პიროქსიკამი

  პიროქსიკამი

პიროქსიკამის ზოგადი ინფორმაცია

პიროქსიკამი. PIROXICAM. არასტეროიდული ანთების საწინააღმდეგო პრეპარატების – პროპიონის მჟავას წარმოებული პრეპარატების ჯგუფის სამკურნალო საშუალება გამოხატული ანალგეზიური ეფექტით . აქტიური ნივთიერება – პიროქსიკამი. Piroxicam. მწარმოებელი ფირმა – ჯი-ემ-პი (საქართველო).

პიროქსიკამის შემადგენლობა და გამოშვების ფორმა

პიროქსიკამი. PIROXICAM გამოდის 20 მგ კაფსულის ფორმით. პრეპარატის ერთი კაფსულა შეიცავს აქტიური ნივთიერების – პიროქსიკამის 20 მგ-ს.

პიროქსიკამის ფასები ქართულ ფარმაცევტულ ბაზარზე

პიროქსიკამის ფასები ფარმადეპოში
პიროქსიკამის ფასები ავერსში
პიროქსიკამის ფასები psp-ში
პიროქსიკამის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც პიროქსიკამი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია პიროქსიკამის ფასების შესახებ შეუძლიათ მოგვაწოდონ  mpifarm@gmail.com

პიროქსიკამის აქტიური ნივთიერება

პიროქსიკამი. Piroxicam. ქიმიური დასახელება – 4-ჰიდროქსი-2-მეთილ-N-2-პირიდინილ-2H-1,2-ბენზოთიაზინ -3-კარბოქსამიდ -1,1-დიოქსიდი. ბრუტო–ფორმულა:C15H13N3O4S.. პიროქსიკამს მიაკუთვნებენ აასს – ოქსიკამების ჯგუფს. CAS-კოდი:36322-90-4.

პიროქსიკამის გამოყენების ძირითადი მიმართულებებია

  • ართრიტი რევმატოიდული
  • ოსტეოართრიტი
  • სპონდილიტი მაანკილოზირებელი
  • ნიკრისის ქარი (პოდაგრა) გამწვავების ფაზაში
  • ტკივილი ხერხემლის
  • ნევრალგიები
  • მიალგიები
  • ანთებითი პროცესები საყრდენ-მამოძრავებელი აპარატის, ტრავმული
  • ანთებითი პროცესები რბილი ქსოვილების, ტრავმული
  • ზემო სასუნთქი გზების  ინფექციურ-ანთებითი დაავადებები, მწვავე

პიროქსიკამის საფირმო აღწერიდან

მოქმედების მექანიზმი
პიროქსიკამი არასტეროიდული ანთების საწინააღმდეგო პრეპარატია. ახასიათებს ანთების საწინააღმდეგო, ტკივილგამაყუჩებელი და ანტიპირეტული თვისებები. მისი მოქმედება დამყარებულია ფერმენტ ციკლოოქსიგენაზას ინჰიბირებაზე, რის შედეგადაც ითრგუნება პროსტაგლანდინების სინთეზი. პიროქსიკამი ამცირებს ან მთლიანად აყუჩებს საშუალო ინტენსივობის ტკივილს, სახსროვანი სინდრომის დროს ამცირებს დილის შებოჭილობას, ხელს უწყობს მოძრაობათა სიფართის გაზრდას.
ჩვენებები
– რევმატოიდული ართრიტი;
– ოსტეოართრიტი;
– მაანკილოზირებელი სპონდილიტი;
– ნიკრისის ქარი (პოდაგრა) გამწვავების ფაზაში;
– ხერხემლის ტკივილი;
– ნევრალგიები;
– მიალგიები;
– საყრდენ-მამოძრავებელი აპარატისა და რბილი ქსოვილების ტრავმული ანთებითი პროცესები;
– ზემო სასუნთქი გზების მწვავე ინფექციურ-ანთებითი დაავადებები.
მიღების წესები და დოზები
რევმატოიდული ართრიტისა და მაანკილოზირებელი სპონდილიტის დროს, საწყისი დოზა შეადგენს 20 მგ-ს დღეში ერთხელ. შემანარჩუნებელი დოზაა-ასევე 20 მგ დღეში, თუმცა საჭიროებისას შეიძლება მისი შემცირება 10 მგ-მდე ან გაზრდა 30 მგ-მდე დღეში, განაწილებული ერთ ან რამდენიმე მიღებაზე. ნიკრისის ქარის გამწვავებისას საწყისი დოზაა 40 მგ დღეში ერთხელ, შემდეგი 4-6 დღე – 40 მგ განაწილებული ერთ ან რამდენიმე მიღებაზე. საყრდენ-მამოძრავებელი სისტემის სხვა ეტიოლოგიის მწვავე დაავადებებისას პირველი 4-6 დღის განმავლობაში ინიშნება 40 მგ დღიური დოზა, განაწილებული ერთ ან რამდენიმე მიღებაზე. შემდეგი 7-14 დღე – 20 მგ დღეში.
გვერდითი მოვლენები
გულისრევა, ღებინება, ანორექსია, მუცლის შებერვა, იშვიათად – ღვიძლის ფუნქციის დარღვევა, თავის ტკივილი, დეპრესია, ძილიანობა, უძილობა, კანზე გამონაყარი, ქავილი, სტივენს-ჯონსონისა და ლაილას სინდრომი, იშვიათად – თირკმლების ფუნქციის დარღვევა, სტომატიტი, პერიფერიული სისხლის სურათის ცვლილებები.
უკუჩვენება
კუჭისა და თორმეტგოჯა ნაწლავის წყლულოვანი დაავადება (გამწვავების ფაზაში), ღვიძლისა და თირკმლების ფუნქციის გამოხატული დარღვევები, ორსულობა, ლაქტაცია, პრეპარატისადმი მაღალი მგრძნობელობა.
განსაკუთრებული მითითებები
პრეპარატი სიფრთხილით ინიშნება ავადმყოფებში, რომელთაც ანამნეზში აღენიშნებათ კუჭ-ნაწლავის ტრაქტიდან სისხლდენები და ეროზიულ-წყლულოვანი დაავადებანი, დისპეფსიური დარღვევები, გულის ქრონიკული უკმარისობა, ბრონქული ასთმა, სისხლის შემდედებელი ფუნქციის დარღვევა. ასევეხანდაზმულობის ასაკში და განსაკუთრებით გულ-სისხლძარღვთა სისტემის, ღვიძლისა და თირკმლების ფუნქციის დარღვევისას. პიროქსიკამით მკურნალობის პროცესში აუცილებელია ღვიძლის ფუნქციონალური მდგომარეობისა და პერიფერიული სისხლის სურათის კონტროლი. არ არის რეკომენდებული პიროქსიკამისა და აცეტილსალიცილის მჟავის ან სხვა არასტეროიდული ანთების საწინააღმდეგო საშუალებების ერთდროული გამოყენება. სიფრთხილეა საჭირო არაპირდაპირ ანტიკოაგულანტებთან კომბინაციის დროსაც, რადგან მოსალოდნელია სისხლის შედედების საწინააღმდეგო ეფექტის გაძლიერება.
შენახვის პირობები და ვადები
პრეპარატის ვარგისიანობის ვადაა 3 წელი, ინახება 10-25oC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
აფთიაქში გაცემის წესი
ექიმის რეცეპტის მიხედვით!

Share on Facebook
Facebook
გააზიარე Facebook -ზე ..