისის ქარის (პოდაგრა) შეტევების რაოდენობის ზრდა. ინდაფონი რეტარდით მკურნალობის ფონზე შესაძლებელია დისემინირებული წითელი მგლურას გამწვავება. ღვიძლის ფუნქციური უკმარისობის მქონე პაციენტებში თიაზიდურმა დიურეტიკებმა შეიძლება გამოიწვიოს ღვიძლისმიერი ენცეფალოპათია. ამ შემთხვევაში საჭიროა პრეპარატის მიღების დაუყოვნებელი შეწყვეტა. თიაზიდური დიურეტიკებით მკურნალობისას ძირითად რისკს წარმოადგენს სწრაფად განვითარებული ჰიპოკალიემია. საყურადღებოა, რომ მათ შესაძლებელია გამოიწვიონ კალციუმის იონების ორგანიზმში შეკავება, რაც უმნიშვნელო და დროებით ჰიპერკალციემიას იწვევს. გამოხატული ჰიპერკალციემია შესაძლებელია ადრე არადიაგნოსტირებული ჰიპერპარათირეოიდიზმის შედეგი იყოს. ინდაფონი რეტარდით მკურნალობის დროს საფაღარათო საშუალებების დანიშვნის აუცილებლობისას უნდა შეირჩეს პრეპარატი, რომელიც არ მოქმედებს ნაწლავების პერისტალტიკაზე. ინდაფონი რეტარდი არ იწვევს ფსიქომოტორული რეაქციების დარღვევას. თუმცა, არტერიული წნევის დაქვეითებისას ზოგიერთ შემთხვევაში შესაძლებელია ინდივიდუალური რეაქციების გამოვლინება (განსაკუთრებით თერაპიის დასაწყისში რამდენიმე ჰიპოტენზიური საშუალებით ერთდროულად მკურნალობის დროს). ამ შემთხვევაში შესაძლებებლია ფსიქომოტორული რეაქციების შენელება.
ჭარბი დოზირება
ინდაპამიდს, მაღალი დოზითაც კი, არ ახასიათებს ტოქსიკური მოქმედება.დოზის გადაჭარბებისას შესაძლებელია წყალ-ელექტროლიტური ბალანსის (ჰიპონატრიემია, ჰიპოკალიემია) დარღვევა, გულისრევა, ღებინება, არტერიული ჰიპოტენზია, კრუნჩხვა, თავბრუსხვევა, ძილიანობა, გონების დაბინდვა, პოლიურია ან ოლიგურია გარდამავალი ანურიაში (ჰიპოვოლემიის შედეგად). ინდაპამიდის ლითიუმის პრეპარატებთან ერთდროულმა დანიშვნამ შესაძლებელია სისხლის პლაზმაში ლითიუმის კონცენტრაციის მატება გამოიწვიოს. ასტემიზოლთან, ბეპრიდილთან, ერითრომიცინთან (ინტრავენურად), პენტიმიდინთან, სულტოპრიდთან, ტერფენადინთან, ვინკამინთან, ქინიდინთან, დიზაპირამიდთან, ამიოდარონთან, ბრეტილიუმთან, სოტალოლთან კომბინაციაში იზრდება torsades de pointes ტიპის გულის რითმის დარღვევის განვითარების ალბათობა. ანთების საწინააღმდეგო არასტეროიდული საშუალებები (სისტემური გამოყენების) აქვეითებენ ინდაფონი რეტარდის ჰიპოტენზიურ ეფექტს, ხოლო ბაკლოფენი, იმიპრამინის ტიპის ტრიციკლური ანტიდეპრესანტები აძლიერებენ ინდაპამიდის ჰიპოტენზიურ მოქმედებას. პრეპარატები, რომლებმაც შეიძლება ჰიპოკალიემია გამოიწვიონ (ამფოტერიცინი B, გლუკოდა მინერალოკორტიკოიდები, ტეტრაკოზაკტიდი, საფაღარათო საშუალებები) ინდაფონ რეტარდთან კომბინაციაში ზრდიან ჰიპოკალიემიის განვითარების რისკს. ინდაპამიდის საგულე გლიკოზიდებთან ერთად გამოყენებისას შესაძლებელია მათი ტოქსიკური მოქმედების გაძლიერება (აუცილებელია სისხლის პლაზმაში კალიუმის დონის და ეკგ მაჩვენებლების კონტროლი).
შენახვის პირობები და ვადები
პრეპარატის ვარგისიანობის ვადაა 2 წელი, ინახება 10-25oC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
აფთიაქში გაცემის წესი
ექიმის რეცეპტის მიხედვით!
რეგისტრაციის # და თარიღი
წს N რ – 001538 02.06.2006
ფასები
არტერიული ჰიპერტონია, ჯიემპი, gmp, მედიკამენტი, აფთიაქი,წამლები,წამალი, სამკურნალო, სამკურნალო medikamentebi, medikamenti, tsamali, camali, samkurnalo, vidal, საშუალებები,მედიკამენტების ძებნა, თბილისი,რეგიონები, ჯანმრთელობა, დაავადებები, სამედიცინო ცნობარი, ცხოვრების ჯანსაღი წესი, ახალი მედიკამენტები, დისტრიბუტორი, დისტრიბუცია, ფარმაცევტული დისტრიბუტორი, წარმომადგენლობა საქართველოში, წარმომადგენლობა

Comments are closed.

დარგობრივი საიტები

vaka